San Lucas 18:10 - Triqui de San Juan Copala

¹⁰ ―Caꞌanj vi̱j snóꞌo nuvií noco̱o, cachíín niꞌya̱j ro̱j soꞌ rihaan Yaꞌanj a. ꞌO̱ soꞌ roꞌ, me síí fariseo, ne̱ ꞌó soꞌ roꞌ, me síí tihaꞌ yuꞌunj man yuvii̱ cheꞌé impuestó a.

San Lucas 18:10 ပူးပေါင်းရင်းမြစ်များ

San Mateo 10:3

Ne̱ vaa síí cuꞌna̱j Felipé do̱ꞌ, Bartolomé do̱ꞌ, Tomás do̱ꞌ a. Ne̱ ꞌó soꞌ me síí cuꞌna̱j Mateo síí caꞌnéj impuestó man yuvii̱ a. Ne̱ ꞌó soꞌ me síí cuꞌna̱j Jacobo uún, ne̱ taꞌníí síí cuꞌna̱j Alfeo me soꞌ a. Ne̱ ꞌó soꞌ me síí cuꞌna̱j Lebeo síí tucuꞌnáj nii Tadeo a.

San Lucas 19:46

Ne̱ cataj soꞌ rihaan nij soꞌ a: ―Danj Yaꞌanj taj se vaa tucuá Yaꞌanj me rej achíín niꞌya̱j yuvii̱ rihaan Yaꞌanj ado̱nj. Tza̱j ne̱ guun tucua̱ síí itu̱u̱ man tucuá Yaꞌanj nihánj, quiꞌyaj soj na̱nj á ―taj Jesús rihaan nij yuvii̱ quirii soꞌ a.

Hechos 26:5

Ne̱ sese me rá nij soꞌ, ne̱ gu̱un nucua̱j nij soꞌ cata̱j xnaꞌanj maꞌa̱n nij soꞌ se vaa si̱j fariseo mé ꞌu̱nj asino ya̱a̱n a. Ne̱ quiꞌyáá ꞌu̱nj nu̱ꞌ nda̱a vaa ꞌyaj nij síí fariseo, ne̱ nij síí fariseo roꞌ, me síí nica̱ doj noco̱ꞌ stucua̱nj níꞌ na̱nj á.

Hechos 3:1

Dan me se agaꞌ vaꞌnu̱j rej anocoꞌ güii me se cuchiꞌ síí cuꞌna̱j Pedró do̱ꞌ, síí cuꞌna̱j Juan do̱ꞌ, rej ya̱nj nuvií noco̱o, cheꞌé se orá achíín niꞌya̱j nii rihaan Yaꞌanj me yoꞌ a.

Filipenses 3:5

Dan me se ya̱ síí israelitá mej, ne̱ ga̱a cachén tu̱nj güii caꞌngaa ꞌu̱nj, ne̱ cutaꞌ nii taꞌngaꞌ man nee̱ manj a. ꞌO̱ síí noco̱ꞌ xꞌneꞌ síí cuꞌna̱j Benjamín, síí cayáán ga̱a naá mej, ne̱ xií ꞌu̱nj do̱ꞌ, réj do̱ꞌ, ma̱ꞌanj do̱ꞌ, me síí aꞌmii xnaꞌánj hebreo, ne̱ síí fariseo mej, ne̱ canocóꞌ ꞌu̱nj stucua̱nj Moisés ga̱ nij soꞌ a.