San Juan 9:25 - Triqui de San Juan Copala

²⁵ Cheꞌé dan cataj síí naxraꞌ rihaan yoꞌ a: ―Ne neꞌen uxraj sese si̱j tumé cacunꞌ me soꞌ maꞌ. Ma̱an se o̱rúnꞌ rasu̱u̱n neꞌén ꞌu̱nj se vaa ga̱a rque̱, ne̱ síí tuchri̱i mej, tza̱j ne̱ cuano̱ nihánj me se ruviꞌ rihanj ado̱nj ―taj síí naxraꞌ rihaan yoꞌ a.

San Juan 9:25 ပူးပေါင်းရင်းမြစ်များ

San Juan 5:11

Ga̱a ne̱ cataj soꞌ rihaan nij soꞌ a: ―Síí quiꞌyaj nahuun sa̱ꞌ ꞌu̱nj roꞌ, soꞌ me síí caꞌneꞌ suun rihanj na̱xcaj ꞌu̱nj tuvéé ꞌu̱nj ne̱ cache̱e̱ ꞌu̱nj ado̱nj ―taj soꞌ rihaan nij soꞌ a.

San Juan 9:24

Cheꞌé dan nacúún uún nij soꞌ man síí naxraꞌ rihaan yoꞌ, ne̱ cataj nij soꞌ rihaan soꞌ a: ―Veꞌé cata̱j yá so̱ꞌ rihaan Yaꞌanj da̱j quiránꞌ so̱ꞌ á. ꞌO̱ se a̱j neꞌen núj se vaa xa̱ꞌ snóꞌo caꞌmii ga̱ so̱ꞌ, tza̱j ne̱ si̱j tumé cacunꞌ me soꞌ ado̱nj ―taj nij soꞌ rihaan síí naxraꞌ rihaan yoꞌ a.

San Juan 9:26

Cheꞌé dan xnáꞌanj nij soꞌ man soꞌ, cataj nij soꞌ a: ―Ne̱ síí caꞌmii ga̱ so̱ꞌ me se da̱j quiꞌyaj soꞌ, ga̱a ne̱ naxraꞌ rihaan so̱ꞌ quiꞌyaj soꞌ ga̱ ―taj nij soꞌ, xnáꞌanj nij soꞌ man soꞌ a.

San Juan 9:30

Ga̱a ne̱ cataj soꞌ rihaan nij soꞌ a: ―Niha̱ꞌ uxrá vaa snana̱ soj xa̱ꞌ. Ne neꞌen soj me rej cavii soꞌ, tza̱j ne̱ síí naxraꞌ rihanj me soꞌ na̱nj ado̱nj.

1 Juan 5:10

Síí amán rá niꞌya̱j man Taꞌníí Yaꞌanj roꞌ, soꞌ me síí uun ya̱ rá se vaa nana̱ ya̱ me snana̱ Yaꞌanj a. Tza̱j ne̱ síí naꞌvej rá cuchuma̱n rá snana̱ Yaꞌanj roꞌ, soꞌ me síí uun rá se vaa síí ne̱ me Yaꞌanj a. ꞌO̱ se ne cuchuma̱n rá soꞌ nana̱ nataꞌ Yaꞌanj rihaan soꞌ cheꞌé Taꞌníí Yaꞌanj maꞌ.