San Juan 6:7 - Triqui de San Juan Copala

⁷ Dan me se cataj Felipé rihaan Jesús a: ―A̱ saꞌanj vaa tuꞌvee yuvii̱ ꞌyaj suun tu̱nj yavii se̱ quisíj quiri̱ꞌ nij soꞌ do̱j rachrúún cha̱ nij soꞌ a̱ maꞌ ―taj soꞌ a.

San Juan 6:7 ပူးပေါင်းရင်းမြစ်များ

San Mateo 18:28

’Veé dan, ga̱a ne̱ curiha̱nj mozó yoꞌ, caꞌanj soꞌ, ga̱a ne̱ nariꞌ tuviꞌ soꞌ ga̱ ꞌó mozó ꞌyaj suun rcuaꞌa̱a̱n ga̱ soꞌ, ne̱ mozó yoꞌ me síí quiꞌyaj xcúún rihaan mozó caráj xꞌnaa rey rihaan a. Ne̱ xcúún yoꞌ me saꞌanj vaa tuꞌvee yuvii̱ ꞌyaj suun caꞌa̱nj yavii a. Ga̱a ne̱ taꞌaa soꞌ gaán chihá tuviꞌ soꞌ mozó yoꞌ, ne̱ cataj soꞌ a: “Narque̱ so̱ꞌ nu̱ꞌ se vaa ꞌyaj xcúún so̱ꞌ rihanj cuaj vi̱j”, taj soꞌ rihaan tuviꞌ soꞌ a.

San Marcos 6:37

Ga̱a ne̱ cataj Jesús rihaan nij soꞌ a: ―Rque̱ maꞌa̱n soj se chá cha̱ nij yuvii̱ á ―taj soꞌ a. Ga̱a ne̱ cataj nij soꞌ rihaan Jesús a: ―Caꞌa̱nj núj go̱ꞌ núj saꞌanj vaa tuꞌvee yuvii̱ ꞌyaj suun tu̱nj yavii ne̱ quira̱a̱n núj rachrúún, ne̱ rque̱ núj cha̱ nij yuvii̱, rá so̱ꞌ a̱ naꞌ ―taj nij soꞌ a.

San Juan 1:43

Dan me se ꞌó güii uún me rá Jesús cavi̱i̱ soꞌ caꞌa̱nj soꞌ estadó Galilea, ne̱ nariꞌ Jesús man síí cuꞌna̱j Felipé, ne̱ cataj Jesús rihaan soꞌ a: ―Ca̱nocóꞌ so̱ꞌ manj, caꞌa̱nj níꞌ á ―taj Jesús rihaan soꞌ a.

San Juan 1:44

Ne̱ Felipé roꞌ, me síí cavii chumanꞌ Betsaida, ne̱ Betsaida me chiháán Andrés ga̱ Pedró uún a.

San Juan 1:45

Veé dan, ne̱ nariꞌ Felipé man síí cuꞌna̱j Natanael, ne̱ cataj soꞌ a: ―A̱j nariꞌ núj man síí caꞌmii Moisés cheꞌé ga̱a cuchruj soꞌ stucua̱nj soꞌ, ne̱ nij síí nataꞌ snana̱ Yaꞌanj ga̱a naá roꞌ, nataꞌ nij soꞌ cheꞌé soꞌ uún na̱nj ado̱nj. Ne̱ dan me se Jesús taꞌníí síí cuꞌna̱j José, síí cavii chumanꞌ Nazaret me soꞌ ado̱nj ―taj Felipé rihaan Natanael yoꞌ a.

San Juan 1:46

Ne̱ cataj Natanael a: ―Caꞌve̱e cavi̱i̱ ꞌo̱ se sa̱ꞌ chumanꞌ Nazaret naꞌ ―taj Natanael a. Ne̱ cataj Felipé a: ―Caꞌa̱nj níꞌ, ne̱ que̱neꞌén so̱ꞌ man soꞌ, sese me rá so̱ꞌ á ―taj Felipé rihaan soꞌ a.

San Juan 1:48

Ga̱a ne̱ xnáꞌanj Natanael man Jesús, cataj soꞌ a: ―Asa̱ꞌ aꞌvee neꞌén so̱ꞌ manj ga̱ ―taj soꞌ, xnáꞌanj soꞌ man Jesús a. Ne̱ cataj Jesús a: ―Asi̱j ataa nacu̱nj Felipé mán so̱ꞌ do̱ꞌ, asi̱j cayáán so̱ꞌ tacóó chruun higó do̱ꞌ, ne̱ a̱j queneꞌén ꞌu̱nj mán so̱ꞌ chugua̱nj ―taj Jesús rihaan soꞌ a.

San Juan 12:5

―Me cheꞌé ne cutuꞌve̱e̱ nii casté nihánj ne̱ quiri̱ꞌ uxrá nii saꞌanj ga̱. ꞌO̱ se saꞌanj ꞌyaj canaán yuvii̱ rque ꞌo̱ yoꞌ roꞌ, nó casté nihánj, ne̱ vaa cheꞌé rque̱ níꞌ saꞌanj yoꞌ rihaan nij síí nique̱ na̱nj á ―taj síí cuꞌna̱j Judas yoꞌ a.