San Juan 18:33 - Triqui de San Juan Copala

³³ Dan me se catúj uún Pilató tucuá suun, ne̱ canacúún soꞌ caꞌna̱ꞌ Jesús, ne̱ xnáꞌanj soꞌ man Jesús, cataj soꞌ a: ―Ma̱ꞌán so̱ꞌ me síí nica̱j suun rey uun chij rihaan nij yuvii̱ israelitá naꞌ ―taj Pilató rihaan Jesús a.

San Juan 18:33 ပူးပေါင်းရင်းမြစ်များ

San Mateo 27:11

Dan me se canicunꞌ Jesús rihaan síí nica̱j suun gobernador cuꞌna̱j Pilató, ne̱ xnáꞌanj Pilató man Jesús, cataj soꞌ a: ―So̱ꞌ me síí nica̱j suun rey uun chij rihaan nij yuvii̱ israelitá naꞌ ―taj soꞌ, xnáꞌanj soꞌ man Jesús a. ―Veé ya̱ nda̱a vaa cataj so̱ꞌ roꞌ, veé da̱nj vaa na̱nj á ―taj Jesús rihaan soꞌ a.

San Mateo 27:27

Ga̱a ne̱ caꞌanj nica̱j nij tanuu ꞌyaj suun rihaan síí nica̱j suun gobernador man Jesús rá tucuá suun ya̱nj gobernador yoꞌ a. Ne̱ naquiꞌyaj chre̱ꞌ nij tanuu man ta̱ranꞌ nij tuviꞌ tanu̱u nij soꞌ a.

San Marcos 15:2

Ga̱a ne̱ xnáꞌanj Pilató man Jesús a: ―So̱ꞌ me síí nica̱j suun rey uun chij rihaan nij yuvii̱ israelitá naꞌ ―taj soꞌ a. ―Veé ya̱ nda̱a vaa cataj so̱ꞌ roꞌ, veé da̱nj vaa na̱nj á ―taj Jesús rihaan soꞌ a.

San Lucas 23:2

Ga̱a ne̱ cutaꞌ nij soꞌ cacunꞌ xráá soꞌ rihaan Pilató, ne̱ cataj nij soꞌ rihaan Pilató a: ―Síí nihánj roꞌ, me síí tucuꞌyón tucuáán ne̱ rihaan tuviꞌ núj si̱j israelitá a. Ne̱ cataj soꞌ se vaa se̱ goꞌ yuvii̱ impuestó rihaan síí nica̱j suun emperador cuꞌna̱j César, ne̱ taj soꞌ se vaa Si̱j Caꞌnéé Yaꞌanj gu̱un síí nica̱j suun rey me maꞌa̱n soꞌ, taj soꞌ ado̱nj ―taj nij soꞌ rihaan Pilató, niꞌya̱j nij soꞌ man Jesús a.

San Juan 1:49

Ga̱a ne̱ cataj Natanael a: ―Taꞌni̱j Yaꞌanj mé so̱ꞌ, maestro. Si̱j nica̱j suun rey uun chij rihaan níꞌ si̱j israelitá mé so̱ꞌ á ―taj Natanael a.

San Juan 12:13

Cheꞌé dan me cuta nij yuvii̱ raꞌa chruun yuun, ne̱ curiha̱nj nij yuvii̱ tuꞌva chumanꞌ nari̱ꞌ tuviꞌ nij soꞌ ga̱ Jesús a. Ga̱a ne̱ caguáj nij yuvii̱, cataj nij yuvii̱ a: ―Síí sa̱ꞌ uxrá me Yaꞌanj na̱nj ado̱nj. ꞌNaꞌ síí caꞌnéé Síí ꞌNi̱j Raꞌa man níꞌ na̱nj á. Se lu̱j ndoꞌo ꞌyaj Yaꞌanj cheꞌé soꞌ a. Rey uun chij rihaan níꞌ si̱j israelitá me soꞌ chugua̱nj ―taj nij yuvii̱, caguáj nij yuvii̱ a.

San Juan 12:15

Soj si̱j ma̱n chumanꞌ Sion roꞌ, se̱ cuchuꞌviꞌ soj maꞌ. Ni̱ꞌyaj soj á. Síí gu̱un chij rihaan soj roꞌ, ꞌnaꞌ soꞌ rihaan soj, ne̱ táá soꞌ xráá burró leꞌe̱j taꞌníí burró cha̱na̱ ado̱nj, taj nana̱ no̱ rihaan Danj Yaꞌanj yoꞌ a.

San Juan 18:34

Ga̱a ne̱ xnáꞌanj Jesús man soꞌ, cataj Jesús a: ―Ma̱ꞌán so̱ꞌ cavii raa̱ nana̱ vaa da̱nj caꞌmii so̱ꞌ naꞌ. Ase ꞌó yuvii̱ cataj xnaꞌanj rihaan so̱ꞌ cheꞌej xa̱ꞌ ―taj Jesús, xnáꞌanj soꞌ man Pilató a.

