Hechos 9:5 - Triqui de San Juan Copala

⁵ Ga̱a ne̱ xnáꞌanj Saulo man síí caꞌmii rihaan soꞌ, cataj soꞌ a: ―Señor, me síí mé so̱ꞌ ga̱ ―taj soꞌ, xnáꞌanj soꞌ a. Ga̱a ne̱ síí caꞌmii rihaan soꞌ cataj a: ―ꞌU̱nj roꞌ, me Jesús, ne̱ ꞌyaj ndoꞌo so̱ꞌ sayuun manj ado̱nj.

Hechos 9:5 ပူးပေါင်းရင်းမြစ်များ

Hechos 10:14

Ga̱a ne̱ cataj Pedró a: ―Señor, se̱ guun maꞌ. ꞌO̱ se né xcu̱u chá me yoꞌ rihaan núj si̱j israelitá maꞌ. Xcuu vaa chiