San Juan 20:31 - Triqui de San Juan Copala

³¹ Tza̱j ne̱ no̱ nana̱ nihánj rihaan yanj nihánj cheꞌé rej ꞌo̱ cuchuma̱n rá soj si̱j naya̱a̱ nana̱ nihánj se vaa Jesús roꞌ, me Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Taꞌníí Yaꞌanj me ya̱ uún soꞌ ado̱nj. Ne̱ cheꞌé se amán rá soj niꞌya̱j soj man soꞌ roꞌ, cheꞌé dan ga̱a̱ iꞌna̱ꞌ nimán soj rihaan Yaꞌanj nu̱ꞌ cavii nu̱ꞌ caꞌanj cheꞌé maꞌa̱n Jesús chugua̱nj.

San Juan 20:31 ပူးပေါင်းရင်းမြစ်များ

San Mateo 16:16

Ga̱a ne̱ cataj síí cuꞌna̱j Simón Pedró a: ―Síí Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ, ne̱ Taꞌni̱j Yaꞌanj si̱j vaa iꞌna̱ꞌ ya̱ mé so̱ꞌ na̱nj ado̱nj ―taj soꞌ rihaan Jesús a.

San Mateo 27:54

Veé dan, ne̱ nicu̱nꞌ tanuu capitán romanó ꞌni̱j raꞌa cientó tanuu, ne̱ nicu̱nꞌ ꞌó nij tanuu tumé man Jesús a. Ne̱ queneꞌen nij soꞌ cachén yuún, ne̱ queneꞌen nij soꞌ nu̱ꞌ se vaa guun, ne̱ cuchuꞌviꞌ ndoꞌo nij soꞌ, ne̱ dan me se cataj nij soꞌ a: ―Ya̱ ya̱ Taꞌni̱j Yaꞌanj me síí nihánj asânj ―taj nij soꞌ a.

San Mateo 4:3

Dan me se cuchiꞌ Síí Chre̱e rihaan Jesús, ga̱a ne̱ guun rá soꞌ tiha̱ꞌ yuꞌunj soꞌ man Jesús ado̱nj. Cheꞌé dan cataj soꞌ rihaan Jesús a: ―Sese ya̱ ya̱ Taꞌni̱j Yaꞌanj mé so̱ꞌ, ne̱ cata̱j so̱ꞌ rihaan nij yahij nihánj se vaa gu̱un nij yoꞌ rachrúún cha̱ so̱ꞌ á ―taj Síí Chre̱e rihaan Jesús a.

San Marcos 16:16

Ne̱ me maꞌa̱n ꞌo̱ síí cuchuma̱n rá snana̱ soj ne̱ cata̱ꞌ ne, ne̱ soꞌ me síí nani̱i̱ rihaan sayuun ne̱ cavi̱i̱ sa̱ꞌ quiꞌya̱j Yaꞌanj, tza̱j ne̱ síí naꞌvej rá cuchuma̱n rá snana̱ soj me se quiꞌya̱j Yaꞌanj sayuun man soꞌ cheꞌé cacunꞌ tumé soꞌ ado̱nj.

San Lucas 1:35

Ga̱a ne̱ cataj se‑mo̱zó Yaꞌanj rihaan Mariá a: ―Nani̱j Nimán Yaꞌanj catu̱u̱ soꞌ nimán so̱ꞌ, ne̱ ca̱ráán se‑nucua̱j Yaꞌanj Si̱j Uun Chij Doj mán so̱ꞌ ga̱ scachu̱nꞌ soꞌ, ne̱ cheꞌé dan cuchru̱j so̱ꞌ neꞌej sa̱ꞌ ina̱nj rihaan Yaꞌanj, ne̱ Taꞌníí Yaꞌanj me neꞌej cuchru̱j so̱ꞌ, cata̱j yuvii̱ a.

San Lucas 1:4

Na̱nj qui̱ꞌyáj, ga̱a ne̱ caꞌve̱e gu̱un ya̱ rá so̱ꞌ se vaa ya̱ vaa nu̱ꞌ nana̱ cataj xnaꞌanj nii rihaan so̱ꞌ ado̱nj.

San Lucas 24:47

Ga̱a ne̱ vaa cheꞌé caꞌmi̱i̱ natáj nii se vaa cheꞌé se‑chuvi̱i Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, no̱ xcúún yuvii̱ ca̱nica̱j nimán yuvii̱ ne̱ ta̱náj yuvii̱ chrej chiꞌi̱i̱, ne̱ tinavi̱j Yaꞌanj cacunꞌ tumé nij soꞌ a. Asino ya̱a̱n vaa cheꞌé caꞌmi̱i̱ natáj nii chumanꞌ Jerusalén, ga̱a ne̱ caꞌmi̱i̱ natáj nii rihaan ta̱ranꞌ nij xꞌneꞌ yuvii̱ ino̱ vaa stucua̱nj ado̱nj.

