San Lucas 15:10 - Triqui de San Juan Copala

¹⁰ Dan me se cata̱j ꞌu̱nj rihaan soj se vaa nda̱a se vaa guun rá chana̱ ga̱a nariꞌ noꞌ se‑saꞌa̱nj noꞌ roꞌ, da̱nj gu̱un niha̱ꞌ uxrá rá nimán nij se‑mo̱zó Yaꞌanj ni̱ꞌyaj nij soꞌ man o̱rúnꞌ síí tumé cacunꞌ ga̱a canica̱j nimán soꞌ canocoꞌ soꞌ chrej sa̱ꞌ ado̱nj ―taj Jesús rihaan nij soꞌ a.

San Lucas 15:10 ပူးပေါင်းရင်းမြစ်များ

San Mateo 10:32

’Me maꞌa̱n síí nata̱ꞌ ya̱ rihaan yuvii̱ se vaa me soꞌ síí noco̱ꞌ manj roꞌ, vaa güii, ne̱ nata̱ꞌ ꞌu̱nj rihaan Réé ꞌu̱nj síí nicu̱nꞌ xta̱ꞌ se vaa si̱j noco̱ꞌ manj me soꞌ a.

San Mateo 18:10

’Tu̱mé soj man soj se̱ cataj soj se vaa taj yuꞌvee nó ꞌo̱ tuviꞌ soj síí nica̱ꞌ nimán maꞌ. ꞌO̱ se cata̱j xnaꞌanj ꞌu̱nj rihaan soj cuano̱ se vaa vaa se‑mo̱zó Réé ꞌu̱nj síí nicu̱nꞌ xta̱ꞌ tumé man ꞌo̱ ꞌo̱ nij soꞌ na̱nj ado̱nj. Ne̱ niga̱nj nicunꞌ nij soꞌ rihaan Réj, ne̱ uno Réj nu̱ꞌ nana̱ nataꞌ nij soꞌ rihaan Réj a.

San Mateo 18:14

Dan me se ase vaa naꞌvej rá soꞌ caꞌa̱nj niꞌya̱ o̱rúnꞌ daán soꞌ matzinj roꞌ, da̱nj vaa naꞌvej rá Rej níꞌ síí nicu̱nꞌ xta̱ꞌ caꞌa̱nj niꞌya̱ a̱ ꞌó síí nica̱ꞌ vaa nimán síí noco̱ꞌ man soꞌ na̱nj ado̱nj.

San Lucas 12:8

’Ne̱ cata̱j xnaꞌanj ꞌu̱nj rihaan soj cuano̱ se vaa no̱ xcúún soj nata̱ꞌ ya̱ soj rihaan yuvii̱ se vaa me soj síí noco̱ꞌ manj a. Ne̱ nu̱ꞌ síí ꞌyaj da̱nj roꞌ, vaa güii, ne̱ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, nata̱j rihaan nij se‑mo̱zó Yaꞌanj se vaa si̱j noco̱ꞌ manj me soꞌ a.

San Lucas 12:9

Ne̱ síí taj xnaꞌanj rihaan yuvii̱ se vaa né si̱j noco̱ꞌ manj me soꞌ roꞌ, vaa güii, ne̱ cata̱j xnaꞌanj yá ꞌu̱nj rihaan nij se‑mo̱zó Réé ꞌu̱nj se vaa né si̱j noco̱ꞌ manj me soꞌ a̱ maꞌ.

San Lucas 13:5

Taj maꞌ. Tza̱j ne̱ cata̱j xnaꞌanj ꞌu̱nj rihaan soj cuano̱ se vaa sese se̱ canica̱j nimán soj ta̱náj soj chrej chiꞌi̱i̱, ne̱ vaa güii quiri̱ꞌ nu̱ꞌ soj ne̱ quira̱nꞌ soj nda̱a vaa quiranꞌ nij soꞌ ado̱nj ―taj Jesús rihaan nij yuvii̱ a.

San Lucas 15:11

Ga̱a ne̱ cataj uún Jesús a: ―ꞌO̱ síí vaa vi̱j taꞌníí me soꞌ a.

