San Lucas 12:33 - Triqui de San Juan Copala

³³ ’Cutuꞌve̱e̱ soj siꞌyaj soj, ne̱ caxri̱i̱ soj saꞌanj ston nij síí nique̱ á. Ga̱a ne̱ vaa güii quiri̱ꞌ soj ꞌo̱ nanj caraa nu̱ꞌ saꞌanj rque, ne̱ nanj yoꞌ roꞌ, daj chiha̱a̱ míj se̱ xtuu̱ nanj yoꞌ, ne̱ saꞌanj yoꞌ roꞌ, daj chiha̱a̱ míj se̱ navij saꞌanj yoꞌ maꞌ. Yoꞌ me se quiri̱ꞌ soj rej xta̱ꞌ, ne̱ rej xta̱ꞌ roꞌ, taj va̱j síí itu̱u̱ maꞌ. Ne̱ taj va̱j xlúú chá rasu̱u̱n maꞌ.

San Lucas 12:33 ပူးပေါင်းရင်းမြစ်များ

San Mateo 19:21

Ga̱a ne̱ cataj Jesús rihaan soꞌ a: ―Sese me rá so̱ꞌ cunu̱u sa̱ꞌ ina̱nj nimán so̱ꞌ, ne̱ cavi̱i̱ so̱ꞌ caꞌa̱nj so̱ꞌ, ne̱ cutuꞌve̱e̱ so̱ꞌ nu̱ꞌ siꞌyáá so̱ꞌ, ne̱ saꞌanj quiri̱ꞌ so̱ꞌ roꞌ, caxri̱i̱ so̱ꞌ ston nij síí nique̱, ne̱ cuma̱n ndoꞌo siꞌyáá so̱ꞌ rej xta̱ꞌ, quiꞌya̱j Yaꞌanj na̱nj ado̱nj. Ne̱ dan me se caꞌna̱ꞌ so̱ꞌ, ne̱ ca̱nocóꞌ so̱ꞌ manj, caꞌa̱nj níꞌ á ―taj Jesús a.

San Lucas 11:41

Dan me se rque̱ soj taꞌa̱j siꞌya̱j soj man nij síí nique̱ yan ti̱haa̱n soj se vaa a̱j cunuu sa̱ꞌ nimán soj á. Nda̱a síj, ga̱a ne̱ a̱ ꞌó xcoꞌ se̱ gaa nacaj xráá soj do̱ꞌ, rá nimán soj do̱ꞌ maꞌ.

San Lucas 12:21

Da̱nj quira̱nꞌ síí araa sa̱ꞌ rasu̱u̱n cheꞌé maꞌa̱n, ne̱ taj va̱j a̱ doj rasu̱u̱n sa̱ꞌ nica̱j soꞌ, niꞌya̱j Yaꞌanj a̱ maꞌ ―taj Jesús rihaan nij yuvii̱ a.

San Lucas 16:9

’Ga̱a ne̱ cuano̱ nihánj me se cata̱j xnaꞌanj ꞌu̱nj rihaan soj se vaa, vaa cheꞌé ni̱caj soj siꞌyaj soj rasu̱u̱n ma̱n rihaan chumii̱ nihánj, ne̱ rque̱ soj man yuvii̱ ga̱a ne̱ gu̱un tuvi̱ꞌ soj ga̱ nij yuvii̱, quiꞌya̱j rasu̱u̱n yoꞌ a. Ne̱ güii navi̱j nu̱ꞌ rasu̱u̱n ma̱n rihaan chumii̱ nihánj me se veꞌé catu̱u̱ soj rej xta̱ꞌ rej ca̱yáán soj nu̱ꞌ cavii nu̱ꞌ caꞌanj ado̱nj.

San Lucas 18:22

Ga̱a ne̱ cataj Jesús rihaan soꞌ a: ―Da̱j o̱rúnꞌ rasu̱u̱n achiin ya̱ mán so̱ꞌ na̱nj á. Cutuꞌve̱e̱ so̱ꞌ cunuda̱nj siꞌyáá so̱ꞌ, ne̱ saꞌanj quiri̱ꞌ so̱ꞌ roꞌ, caxri̱i̱ so̱ꞌ ston nij síí nique̱, ne̱ cuma̱n ndoꞌo siꞌyáá so̱ꞌ rej xta̱ꞌ, quiꞌya̱j Yaꞌanj na̱nj ado̱nj. Ne̱ dan me se caꞌna̱ꞌ so̱ꞌ, ne̱ ca̱nocóꞌ so̱ꞌ manj, caꞌa̱nj níꞌ á ―taj Jesús rihaan soꞌ a.

San Juan 12:6

Dan me se da̱nj tuꞌva maꞌa̱n Judas, tza̱j ne̱ a̱ doj ne nanó rá Judas cheꞌé nij síí nique̱ a̱ maꞌ. Tana̱nj síí itu̱u̱ me soꞌ a. ꞌO̱ se síí tumé se‑ca̱xra̱nꞌ nij tuvi̱ꞌ Jesús caxra̱nꞌ nu̱u̱ saꞌanj me soꞌ, ne̱ saꞌanj caraa yuvii̱ rque caxra̱nꞌ yoꞌ roꞌ, rii soꞌ cheꞌé maꞌa̱n soꞌ ado̱nj.

Hechos 2:45

Ne̱ tuꞌvéj nij soꞌ toꞌóó nij soꞌ do̱ꞌ, siꞌyaj nij soꞌ do̱ꞌ, ne̱ rqué nij soꞌ se‑saꞌa̱nj nij soꞌ rihaan tuviꞌ nij soꞌ síí achiin rasu̱u̱n man a.

2 Corintios 8:2

Dan me se quiranꞌ uxrá nij soꞌ sayuun, tza̱j ne̱ guun niha̱ꞌ uxrá rá nimán nij soꞌ, ne̱ nda̱ꞌ se síí nique̱ ndoꞌo me nij soꞌ, tza̱j ne̱ guun niha̱ꞌ rá nij soꞌ rque̱ nij soꞌ saꞌanj rihaan tinúú nij soꞌ síí nique̱ a. Nda̱ꞌ rá se ꞌyaj síí ruꞌvee ꞌyaj nij soꞌ na̱nj ado̱nj.