San Juan 18:37

Ga̱a ne̱ xnáꞌanj Pilató man soꞌ, cataj soꞌ a: ―Cheꞌé dan síí nica̱j suun rey mé so̱ꞌ naꞌ. Ya̱ naꞌ ―taj Pilató, xnáꞌanj soꞌ man Jesús a. Ga̱a ne̱ cataj Jesús rihaan soꞌ a: ―Ya̱ uxrá vaa nana̱ caꞌmii ma̱ꞌán so̱ꞌ se vaa si̱j nica̱j suun rey mej á. Ne̱ nihánj me cata̱j xnaꞌanj ꞌu̱nj rihaan so̱ꞌ me cheꞌé caꞌngaa ꞌu̱nj ne̱ me cheꞌé caꞌnáꞌ ꞌu̱nj rihaan chumii̱ nihánj ado̱nj. Dan me se caꞌnáꞌ ꞌu̱nj cata̱j xnaꞌanj ꞌu̱nj nana̱ ya̱ rihaan yuvii̱ a. Ne̱ cunuda̱nj nij síí uno nana̱ ya̱ roꞌ, uno nana̱ aꞌmij ado̱nj ―taj Jesús rihaan Pilató a.

San Juan 18:38

Ne̱ cataj Pilató rihaan soꞌ a: ―A̱ me nana̱ cuꞌna̱j nana̱ ya̱ ga̱ ―taj Pilató, xnáꞌanj Pilató man Jesús a. Ne̱ ga̱a quisíj caꞌmii síí cuꞌna̱j Pilató nana̱ vaa da̱nj ga̱ Jesús, ne̱ curiha̱nj uún soꞌ rej nicu̱nꞌ nij síí uun chij rihaan nij yuvii̱ israelitá, ne̱ cataj soꞌ rihaan nij soꞌ a: ―Taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ.

San Juan 19:12

Quisíj cuno Pilató nana̱ caꞌmii soꞌ, ga̱a ne̱ nanoꞌ soꞌ da̱j quiꞌya̱j soꞌ, ga̱a ne̱ caꞌve̱e ti̱nanii soꞌ man Jesús a. Tza̱j ne̱ doj a̱ caguáj nij síí uun chij rihaan nij yuvii̱ israelitá, cataj nij soꞌ a: ―Sese caꞌa̱nj u̱u̱n síí nihánj, qui̱ꞌyáá so̱ꞌ, ne̱ né tuvi̱ꞌ síí nica̱j suun rey cuꞌna̱j César mé so̱ꞌ maꞌ. ꞌO̱ se síí nihánj me se si̱j me rá gu̱un síí nica̱j suun rey me soꞌ, ne̱ dan me se caꞌne̱e̱ soꞌ suun man síí cuꞌna̱j César, rá soꞌ, ne̱ si̱j ta̱j riꞌyunj man síí cuꞌna̱j César me soꞌ ado̱nj ―taj nij soꞌ, caguáj nij soꞌ a.

San Juan 19:3

Ga̱a ne̱ cuchiꞌ ndoꞌo nij soꞌ rihaan Jesús, ne̱ cataj nij soꞌ a: ―Veé síí nica̱j suun rey uun chij rihaan nij yuvii̱ israelitá mé so̱ꞌ na̱nj á ―taj nij soꞌ, caꞌmii tico nij soꞌ, ne̱ coxro nij soꞌ xruu̱ Jesús a.

San Juan 19:4

Ga̱a ne̱ curiha̱nj uún Pilató xeꞌ, ne̱ cataj soꞌ rihaan nij yuvii̱ a: ―Ni̱ꞌyaj soj á. Cu̱riha̱nj uún soꞌ rihaan soj, qui̱ꞌyáj, cheꞌé rej xca̱j soj cuentá se vaa taj va̱j cacunꞌ tumé soꞌ naríꞌ ꞌu̱nj a̱ maan chugua̱nj ―taj Pilató rihaan nij yuvii̱ a.

San Juan 19:9

Ga̱a ne̱ catúj uún soꞌ tucuá suun, ne̱ xnáꞌanj soꞌ man Jesús, cataj soꞌ a: ―Me rej cavii so̱ꞌ ga̱ ―taj soꞌ, xnáꞌanj soꞌ man Jesús a. Tza̱j ne̱ a̱ ꞌó nana̱ ne caꞌmi̱i̱ Jesús rihaan soꞌ a̱ maꞌ.

1 Timoteo 6:13

Neꞌén so̱ꞌ se vaa Yaꞌanj me síí quiꞌyaj vaa iꞌna̱ꞌ cunuda̱nj rasu̱u̱n, ne̱ neꞌén so̱ꞌ da̱j quiꞌyaj Cristó Jesús ga̱a canicunꞌ soꞌ rihaan síí nica̱j suun Poncio Pilató, se vaa nataꞌ ya̱ soꞌ cheꞌé suun cata̱ soꞌ a. Ne̱ cuno̱ Yaꞌanj cuno̱ Cristó cuno̱ chrej narqué ꞌu̱nj nihánj mán so̱ꞌ á.