San Juan 6:62 - Triqui de San Juan Copala

⁶² Xraj, ne̱ sese queneꞌe̱n soj mán ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ se vaa cavi̱i̱ uún ꞌu̱nj quina̱nꞌ ꞌu̱nj rej cayáán ꞌu̱nj asi̱j rque̱, ne̱ cuchuma̱n rá soj a.

San Juan 6:62 ပူးပေါင်းရင်းမြစ်များ

San Mateo 8:20

Ga̱a ne̱ cataj Jesús rihaan soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ ꞌó rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Marcos 16:19

Dan me se quisíj caꞌmii Jesús Si̱j ꞌNi̱j Raꞌa man níꞌ nana̱ dan rihaan nij síí tucuꞌyón snana̱ soꞌ, ga̱a ne̱ cavii soꞌ xta̱ꞌ, ga̱a ne̱ cayáán soꞌ rej nuva̱ꞌ Yaꞌanj a.

San Lucas 24:51

Ne̱ nu̱ꞌ cachíín niꞌya̱j soꞌ da̱nj cheꞌé nij soꞌ, ne̱ nu̱ꞌ cavii soꞌ xta̱ꞌ caꞌanj soꞌ a.

San Juan 16:28

Dan me se cavii ꞌu̱nj rihaan Réj Yaꞌanj, ne̱ caꞌnáꞌ ꞌu̱nj rihaan chumii̱ nihánj a. Ga̱a ne̱ cavi̱i̱ uún ꞌu̱nj rihaan chumii̱ nihánj, ne̱ nucui̱ꞌ uún ꞌu̱nj rihaan Réj Yaꞌanj ado̱nj ―taj Jesús rihaan nij síí tucuꞌyón snana̱ soꞌ a.

San Juan 17:11

’Ne̱ nihánj me se nuvíꞌ ꞌu̱nj yáán rihaan chumii̱ nihánj a̱ maꞌ. Tza̱j ne̱ nij síí nihánj yáán rihaan chumii̱ nihánj ado̱nj. ꞌU̱nj me se quina̱nꞌ ꞌu̱nj rej ya̱nj so̱ꞌ na̱nj ado̱nj. Dan me se nij síí rqué so̱ꞌ manj me se qui̱ꞌyáá so̱ꞌ se ndoꞌo, ne̱ tu̱mé so̱ꞌ man nij soꞌ cheꞌé se‑chu̱vií so̱ꞌ, cheꞌé rej ꞌo̱ cuno̱ nij soꞌ rihaan so̱ꞌ, Ata̱j Chij Síí Sa̱ꞌ Ina̱nj. Ne̱ cuya̱a̱n ga̱a̱ rá nimán nij soꞌ nda̱a vaa cuya̱a̱n vaa rá nimán ro̱ꞌ á.

San Juan 3:13

’ꞌO̱ se taj va̱j ꞌó síí cavii rej xta̱ꞌ ne̱ nanij rihaan yoꞌóó maꞌ. Ma̱an o̱rúnꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, me síí ꞌnaꞌ rej xta̱ꞌ nanij rihaan yoꞌóó nihánj, ne̱ cheꞌé dan ma̱ꞌanj me síí gu̱un nucua̱j cata̱j xnaꞌanj rihaan soj da̱j vaa rej xta̱ꞌ ado̱nj.

San Juan 6:27

’Se̱ guun quiꞌya̱j suun soj cheꞌé ina̱nj se cha̱ soj maꞌ. ꞌO̱ se vaa güii, ne̱ navi̱j nu̱ꞌ nij rasu̱u̱n yoꞌ na̱nj ado̱nj. Cheꞌé dan quiꞌya̱j suun soj cheꞌé se vaa quiꞌya̱j cavi̱i̱ sa̱ꞌ nimán soj, ga̱a ne̱ ga̱a̱ iꞌna̱ꞌ ya̱ nimán soj nu̱ꞌ cavii nu̱ꞌ caꞌanj á. ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me síí rque̱ se sa̱ꞌ yoꞌ rihaan soj na̱nj ado̱nj. ꞌO̱ se Réj Yaꞌanj me síí cataj se vaa caꞌve̱e qui̱ꞌyáj da̱nj cheꞌé soj ado̱nj ―taj Jesús rihaan nij yuvii̱ a.

San Juan 6:42

cataj nij soꞌ a: ―Né si̱j cuꞌna̱j Jesús me síí nihánj naꞌ. Né taꞌni̱j síí cuꞌna̱j José me soꞌ naꞌ. Né si̱j neꞌen níꞌ me rej soꞌ do̱ꞌ, me nii soꞌ do̱ꞌ naꞌ. Me cheꞌé guun rá soꞌ cata̱j soꞌ cuano̱ se vaa me soꞌ síí nanij rej xta̱ꞌ rihaan chumii̱ nihánj ga̱ ―taj nij síí uun chij niꞌya̱j nij soꞌ man Jesús a.

San Juan 6:53

Cheꞌé dan cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa sese se̱ chá soj nee̱ mán ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ sese se̱ coꞌo soj ton manj, ne̱ se̱ caꞌvee ga̱a̱ iꞌna̱ꞌ nimán soj a̱ maꞌ.

Hechos 1:9

Dan me se quisíj caꞌmii Jesús da̱nj rihaan nij soꞌ, ga̱a ne̱ niꞌya̱j nij soꞌ man soꞌ, ne̱ dan me se cavii soꞌ xta̱ꞌ, quiꞌyaj Yaꞌanj, ne̱ catúj soꞌ rque ngaa, ne̱ ne caꞌve̱e queneꞌe̱n nij soꞌ man soꞌ a̱ maꞌ.

1 Pedro 3:22

Dan me se quisíj cunuu iꞌna̱ꞌ uún Jesucristó, ga̱a ne̱ quinanꞌ soꞌ rej xta̱ꞌ, ne̱ xꞌnúú Yaꞌanj rej nuva̱ꞌ Yaꞌanj yáán soꞌ cuano̱, ne̱ uun chij soꞌ rihaan cunuda̱nj nij se‑mo̱zó Yaꞌanj do̱ꞌ, rihaan nu̱ꞌ nij síí me nana̱ uun chij do̱ꞌ, nana̱ nucua̱j do̱ꞌ ado̱nj.