San Lucas 18:28 - Triqui de San Juan Copala

²⁸ Ga̱a ne̱ cataj Pedró rihaan soꞌ a: ―Ne̱ núj ga̱. A̱j tanáj núj nu̱ꞌ siꞌyaj núj, ne̱ canocoꞌ núj mán so̱ꞌ na̱nj á ―taj Pedró rihaan Jesús a.

San Lucas 18:28 ပူးပေါင်းရင်းမြစ်များ

San Mateo 19:27

Ga̱a ne̱ cataj Pedró rihaan Jesús a: ―Ne̱ núj ga̱. A̱j tanáj núj nu̱ꞌ siꞌyaj núj, ne̱ nocoꞌ núj mán so̱ꞌ ado̱nj. Da̱j quira̱nꞌ núj ga̱ ―taj Pedró, xnáꞌanj soꞌ a.

San Mateo 9:9

Ga̱a ne̱ cavii Jesús rej yoꞌ, ne̱ queneꞌen soꞌ man ꞌo̱ síí ya̱nj rihaan mesá rej aꞌnéj nii impuestó man yuvii̱ a. Mateo cuꞌna̱j soꞌ a. Dan me se cataj Jesús rihaan soꞌ a: ―Ca̱nocóꞌ so̱ꞌ manj, caꞌa̱nj níꞌ á ―taj Jesús rihaan soꞌ a. Ga̱a ne̱ naxuma̱a̱n soꞌ, ne̱ canocoꞌ soꞌ man Jesús, caꞌanj soꞌ a.

San Marcos 10:28

Ga̱a ne̱ guun cheꞌe̱ Pedró cataj Pedró a: ―Ne̱ núj ga̱. A̱j tanáj núj nu̱ꞌ siꞌyaj núj, ne̱ canocoꞌ núj mán so̱ꞌ á ―taj Pedró rihaan Jesús a.

San Lucas 5:11

Ga̱a ne̱ nica̱j nij soꞌ se‑riho̱o̱ nij soꞌ caꞌanj nij soꞌ nda̱a tuꞌva na a. Ga̱a ne̱ tanáj nij soꞌ cunuda̱nj nij rasu̱u̱n yoꞌ, ne̱ canocoꞌ nij soꞌ man Jesús, ne̱ caꞌanj nij soꞌ ga̱ soꞌ a.

San Juan 19:27

Ga̱a ne̱ cataj soꞌ rihaan síí tucuꞌyón snana̱ soꞌ yoꞌ a: ―Chana̱ nihánj gu̱un nií so̱ꞌ á ―taj soꞌ rihaan síí tucuꞌyón snana̱ soꞌ yoꞌ a. Ne̱ ma̱an orá dan guun ni̱i síí tucuꞌyón snana̱ Jesús yoꞌ man nii Jesús, ne̱ caꞌanj nica̱j soꞌ man noꞌ veꞌ tucuá maꞌa̱n soꞌ a.

Filipenses 3:7

Ne̱ sa̱ꞌ uxrá quiꞌyáj, raj ga̱a rque̱, tza̱j ne̱ ya̱j roꞌ, queneꞌenj snana̱ Cristó, ne̱ nu̱ꞌ rasu̱u̱n quiꞌyáj ga̱a naá roꞌ, ase vaa se riꞌyuj vaa nu̱ꞌ rasu̱u̱n quiꞌyáj ga̱a naá, raj na̱nj á.