San Lucas 14:33 - Triqui de San Juan Copala

³³ ’Dan me se ase vaa xcaj síí cune̱ꞌ veꞌ do̱ꞌ, rey cunu̱ꞌ ga̱ tuviꞌ do̱ꞌ, cuentá sese gu̱un nucua̱j ro̱j soꞌ quiꞌya̱j ro̱j soꞌ da̱nj roꞌ, veé da̱nj quiꞌya̱j gue̱e̱ soj si̱j me rá canoco̱ꞌ manj á. Ne̱ sese se̱ guun rá soj ta̱náj xco̱ soj nu̱ꞌ siꞌyaj soj do̱ꞌ, nu̱ꞌ tuviꞌ soj do̱ꞌ, canoco̱ꞌ soj manj, ne̱ se̱ caꞌvee gu̱un soj síí tucuꞌyón snana̱j a̱ maꞌ.

San Lucas 14:33 ပူးပေါင်းရင်းမြစ်များ

San Lucas 14:26

―Sese me rá ꞌo̱ soꞌ caꞌna̱ꞌ soꞌ rihanj, ne̱ sese gu̱un rá soꞌ se vaa vaa se uun doj rej soꞌ do̱ꞌ, nii soꞌ do̱ꞌ, nica̱ soꞌ do̱ꞌ, taꞌníí soꞌ do̱ꞌ, tinúú soꞌ do̱ꞌ, raꞌvij soꞌ do̱ꞌ, nda̱a nimán maꞌa̱n soꞌ do̱ꞌ, rihanj, ne̱ se̱ caꞌvee gu̱un soꞌ ꞌo̱ síí tucuꞌyón snana̱j a̱ maꞌ.

San Lucas 14:32

Sese se̱ guun nucua̱j soꞌ quiꞌya̱j canaán soꞌ rá soꞌ, ga̱a ne̱ caꞌne̱j soꞌ síí caꞌanj suun caꞌmi̱i̱ ga̱ síí ꞌnaꞌ yoꞌ se vaa se̱ guun cunu̱ꞌ nij soꞌ a. Da̱nj cata̱j soꞌ ga̱a tiha̱j ꞌnaꞌ síí cunu̱ꞌ ga̱ soꞌ ga̱nꞌ a. Ga̱a ne̱ cachi̱nj niꞌya̱j síí caꞌanj suun yoꞌ rihaan síí ꞌnaꞌ, da̱j ga̱a̱ naꞌmi̱i̱ sa̱ꞌ ro̱j rey yoꞌ ga̱a ne̱ se̱ cunuꞌ ro̱j soꞌ maꞌ.

San Lucas 5:11

Ga̱a ne̱ nica̱j nij soꞌ se‑riho̱o̱ nij soꞌ caꞌanj nij soꞌ nda̱a tuꞌva na a. Ga̱a ne̱ tanáj nij soꞌ cunuda̱nj nij rasu̱u̱n yoꞌ, ne̱ canocoꞌ nij soꞌ man Jesús, ne̱ caꞌanj nij soꞌ ga̱ soꞌ a.

San Lucas 5:28

Ga̱a ne̱ naxuma̱a̱n Leví, canocoꞌ soꞌ man Jesús, ne̱ tanáj nu̱ꞌ soꞌ se‑su̱u̱n soꞌ a.

2 Timoteo 4:10

ꞌO̱ se tanáj síí cuꞌna̱j Demas manj, cheꞌé se caranꞌ doj rá soꞌ niꞌya̱j soꞌ rasu̱u̱n ma̱n rihaan chumii̱ nihánj, ne̱ caꞌanj soꞌ chumanꞌ Tesalónica na̱nj ado̱nj. Síí cuꞌna̱j Crescente caꞌanj estadó Galacia, ne̱ síí cuꞌna̱j Titó caꞌanj estadó Dalmacia ado̱nj.

Hebreos 11:26

Dan me se vaa yuꞌvee ndoꞌo nó sayuun quira̱nꞌ soꞌ cheꞌé Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ taj yuꞌvee nó ta̱ranꞌ nij rasu̱u̱n sa̱ꞌ tuꞌve̱e̱ ndoꞌo ma̱n yoꞌóó Egiptó, rá soꞌ, ne̱ veꞌé a̱ doj ca̱nocóꞌ man Yaꞌanj, rá Moisés a. ꞌO̱ se a̱j nuchruj ra̱a̱ soꞌ cheꞌé nu̱ꞌ rasu̱u̱n sa̱ꞌ rque̱ Yaꞌanj man soꞌ rej riha̱a̱n ado̱nj.