San Lucas 15:20 - Triqui de San Juan Copala

²⁰ ’Ga̱a ne̱ cavii soꞌ caꞌanj soꞌ rej ya̱nj rej soꞌ a. Dan me se ga̱nꞌ ndoꞌo va̱j soꞌ chéé soꞌ, ne̱ queneꞌen rej soꞌ man soꞌ, ne̱ cunuu ꞌe̱e̱ ndoꞌo rá rej soꞌ man soꞌ, ne̱ cunánj rej soꞌ nda̱a rej va̱j soꞌ, ne̱ naꞌya̱a̱n rej soꞌ man soꞌ, ne̱ cachrón tuꞌva̱ rej soꞌ man soꞌ a.

San Lucas 15:20 ပူးပေါင်းရင်းမြစ်များ

San Lucas 15:19

Taj cheꞌé cata̱j so̱ꞌ se vaa taꞌníí so̱ꞌ mej cuano̱ a̱ maꞌ. Ma̱an se qui̱ꞌyáá so̱ꞌ se ndoꞌo, ne̱ guún ꞌu̱nj mozó rihaan so̱ꞌ, qui̱ꞌyáá so̱ꞌ, rugua̱nj, cata̱j ꞌu̱nj rihaan réj a”, guun rá síí cuni̱j yoꞌ a.

San Lucas 15:21

Ga̱a ne̱ cataj síí cuni̱j yoꞌ rihaan rej soꞌ a: “Tumej cacunꞌ rihaan Yaꞌanj, ne̱ tumej cacunꞌ rihaan so̱ꞌ, ata̱j. Taj cheꞌé cata̱j so̱ꞌ se vaa taꞌníí so̱ꞌ mej cuano̱ a̱ maꞌ. Ma̱an se qui̱ꞌyáá so̱ꞌ se ndoꞌo, ne̱ guún ꞌu̱nj mozó rihaan so̱ꞌ, qui̱ꞌyáá so̱ꞌ, rugua̱nj”, taj soꞌ rihaan rej soꞌ a.

Hechos 2:39

Dan me se cataꞌ tuꞌva Yaꞌanj se vaa quiꞌya̱j soꞌ da̱nj cheꞌé nij soj do̱ꞌ, cheꞌé taꞌníí soj do̱ꞌ, cheꞌé nij síí ya̱nj ga̱nꞌ do̱ꞌ a. Dan me se me maꞌa̱n síí nacu̱nj Yaꞌanj Si̱j ꞌNi̱j Raꞌa man níꞌ canoco̱ꞌ man soꞌ me se quiꞌya̱j Yaꞌanj da̱nj cheꞌé soꞌ ado̱nj ―taj Pedró rihaan nij yuvii̱ israelitá yoꞌ a.

Hechos 20:37

Ga̱a ne̱ taꞌvee uxrá cunuda̱nj nij soꞌ, ne̱ naꞌya̱a̱n nij soꞌ man Pabló, ne̱ cachrón tuꞌva̱ nij soꞌ xruu̱ Pabló a.

Efesios 2:13

Tza̱j ne̱ nda̱ꞌ se asino ya̱a̱n yáán ga̱nꞌ soj ga̱ Yaꞌanj, tza̱j ne̱ ya̱j me se quinichrunꞌ soj rihaan Yaꞌanj cheꞌé ton cayanj man Cristó na̱nj ado̱nj.

Efesios 2:17

Dan me se caꞌnaꞌ Cristó, ne̱ nataꞌ soꞌ nana̱ sa̱ꞌ rihaan nu̱ꞌ soj si̱j yaníj do̱ꞌ, rihaan núj si̱j israelitá si̱j nica̱j stucua̱nj Yaꞌanj do̱ꞌ, se vaa dínj cuma̱n ta̱ranꞌ níꞌ rihaan Yaꞌanj á.