San Juan 6:64 - Triqui de San Juan Copala

⁶⁴ Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.

San Juan 6:64 ပူးပေါင်းရင်းမြစ်များ

San Mateo 10:4

Ne̱ ꞌó soꞌ me síí cuꞌna̱j Simón uún, ne̱ soꞌ me tuviꞌ nij síí me rá nani̱i̱ raꞌa gobiernó ma̱n Romá a. Ne̱ ꞌó soꞌ me síí cuꞌna̱j Judas Iscariote, ne̱ soꞌ me síí tacuachén man Jesús rihaan nij síí ta̱j riꞌyunj man Jesús a.

San Juan 10:26

Tza̱j ne̱ ne cuchuma̱n rá soj ni̱ꞌyaj soj manj maan asânj. ꞌO̱ se né da̱a̱n ꞌu̱nj matzinj me soj a̱ maꞌ.

San Juan 18:4

Dan me se queneꞌen Jesús nu̱ꞌ se vaa quira̱nꞌ soꞌ, tza̱j ne̱ curiha̱nj soꞌ, ne̱ cataj soꞌ rihaan nij soꞌ a: ―Me síí nanoꞌ soj ga̱ ―taj soꞌ, xnáꞌanj soꞌ man nij soꞌ a.

San Juan 5:42

Tza̱j ne̱ neꞌén ꞌu̱nj da̱j vaa rá soj, se vaa ne aráj cochro̱j soj niꞌya̱j soj Yaꞌanj maꞌ.

San Juan 6:36

Tza̱j ne̱ a̱j cataj ꞌu̱nj rihaan soj se vaa nda̱ꞌ se queneꞌen soj manj, tza̱j ne̱ ne amán rá soj niꞌya̱j soj manj a̱ maꞌ.

San Juan 6:60

Queꞌe̱e̱ nij síí tucuꞌyón snana̱ Jesús cuno nana̱ nihánj nana̱ caꞌmii Jesús, ga̱a ne̱ cataj nij soꞌ a: ―Sayu̱u̱n uxrá vaa nana̱ nihánj chugua̱nj. Daj chiha̱a̱ míj se̱ cuno níꞌ nana̱ tuꞌva soꞌ a̱ maꞌ ―taj nij soꞌ rihaan tuviꞌ nij soꞌ a.

San Juan 6:61

Queneꞌen maꞌa̱n Jesús se vaa caꞌmii taꞌa̱j nij síí tucuꞌyón snana̱ soꞌ nana̱ nij yoꞌ, ga̱a ne̱ cataj Jesús rihaan nij soꞌ a: ―Quiriꞌ rá soj, quiꞌyaj nana̱ nihánj naꞌ.

San Juan 6:66

Cheꞌé dan canica̱j queꞌe̱e̱ nij síí tucuꞌyón snana̱ soꞌ, ne̱ caꞌneꞌ rá nij soꞌ ga̱ suun chéé ga̱ Jesús a.

San Juan 8:23

Ga̱a ne̱ cataj Jesús rihaan nij soꞌ a: ―Soj roꞌ, me síí avii rej nica̱ꞌ, ne̱ ꞌu̱nj roꞌ, me síí avii rej xta̱ꞌ a. Soj roꞌ, me síí ma̱n rihaan chumii̱ nihánj, tza̱j ne̱ né si̱j ma̱n rihaan chumii̱ nihánj mej maꞌ.

San Juan 8:55

tza̱j ne̱ ne neꞌen uxrá soj man soꞌ a̱ maꞌ. Tza̱j ne̱ ꞌu̱nj me síí neꞌen man soꞌ ado̱nj. Dan me se sese cata̱j ꞌu̱nj se vaa ne neꞌenj man soꞌ, ne̱ tuviꞌ soj síí ne̱ mej na̱nj á. Tza̱j ne̱ ya̱ ya̱ neꞌenj man soꞌ, ne̱ noco̱ꞌ ꞌu̱nj snana̱ soꞌ chugua̱nj.

Hechos 15:18

ne̱ asi̱j naá cataj ꞌu̱nj se vaa qui̱ꞌyáj da̱nj ado̱nj, taj snana̱ Yaꞌanj nana̱ cachrón síí nataꞌ snana̱ Yaꞌanj ga̱a naá rihaan yanj a.

Romanos 8:29

Ga̱a naá me se queneꞌen Yaꞌanj se vaa canoco̱ꞌ níꞌ man soꞌ vaa güii, ga̱a ne̱ ꞌo̱ guun rá Yaꞌanj se vaa naquiꞌya̱j sa̱ꞌ Yaꞌanj nimán níꞌ a. Ne̱ ase vaa Taꞌníí Yaꞌanj síí cuꞌna̱j Jesucristó roꞌ, da̱nj ga̱a̱ níꞌ uún, ne̱ vaa güii cuma̱n ndoꞌo tinúú Jesucristó do̱ꞌ, raꞌvij Jesucristó do̱ꞌ, ne̱ soꞌ gu̱un síí chava̱ꞌ rihaan cunuda̱nj níꞌ a.

2 Timoteo 2:19

Tza̱j ne̱ a̱j cuchruj sca̱ꞌ Yaꞌanj tucuáán noco̱ꞌ níꞌ, ne̱ a̱j na̱j se‑se̱lló soꞌ, quiꞌyaj soꞌ a. Ne̱ nihánj me nana̱ no̱ rihaan se‑se̱lló soꞌ a: “Neꞌen Síí ꞌNi̱j Raꞌa man níꞌ man nij síí noco̱ꞌ man soꞌ a.” Ne̱ ꞌó nana̱ no̱ rihaan se‑se̱lló soꞌ taj a: “Nu̱ꞌ nij síí nataꞌ se vaa si̱j noco̱ꞌ man Síí ꞌNi̱j Raꞌa man níꞌ me nij soꞌ roꞌ, no̱ xcúún nij soꞌ ta̱náj nij soꞌ nu̱ꞌ chrej chiꞌi̱i̱ á.” Dan me ro̱j nana̱ noco̱ꞌ níꞌ ado̱nj.

Hebreos 4:13

Ne̱ nu̱ꞌ nij rasu̱u̱n vaa yuve̱ roꞌ, ruviꞌ nu̱ꞌ nij yoꞌ rihaan Yaꞌanj chugua̱nj. ꞌO̱ se ranga̱ꞌ uxrá rihaan Yaꞌanj na̱nj á. Ne̱ ruviꞌ nu̱ꞌ rasu̱u̱n niꞌya̱j soꞌ, ne̱ ya̱ ruviꞌ sa̱ꞌ nu̱ꞌ rasu̱u̱n niꞌya̱j Yaꞌanj ado̱nj. Ne̱ veé rihaan maꞌa̱n ya̱ Yaꞌanj roꞌ, me caꞌa̱nj níꞌ nago̱ꞌ níꞌ cuentá ado̱nj.