San Lucas 14:3 - Triqui de San Juan Copala

³ Ga̱a ne̱ xnáꞌanj Jesús man nij síí naquiꞌyaj cu̱u stucua̱nj Moisés do̱ꞌ, man nij síí fariseo do̱ꞌ, cataj soꞌ a: ―No̱ xcúún níꞌ caꞌne̱e̱ níꞌ chiꞌii̱ xráá síí ranꞌ güii naránj rá níꞌ, rá soj naꞌ. Ase ne nó xcúún níꞌ xa̱ꞌ ―taj Jesús, xnáꞌanj Jesús man nij soꞌ a.

San Lucas 14:3 ပူးပေါင်းရင်းမြစ်များ

San Mateo 12:10

Dan me se yáán ꞌo̱ síí nacoo̱ raꞌa rá veꞌ yoꞌ a. Ne̱ xnáꞌanj nij síí fariseo man Jesús sese no̱ xcúún yuvii̱ quiꞌya̱j conoꞌó yuvii̱ man tuviꞌ yuvii̱ güii naránj rá yuvii̱ a. Da̱nj tuꞌva nij soꞌ rihaan Jesús, cheꞌé yan me rá nij soꞌ cuta̱ꞌ nij soꞌ cacunꞌ xráá Jesús cheꞌé nana̱ caꞌmi̱i̱ Jesús ado̱nj.

San Mateo 12:2

Tza̱j ne̱ queneꞌen nij síí fariseo se vaa cuta nij soꞌ do̱j ꞌnúú trigó, ne̱ cataj nij soꞌ rihaan Jesús a: ―Ni̱ꞌyaj so̱ꞌ á. Güii naránj rá yuvii̱ me güii cuanꞌ á. Ne nó xcúún nij síí tucuꞌyón snana̱ so̱ꞌ cuta̱ nij soꞌ ꞌnúú trigó cuanꞌ a̱ maꞌ ―taj nij soꞌ rihaan Jesús a.

San Mateo 22:35

Ga̱a ne̱ xnáꞌanj ꞌo̱ nij soꞌ ꞌo̱ nana̱ man Jesús, queneꞌe̱n soꞌ sese gu̱un nucua̱j Jesús cata̱j xnaꞌanj Jesús nana̱ yoꞌ a. Dan me se cataj soꞌ a:

San Marcos 3:4

Ga̱a ne̱ xnáꞌanj Jesús man nij síí fariseo yoꞌ a: ―No̱ xcúún níꞌ ra̱cuíj níꞌ man tuviꞌ níꞌ güii naránj rá níꞌ naꞌ, ase no̱ xcúún níꞌ quiꞌya̱j chiꞌi̱i̱ níꞌ man tuviꞌ níꞌ xa̱ꞌ. No̱ xcúún níꞌ ti̱nanii níꞌ man tuviꞌ níꞌ rihaan sayuun güii naránj rá naꞌ, ase ni̱ꞌyaj u̱u̱n níꞌ cavi̱ꞌ soꞌ xa̱ꞌ ―taj Jesús rihaan nij soꞌ a. Tza̱j ne̱ dínj tuꞌva nij soꞌ a.

San Lucas 14:2

Ne̱ veé da̱nj nicu̱nꞌ ꞌo̱ síí quixíj cuꞌmaan man rihaan Jesús a.

San Lucas 14:4

Tza̱j ne̱ guun dínj tuꞌva nij soꞌ a. Ga̱a ne̱ taꞌaa Jesús man síí ranꞌ yoꞌ, ne̱ nahuun sa̱ꞌ soꞌ, quiꞌyaj Jesús, ga̱a ne̱ naꞌnéé Jesús chrej man soꞌ a.

San Lucas 6:9

Ga̱a ne̱ cataj Jesús rihaan nij síí uun chiꞌi̱i̱ rá a: ―Cuano̱ nihánj me se xna̱ꞌanj ꞌu̱nj man soj cheꞌé güii naránj rá na̱nj á. No̱ xcúún níꞌ ra̱cuíj níꞌ tuviꞌ níꞌ naꞌ. Ase no̱ xcúún níꞌ quiꞌya̱j chiꞌi̱i̱ níꞌ man tuviꞌ níꞌ xa̱ꞌ. Da̱j quiꞌya̱j níꞌ rá soj ga̱. Ne nó xcúún níꞌ ti̱nanii níꞌ man tuviꞌ níꞌ rihaan sayuun ga̱a güii naránj rá ga̱a a̱ naꞌ. Ni̱ꞌyaj u̱u̱n níꞌ cavi̱ꞌ soꞌ ga̱a a̱ naꞌ ―taj Jesús rihaan nij soꞌ a.

San Juan 7:23

Dan me se cheꞌé se me rá soj quiꞌya̱j soj nu̱ꞌ stucua̱nj Moisés, cheꞌé dan aꞌvej rá soj cata̱ꞌ taꞌngaꞌ man snóꞌo güii naránj rá soj ado̱nj. Sese da̱nj vaa, ne̱ me cheꞌé aꞌmaan rá soj niꞌya̱j soj manj cheꞌé se cunuu sa̱ꞌ nu̱ꞌ nee̱ man ꞌo̱ snóꞌo quiꞌyáj güii naránj rá soj ga̱.