San Lucas 10:28 - Triqui de San Juan Copala

²⁸ Ga̱a ne̱ cataj Jesús rihaan soꞌ a: ―Ya̱ uxrá aꞌmii so̱ꞌ á. Da̱nj qui̱ꞌyáá so̱ꞌ, ga̱a ne̱ ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj na̱nj á ―taj Jesús rihaan soꞌ a.

San Lucas 10:28 ပူးပေါင်းရင်းမြစ်များ

San Mateo 19:17

Ga̱a ne̱ cataj Jesús a: ―Me cheꞌé xnáꞌanj so̱ꞌ manj cheꞌé se sa̱ꞌ ga̱. ꞌO̱ se o̱rúnꞌ Yaꞌanj me síí sa̱ꞌ ado̱nj. Tza̱j ne̱ sese me rá so̱ꞌ ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ cu̱nó so̱ꞌ nij suun noco̱o ya̱ ya̱ caꞌneꞌ Yaꞌanj cuno̱ níꞌ á ―taj Jesús a.

San Marcos 12:34

Ga̱a ne̱ queneꞌen Jesús se vaa ya̱ cavii raa̱ síí caꞌmii da̱nj rihaan soꞌ, ne̱ cheꞌé dan cataj Jesús rihaan soꞌ a: ―So̱ꞌ me se nichrunꞌ ya̱ caꞌve̱j rá so̱ꞌ gu̱un chij Yaꞌanj nimán so̱ꞌ na̱nj ado̱nj ―taj Jesús a. Ne̱ taj va̱j síí quisíj rá xna̱ꞌanj ꞌó nana̱ man Jesús a̱ maꞌ.

San Lucas 7:43

―Cara̱nꞌ doj rá síí navij noco̱o doj xcúún xráá ni̱ꞌyaj soꞌ man ruꞌvee, cheꞌé se noco̱o doj se lu̱j quiꞌyaj ruꞌvee cheꞌé soꞌ, raj a ―taj Simón a. ―Veé da̱nj vaa ya̱ á ―taj Jesús rihaan soꞌ a.

Romanos 10:4

Ga̱a naá, ne̱ canocoꞌ yuvii̱ stucua̱nj Moisés, ne̱ veé dan me se cunu̱u sa̱ꞌ nij soꞌ rihaan Yaꞌanj, rá nij soꞌ, tza̱j ne̱ ya̱j nihánj me se a̱j quisíj stucua̱nj Moisés, quiꞌyaj Cristó, ne̱ ꞌo̱ se ꞌo̱ cuchuma̱n rá níꞌ ni̱ꞌyaj níꞌ man Cristó, ga̱a ne̱ cunu̱u sa̱ꞌ níꞌ rihaan Yaꞌanj na̱nj ado̱nj.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

Romanos 7:10

Sese cuno̱ yuvii̱ nu̱ꞌ stucua̱nj Moisés, ne̱ veꞌé uxrá ca̱yáán nij yuvii̱, ne̱ cheꞌé dan vaa tucuáán yoꞌ, tza̱j ne̱ ꞌu̱nj nihánj me se da̱j doj se quiriꞌ nu̱ꞌ nimanj, quiꞌyaj tucuáán yoꞌ ado̱nj.

Gálatas 3:12

Dan me se xa̱ꞌ stucua̱nj Moisés, tza̱j ne̱ né cheꞌe̱ se cuchuma̱n ráꞌ me nani̱ꞌ rihaan sayuun maꞌ. Ma̱an cheꞌé se qui̱ꞌyáꞌ nu̱ꞌ rasu̱u̱n taj tucuáán yoꞌ me nani̱ꞌ rihaan sayuun, taj stucua̱nj Moisés na̱nj ado̱nj.