San Juan 19:13 - Triqui de San Juan Copala

¹³ Dan me se ga̱a cuno Pilató nana̱ caꞌmii nij soꞌ, ga̱a ne̱ caꞌanj nica̱j soꞌ man Jesús xeꞌ, ne̱ caꞌanj ca̱yáán soꞌ rihaan xrúún soꞌ chruun xlá rej caꞌneꞌ soꞌ cacunꞌ cheꞌé yuvii̱ a. Ne̱ rej ya̱nj chruun xlá yoꞌ roꞌ, me rej cuꞌna̱j Enlosado, ne̱ Gabata cuꞌna̱j rej yoꞌ xnaꞌánj hebreo a.

San Juan 19:13 ပူးပေါင်းရင်းမြစ်များ

San Mateo 27:19

Ne̱ ga̱a yáán Pilató yoꞌ rihaan xrúún soꞌ chruun xlá, ne̱ caꞌnéé nica̱ soꞌ nana̱ cuchiꞌ rihaan soꞌ, taj noꞌ a: “Se̱ quiꞌyáá so̱ꞌ sayuun man síí sa̱ꞌ yoꞌ maꞌ. ꞌO̱ se asi̱j naꞌya̱a̱n me se nanó ndoꞌo raj cheꞌé yan tucuaꞌnuꞌ snóꞌo yoꞌ manj ado̱nj”, taj nica̱ Pilató rihaan soꞌ a.

San Lucas 12:5

Tza̱j ne̱ nihánj me se ti̱haán ꞌu̱nj rihaan soj me síí cuchuꞌvi̱ꞌ soj ni̱ꞌyaj soj man a. ꞌO̱ se vaa cheꞌé cuchuꞌvi̱ꞌ soj ni̱ꞌyaj soj Yaꞌanj ado̱nj. Asa̱ꞌ quisíj ticaviꞌ nii man soj, ga̱a ne̱ soꞌ me síí uun nucua̱j caꞌne̱j man soj rihaan yaꞌan caca̱a̱ soj ado̱nj. Cheꞌé dan taj ꞌu̱nj rihaan soj se vaa vaa cheꞌé cuchuꞌvi̱ꞌ soj ni̱ꞌyaj soj man soꞌ ado̱nj.

San Juan 19:17

ne̱ maꞌa̱n soꞌ cata̱ rcutze̱, ne̱ cavii soꞌ caꞌanj soꞌ rej cuꞌna̱j Tacaan Cúú Yave̱ Xnangá, ne̱ rej yoꞌ roꞌ, cuꞌna̱j Gólgota xnaꞌánj hebreo a.

San Juan 19:20

Dan me se nayaa queꞌe̱e̱ nij síí israelitá nana̱ yoꞌ a. ꞌO̱ se nichru̱nꞌ naj rej cachrón nii man Jesús rihaan rcutze̱ ga̱ maꞌa̱n chumanꞌ Jerusalén yoꞌ a. Ne̱ cachrón nii nana̱ yoꞌ xnaꞌánj hebreo do̱ꞌ, xnaꞌánj latín do̱ꞌ, xnaꞌánj griego do̱ꞌ a.

San Juan 19:8

Dan me se ga̱a cuno Pilató nana̱ vaa da̱nj, ga̱a ne̱ doj a̱ cuchuꞌviꞌ soꞌ a.

San Juan 5:2

Dan me se chumanꞌ Jerusalén roꞌ, vaa ꞌo̱ rej nu̱u̱ na cuꞌna̱j Betesda xnaꞌánj aꞌmii nij síí israelitá a. Nichru̱nꞌ nu̱u̱ na yoꞌ ga̱ rej ta̱j taꞌyaa atúj matzinj chumanꞌ yoꞌ, ne̱ ya̱nj ꞌu̱nꞌ veꞌ cheꞌe̱e̱ nu̱ꞌ anica̱j tuꞌva na yoꞌ a.

Hechos 4:19

Ga̱a ne̱ canica̱j Pedró ga̱ Juan cataj ro̱j soꞌ rihaan nij soꞌ a: ―Nuchru̱j ra̱a̱ nij soj sese gu̱un rá Yaꞌanj cuno̱ núj rihaan soj ne̱ ta̱náj xco̱ núj snana̱ Yaꞌanj na̱nj á.