San Juan 1:49

Ga̱a ne̱ cataj Natanael a: ―Taꞌni̱j Yaꞌanj mé so̱ꞌ, maestro. Si̱j nica̱j suun rey uun chij rihaan níꞌ si̱j israelitá mé so̱ꞌ á ―taj Natanael a.

San Juan 10:10

’Xa̱ꞌ síí itu̱u̱, tza̱j ne̱ me ina̱nj rá soꞌ quiꞌya̱j itu̱u̱ soꞌ matzinj do̱ꞌ, ticavi̱ꞌ soꞌ matzinj do̱ꞌ, tinavi̱j soꞌ matzinj do̱ꞌ ado̱nj. Cheꞌé dan atúj soꞌ rej nu̱u̱ nij matzinj a. Tza̱j ne̱ ꞌu̱nj me se caꞌnáꞌ ꞌu̱nj cheꞌé se me rá ꞌu̱nj ꞌo̱ ga̱a̱ iꞌna̱ꞌ nij xoꞌ, ne̱ niꞌndaj ya̱ ga̱a̱ xe̱j nimán nij xoꞌ, qui̱ꞌyáj chugua̱nj.

San Juan 19:35

Ne̱ síí taj xnaꞌanj nana̱ nihánj me se si̱j queneꞌen nu̱ꞌ se vaa guun me soꞌ, ne̱ ya̱ vaa snana̱ soꞌ, ne̱ neꞌen soꞌ se vaa ya̱ aꞌmii soꞌ, ado̱nj. Ne̱ taj xnaꞌanj soꞌ nu̱ꞌ nana̱ nihánj cheꞌé rej cuchuma̱n rá soj a.

San Juan 20:28

Ga̱a ne̱ cataj Tomás rihaan soꞌ a: ―So̱ꞌ me Síí ꞌNi̱j Raꞌa manj, ne̱ so̱ꞌ me Taꞌanj ꞌu̱nj ado̱nj ―taj soꞌ rihaan Jesús a.

San Juan 3:18

Níꞌ si̱j amán rá niꞌya̱j man Taꞌníí Yaꞌanj me se taj va̱j sayuun quira̱nꞌ níꞌ maꞌ. Tza̱j ne̱ síí ne amán rá niꞌya̱j man soꞌ roꞌ, a̱j cataj Yaꞌanj se vaa ya̱ quira̱nꞌ soꞌ sayuun na̱nj á. Cheꞌé se ne cuchuma̱n ya̱ rá soꞌ niꞌya̱j soꞌ o̱rúnꞌ ya̱ Taꞌníí Yaꞌanj roꞌ, cheꞌé dan quira̱nꞌ ya̱ soꞌ sayuun ado̱nj.

San Juan 3:36

Síí amán rá niꞌya̱j man Taꞌníí Yaꞌanj roꞌ, soꞌ me síí veꞌé ca̱yáán ga̱ Yaꞌanj nu̱ꞌ cavii nu̱ꞌ caꞌanj a. Tza̱j ne̱ síí naꞌvej rá cuchuma̱n rá ni̱ꞌyaj man Taꞌníí Yaꞌanj roꞌ, daj chiha̱a̱ míj se̱ cayáán soꞌ ga̱ Yaꞌanj maꞌ. Tana̱nj ꞌo̱ caꞌma̱an rá Yaꞌanj ni̱ꞌyaj Yaꞌanj man soꞌ, ne̱ ꞌo̱ quira̱nꞌ soꞌ sayuun, quiꞌya̱j Yaꞌanj ado̱nj.

San Juan 5:24

’Ya̱ ya̱ cata̱j xnaꞌanj ꞌu̱nj rihaan soj cuano̱ se vaa síí uno snana̱j ne̱ amán rá niꞌya̱j man síí caꞌnéé manj roꞌ, soꞌ me síí vaa iꞌna̱ꞌ nimán rihaan Yaꞌanj nu̱ꞌ cavii nu̱ꞌ caꞌanj, ne̱ se̱ quiꞌyaj Yaꞌanj sayuun man soꞌ maꞌ. ꞌO̱ se tanáj xco̱ soꞌ rej ya̱nj yaníj nimán soꞌ ga̱ Yaꞌanj ne̱ catúj soꞌ rej vaa iꞌna̱ꞌ nimán soꞌ rihaan Yaꞌanj a.

San Juan 6:40

ꞌO̱ se nihánj me se vaa me rá Réj Yaꞌanj na̱nj á. Me rá soꞌ ꞌo̱ ga̱a̱ iꞌna̱ꞌ ta̱ranꞌ nij síí amán rá niꞌya̱j manj nu̱ꞌ cavii nu̱ꞌ caꞌanj ga̱ soꞌ a. Ne̱ ꞌu̱nj me síí quiꞌya̱j cunu̱u iꞌna̱ꞌ uún nij soꞌ asa̱ꞌ quisíj güii caꞌa̱nj niꞌya̱ chumii̱ nihánj ado̱nj ―taj Jesús rihaan nij yuvii̱ a.

