San Lucas 19:29 - Triqui de San Juan Copala

²⁹ Dan me se nichrunꞌ Jesús ro̱j chumanꞌ cuꞌna̱j Betfagé ga̱ Betania a. Na̱j ro̱j chumanꞌ yoꞌ tacóó tacaan cuꞌna̱j Tacaan ma̱n Chruun Olivó a. Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ caꞌa̱nj ro̱j soꞌ rque chumanꞌ na̱j rej rihaan nij soꞌ,

San Lucas 19:29 ပူးပေါင်းရင်းမြစ်များ

San Mateo 21:17

Ga̱a ne̱ tanáj Jesús man nij soꞌ, ne̱ curiha̱nj soꞌ chumanꞌ Jerusalén, ne̱ caꞌanj soꞌ chumanꞌ Betania, ne̱ caranꞌ soꞌ ꞌo̱ yanꞌ a.

San Lucas 19:30

ne̱ cataj soꞌ rihaan ro̱j soꞌ a: ―Cavi̱i̱ ro̱j so̱j caꞌa̱nj ro̱j so̱j, ne̱ catu̱u̱ ro̱j so̱j chumanꞌ na̱j rihaan níꞌ, ne̱ asa̱ꞌ catúj ro̱j so̱j, ne̱ nari̱ꞌ ro̱j so̱j man ꞌo̱ burró leꞌe̱j yaꞌa̱nj numi̱i a. Dan me se nache̱ ro̱j so̱j man xoꞌ, ne̱ ni̱caj ro̱j so̱j caꞌna̱ꞌ ro̱j so̱j rihanj nihánj á.

San Lucas 19:37

Dan me se nichrunꞌ Jesús chumanꞌ Jerusalén, ne̱ va̱j soꞌ tacóó Tacaan ma̱n Chruun Olivó rej va̱j ni̱j chrej, ne̱ guun cheꞌe̱ cunuda̱nj nij síí ri̱i̱ tucuꞌyón snana̱ soꞌ guun niha̱ꞌ rá nimán nij soꞌ, ne̱ aguáj nij soꞌ, veꞌé uxrá caꞌmii nij soꞌ cheꞌé Yaꞌanj cheꞌé nu̱ꞌ nij suun sa̱ꞌ noco̱o quiꞌyaj Jesús queneꞌen nij soꞌ a.

San Lucas 21:37

Dan me se rej ranga̱ꞌ roꞌ, tucuꞌyón Jesús man nij yuvii̱ rej ya̱nj nuvií noco̱o, ne̱ rej tiꞌnuu me se curiha̱nj soꞌ rque chumanꞌ, ne̱ rej cuꞌna̱j Tacaan ma̱n Chruun Olivó aranꞌ soꞌ a.

San Lucas 22:39

Ga̱a ne̱ cavii soꞌ rque chumanꞌ caꞌanj soꞌ tacaan cuꞌna̱j Tacaan ma̱n Chruun Olivó, nda̱a vaa uꞌyón ina̱nj soꞌ ꞌyaj soꞌ a. Ne̱ canocoꞌ nij síí tucuꞌyón snana̱ soꞌ rej xco̱ soꞌ a.

San Lucas 24:50

Ga̱a ne̱ nica̱j Jesús man nij soꞌ, caꞌanj soꞌ nda̱a tuꞌva chumanꞌ Betania a. Ga̱a ne̱ naxca̱j soꞌ raꞌa soꞌ, ne̱ cachíín niꞌya̱j soꞌ rihaan Yaꞌanj se vaa veꞌé ra̱cuíj Yaꞌanj man nij soꞌ, ne̱ cavi̱i̱ sa̱ꞌ nij soꞌ a.

Hechos 1:12

Dan me se tanáj nij síí cuneꞌ Jesús caꞌa̱nj nata̱ꞌ snana̱ soꞌ tacaan cuꞌna̱j Tacaan ma̱n Chruun Olivó, ne̱ caꞌanj nij soꞌ, ne̱ namán uún nij soꞌ chumanꞌ Jerusalén a. Dan me se ꞌo̱ kilómetro caꞌanj nij soꞌ a.