San Lucas 15:7

Ne̱ cuano̱ nihánj me cata̱j xnaꞌanj ꞌu̱nj rihaan soj se vaa xta̱ꞌ rej ya̱nj Yaꞌanj roꞌ, gu̱un niha̱ꞌ doj rá nimán nij síí ma̱n yoꞌ ni̱ꞌyaj nij soꞌ man o̱rúnꞌ síí tumé cacunꞌ ga̱a canica̱j nimán soꞌ canocoꞌ soꞌ chrej sa̱ꞌ a. Tza̱j ne̱ se̱ caráyaꞌa̱nj nij síí ma̱n xta̱ꞌ man caꞌa̱nj chiha̱a̱ xnu̱ꞌ caꞌa̱nj síí sa̱ꞌ ne achiin ca̱nica̱j nimán nij soꞌ maꞌ ―taj Jesús rihaan nij soꞌ a.

San Lucas 15:9

Ne̱ asa̱ꞌ quisíj nariꞌ noꞌ saꞌanj aga̱ꞌ yoꞌ, ga̱a ne̱ canacu̱nj noꞌ man nu̱ꞌ tuviꞌ cha̱na̱ noꞌ níí ya̱nj xꞌnúú veꞌ tucuá noꞌ, ne̱ cata̱j noꞌ rihaan nij tuviꞌ cha̱na̱ noꞌ a: “Gu̱un niha̱ꞌ rá soj ga̱j á. ꞌO̱ se narij se‑saꞌa̱nj saꞌanj aga̱ꞌ platá catzi̱i̱ caꞌanj niꞌya̱ ado̱nj”, cata̱j noꞌ rihaan tuviꞌ cha̱na̱ noꞌ a.

San Lucas 7:47

Cu̱nó so̱ꞌ caꞌmi̱j á. ꞌO̱ se nda̱ꞌ se níí tumé uxrá cacunꞌ me noꞌ, tza̱j ne̱ cheꞌé se caráyaꞌa̱nj ndoꞌo noꞌ niꞌya̱j noꞌ manj roꞌ, cheꞌé dan neꞌen níꞌ se vaa navij nu̱ꞌ scacu̱nꞌ noꞌ quiꞌyaj Yaꞌanj na̱nj ado̱nj. Ne̱ xa̱ꞌ síí navij do̱j scacu̱nꞌ quiꞌyaj Yaꞌanj, tza̱j ne̱ do̱j aráyaꞌa̱nj soꞌ niꞌya̱j soꞌ manj na̱nj ado̱nj ―taj Jesús rihaan Simón a.

Hechos 11:18

Dan me se quiꞌyaj canaán snana̱ Pedró rihaan snana̱ ꞌó nij soꞌ, ga̱a ne̱ cataj nij soꞌ se vaa sa̱ꞌ uxrá quiꞌyaj Yaꞌanj a. Ne̱ cataj uún nij soꞌ a: ―Cheꞌé dan me nda̱a nij síí yaníj canica̱j nimán canocoꞌ chrej sa̱ꞌ, quiꞌyaj Yaꞌanj, ne̱ cheꞌé dan ca̱yáán nij síí yaníj rihaan Yaꞌanj nu̱ꞌ cavii nu̱ꞌ caꞌanj ado̱nj ―taj cunuda̱nj nij síí israelitá a.

Hechos 5:19

Tza̱j ne̱ rej nii̱ me se caꞌnaꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ, ne̱ caꞌnúj soꞌ taꞌyaa tagaꞌ yoꞌ, ne̱ caꞌanj nica̱j soꞌ man nij soꞌ xeꞌ a. Ga̱a ne̱ cataj se‑mo̱zó Yaꞌanj yoꞌ rihaan nij soꞌ a:

2 Corintios 7:10

ꞌO̱ se sese nano̱ rá níꞌ nda̱a vaa me rá Yaꞌanj quiꞌya̱j níꞌ, ne̱ nuchra̱nꞌ nimán níꞌ, ne̱ nani̱i̱ níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ne̱ taj cheꞌé nano̱ uún rá níꞌ cheꞌé yoꞌ a̱ maꞌ. Tza̱j ne̱ sese nano̱ rá níꞌ nda̱a vaa nanó rá nij síí ma̱n rihaan chumii̱ nihánj, ne̱ quiri̱ꞌ nu̱ꞌ nimán níꞌ nu̱ꞌ cavii nu̱ꞌ caꞌanj na̱nj ado̱nj.

Filemón 1:15

Xraj ne̱ cheꞌé rej caꞌve̱e ca̱yáán soꞌ ga̱ so̱ꞌ nu̱ꞌ cavii nu̱ꞌ caꞌanj roꞌ, cheꞌé dan caꞌanj yaníj soꞌ do̱j rihaan so̱ꞌ do̱j güii ado̱nj.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.