Hechos 10:43

Ne̱ cunuda̱nj nij síí nataꞌ snana̱ Yaꞌanj ga̱a naá roꞌ, cataj xnaꞌanj nij soꞌ cheꞌé Jesús yoꞌ, ne̱ cataj nij soꞌ se vaa cheꞌé se‑chuvi̱i soꞌ me se tinavi̱j Yaꞌanj cacunꞌ tumé cunuda̱nj nij síí amán rá niꞌya̱j man Jesús a ―taj Pedró rihaan nij tuvi̱ꞌ Cornelió a.

Hechos 3:16

Ne̱ cheꞌé se cuchumán rá rój niꞌya̱j rój man Jesús ne̱ cataꞌ tuꞌva rój se‑chuvi̱i soꞌ roꞌ, cheꞌé dan quiꞌyaj Jesús se vaa nariꞌ nucuaj síí nihánj ado̱nj. Síí nihánj me se neꞌen soj da̱j quiranꞌ soꞌ, ne̱ síí a̱j neꞌen soj me soꞌ, ne̱ cheꞌé se‑chuvi̱i Jesús ne̱ cheꞌé se cuchumán rá rój niꞌya̱j rój man soꞌ me se nahuun sa̱ꞌ nu̱ꞌ soꞌ rihaan ta̱ranꞌ soj á.

Hechos 8:36

Dan me se ga̱a va̱j ro̱j soꞌ chrej, ne̱ cuchiꞌ ro̱j soꞌ rej nu̱u̱ do̱j na, ga̱a ne̱ cataj síí “eunuco” a: ―Ni̱ꞌyaj so̱ꞌ á. Nihánj me nu̱u̱ na á. Ne̱ caꞌve̱e cata̱ꞌ ne ꞌu̱nj naꞌ ―taj soꞌ, xnáꞌanj soꞌ man Felipé a.

Hechos 8:37

Ga̱a ne̱ cataj Felipé rihaan soꞌ a: ―Sese ya̱ ya̱ amán rá so̱ꞌ niꞌya̱j so̱ꞌ man Jesucristó, ne̱ caꞌve̱e a ―taj Felipé rihaan soꞌ a. Ga̱a ne̱ cataj síí “eunuco” rihaan Felipé a: ―Amán rá ꞌu̱nj se vaa taꞌníí Yaꞌanj me Jesucristó á ―taj soꞌ rihaan Felipé a.

Hechos 9:20

Ne̱ nu̱ꞌ caꞌanj soꞌ nij veꞌ tucuꞌyón nij yuvii̱ israelitá stucua̱nj Moisés, ne̱ caꞌmii natáj soꞌ rihaan nij soꞌ se vaa Jesús roꞌ, Taꞌníí ya̱ Yaꞌanj me soꞌ a.

1 Pedro 1:9

Ne̱ cheꞌé se amán rá soj niꞌya̱j soj man Yaꞌanj roꞌ, cheꞌé dan nani̱i̱ soj rihaan sayuun ne̱ cavi̱i̱ sa̱ꞌ nimán soj rihaan soꞌ ado̱nj.

1 Juan 4:15

Ne̱ síí taj rihaan tuviꞌ se vaa Taꞌníí Yaꞌanj me Jesús roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj ga̱ soꞌ chugua̱nj.

1 Juan 5:1

Cunuda̱nj nij síí amán rá se vaa me Jesús Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, a̱j caꞌngaa naca̱ nimán nij soꞌ quiꞌyaj Yaꞌanj chugua̱nj. Ne̱ cheꞌé dan nij síí aráj cochro̱j rihaan Yaꞌanj roꞌ, no̱ xcúún nij soꞌ ga̱a̱ ꞌe̱e̱ rá nij soꞌ man nij síí caꞌngaa naca̱ nimán na̱nj á.

1 Juan 5:20

Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

2 Juan 1:9

Ne̱ me maꞌa̱n síí tanáj stucua̱nj Cristó roꞌ, nuviꞌ Yaꞌanj yáán ga̱ soꞌ maꞌ. Tza̱j ne̱ síí noco̱ꞌ xraan stucua̱nj Cristó me se soꞌ me síí ꞌo̱ yáán ro̱j Taꞌni̱j Yaꞌanj ga̱ soꞌ ado̱nj.

Apocalipsis 2:18

Ga̱a ne̱ cataj uún soꞌ rihanj a: ―Ga̱a ne̱ cachro̱n so̱ꞌ nana̱ nihánj ne̱ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Tiatira a: “Dan me se nana̱ nihánj me nana̱ aꞌmii ꞌu̱nj Taꞌni̱j Yaꞌanj cuno̱ soj, ne̱ ꞌu̱nj roꞌ, ase vaa yaꞌan vaa rlij rihanj, ne̱ ase vaa agaꞌ bronce mare̱e vaa tacój a.