San Lucas 18:37 - Triqui de San Juan Copala

³⁷ Ga̱a ne̱ cataj xnaꞌanj nii rihaan soꞌ se vaa Jesús síí cavii chumanꞌ Nazaret me síí achén rej ya̱nj nij soꞌ a.

San Lucas 18:37 ပူးပေါင်းရင်းမြစ်များ

San Mateo 2:23

ne̱ cuchiꞌ soꞌ chumanꞌ Nazaret, ne̱ cayáán soꞌ chumanꞌ yoꞌ a. Veé dan quisíj ya̱ nu̱ꞌ nana̱ cataj nij síí nataꞌ snana̱ Yaꞌanj ga̱a naá a: “Síí cavii Nazaret me Síí Caꞌne̱j Yaꞌanj ado̱nj”, taj nij soꞌ a.

San Lucas 18:36

Dan me se cuno síí tuchri̱i yoꞌ se vaa cachén ri̱i̱ yuvii̱ chrej rej ya̱nj soꞌ, ne̱ cheꞌé dan xnáꞌanj soꞌ man yuvii̱ me cheꞌé va̱j ndoꞌo yuvii̱ chrej yoꞌ a.

San Lucas 18:38

Ga̱a ne̱ caguáj síí tuchri̱i yoꞌ, cataj soꞌ a: ―Taꞌníí Taꞌnij Siꞌno̱ David síí cayáán ga̱a naá mé so̱ꞌ, Jesús. Cunu̱u ꞌe̱e̱ rá so̱ꞌ manj rugua̱nj ―taj soꞌ, caguáj soꞌ a.

San Lucas 2:51

Dan me se nanij Jesús quinanꞌ soꞌ nda̱a chumanꞌ Nazaret ga̱ ro̱j soꞌ, ne̱ ꞌo̱ ya̱nj uno sa̱ꞌ soꞌ rihaan ro̱j soꞌ a. Ne̱ ꞌo̱ nuû rá Mariá nu̱ꞌ nda̱a vaa guun a.

San Juan 1:45

Veé dan, ne̱ nariꞌ Felipé man síí cuꞌna̱j Natanael, ne̱ cataj soꞌ a: ―A̱j nariꞌ núj man síí caꞌmii Moisés cheꞌé ga̱a cuchruj soꞌ stucua̱nj soꞌ, ne̱ nij síí nataꞌ snana̱ Yaꞌanj ga̱a naá roꞌ, nataꞌ nij soꞌ cheꞌé soꞌ uún na̱nj ado̱nj. Ne̱ dan me se Jesús taꞌníí síí cuꞌna̱j José, síí cavii chumanꞌ Nazaret me soꞌ ado̱nj ―taj Felipé rihaan Natanael yoꞌ a.

San Juan 19:19

Ne̱ caꞌneꞌ síí cuꞌna̱j Pilató suun, se vaa cano̱ letrá rihaan ꞌo̱ rcuchra̱ꞌ, ne̱ cano̱ rcuchra̱ꞌ yoꞌ raa̱ rcutze̱, ne̱ letrá yoꞌ taj xnaꞌanj me cheꞌé cavi̱ꞌ Jesús a. Ne̱ nihánj me se taj letrá no̱ rihaan rcuchra̱ꞌ yoꞌ a: “Síí nihánj me Jesús síí cavii chumanꞌ Nazaret, ne̱ síí nica̱j suun rey uun chij rihaan nij yuvii̱ israelitá me soꞌ a”, taj letrá yoꞌ a.

Hechos 2:22

’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

Hechos 4:10

Cheꞌé dan xca̱j nij soj do̱ꞌ, ta̱ranꞌ nij yuvii̱ israelitá do̱ꞌ, cuentá se vaa cheꞌé se‑chuvi̱i Jesucristó Si̱j Caꞌnéé Yaꞌanj síí cavii chumanꞌ Nazaret nahuun sa̱ꞌ síí rengo̱ nihánj ne̱ nicu̱nꞌ soꞌ rihaan soj nihánj cuano̱ a. Ne̱ nij soj roꞌ, me nij síí quiꞌyaj cachrón nii man Jesús rihaan rcutze̱, tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj a.

2 Corintios 6:2

ꞌO̱ se nana̱ nihánj me nana̱ caꞌmii Yaꞌanj ado̱nj: Güii no̱ xcúún cu̱nó ꞌu̱nj me se cunó ꞌu̱nj nana̱ cachíín niꞌya̱j soj rihaan ꞌu̱nj a. Güii nanii yuvii̱ me se racuíj ꞌu̱nj man soj cavi̱i̱ sa̱ꞌ soj a. Da̱nj cataj Yaꞌanj ga̱a naá a. Xca̱j soj cuentá á. Cuano̱ nihánj me güii cunuu ꞌe̱e̱ rá Yaꞌanj man soj, ne̱ cuano̱ nihánj me güii caꞌve̱e cavi̱i̱ sa̱ꞌ soj chugua̱nj.