San Juan 18:38 - Triqui de San Juan Copala

³⁸ Ne̱ cataj Pilató rihaan soꞌ a: ―A̱ me nana̱ cuꞌna̱j nana̱ ya̱ ga̱ ―taj Pilató, xnáꞌanj Pilató man Jesús a. Ne̱ ga̱a quisíj caꞌmii síí cuꞌna̱j Pilató nana̱ vaa da̱nj ga̱ Jesús, ne̱ curiha̱nj uún soꞌ rej nicu̱nꞌ nij síí uun chij rihaan nij yuvii̱ israelitá, ne̱ cataj soꞌ rihaan nij soꞌ a: ―Taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ.

San Juan 18:38 ပူးပေါင်းရင်းမြစ်များ

San Mateo 27:24

Dan me se queneꞌen Pilató se vaa taj se ꞌyáꞌ naꞌma̱a̱n rá nij yuvii̱, tana̱nj doj a̱ caꞌmaan rá nij yuvii̱, ne̱ doj a̱ quiꞌya̱j nij yuvii̱ sayuun rá Pilató a. Cheꞌé dan nica̱j soꞌ na, ne̱ naꞌyaꞌ soꞌ niꞌya̱j nij yuvii̱ a. Ne̱ cataj soꞌ a: ―Se̱ tumé ꞌu̱nj cacunꞌ sese cavi̱ꞌ síí nihánj a̱ maꞌ. ꞌO̱ se maꞌa̱n soj me síí quiꞌya̱j cavi̱ꞌ soꞌ ado̱nj ―taj Pilató a.

San Marcos 15:14

Ga̱a ne̱ cataj Pilató rihaan nij yuvii̱ a: ―Tza̱j ne̱ me cacunꞌ tumé soꞌ ga̱ ―taj Pilató a. Tza̱j ne̱ doj a̱ caguáj nij yuvii̱, cataj nij yuvii̱ a: ―Cavi̱ꞌ soꞌ rihaan rcutze̱, qui̱ꞌyáá so̱ꞌ cuaj á ―taj nij yuvii̱ caguáj nij soꞌ a.

San Lucas 23:4

Ga̱a ne̱ cataj Pilató rihaan nij xrej ata̱ suun noco̱o do̱ꞌ, rihaan nij yuvii̱ do̱ꞌ a: ―Nuviꞌ cacunꞌ tumé síí nihánj narij maꞌ ―taj soꞌ a.

San Juan 18:33

Dan me se catúj uún Pilató tucuá suun, ne̱ canacúún soꞌ caꞌna̱ꞌ Jesús, ne̱ xnáꞌanj soꞌ man Jesús, cataj soꞌ a: ―Ma̱ꞌán so̱ꞌ me síí nica̱j suun rey uun chij rihaan nij yuvii̱ israelitá naꞌ ―taj Pilató rihaan Jesús a.

San Juan 19:4

Ga̱a ne̱ curiha̱nj uún Pilató xeꞌ, ne̱ cataj soꞌ rihaan nij yuvii̱ a: ―Ni̱ꞌyaj soj á. Cu̱riha̱nj uún soꞌ rihaan soj, qui̱ꞌyáj, cheꞌé rej xca̱j soj cuentá se vaa taj va̱j cacunꞌ tumé soꞌ naríꞌ ꞌu̱nj a̱ maan chugua̱nj ―taj Pilató rihaan nij yuvii̱ a.

San Juan 19:6

Dan me se ga̱a queneꞌen nij xrej ata̱ suun noco̱o do̱ꞌ, nij tanuu nu̱u̱ rihaan nij soꞌ do̱ꞌ, man Jesús, ne̱ caguáj nij soꞌ, cataj nij soꞌ a: ―Cavi̱ꞌ soꞌ rihaan rcutze̱, qui̱ꞌyáá so̱ꞌ á. Cavi̱ꞌ soꞌ rihaan rcutze̱, qui̱ꞌyáá so̱ꞌ á ―taj nij soꞌ, caguáj nij soꞌ a. Ga̱a ne̱ cataj Pilató rihaan nij soꞌ a: ―Ni̱caj maꞌa̱n soj man soꞌ cachro̱n soj man soꞌ rihaan rcutze̱, sese me rá soj na̱nj á. Xa̱ꞌ ꞌu̱nj, tza̱j ne̱ taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ ―taj Pilató rihaan nij soꞌ a.

Hechos 17:32

Dan me se ga̱a cuno nij síí ma̱n Atenas nana̱ se vaa cunuu iꞌna̱ꞌ uún ꞌo̱ síí caviꞌ, ne̱ taꞌa̱j nij soꞌ caꞌngaꞌ naco̱o̱, ne̱ ꞌó taꞌa̱j nij soꞌ cataj a: ―Nda̱a ꞌó güii uún me se caꞌna̱ꞌ núj cuno̱ núj snana̱ so̱ꞌ na̱nj á ―taj ꞌó taꞌa̱j nij síí ma̱n chumanꞌ Atenas a.

1 Pedro 1:19

Tana̱nj caꞌnéé Yaꞌanj man Cristó cavi̱ꞌ ya̱ soꞌ caya̱nj ton man soꞌ cheꞌé níꞌ ado̱nj. Ase vaa aviꞌ matzinj leꞌe̱j sa̱ꞌ ina̱nj ꞌyaj nij síí israelitá cheꞌé cacunꞌ tumé nij soꞌ roꞌ, da̱nj vaa caviꞌ Cristó cheꞌé níꞌ, ne̱ soꞌ roꞌ, vaa yuꞌvee ndoꞌo nó soꞌ cheꞌé se taj cacunꞌ tumé soꞌ maan chugua̱nj.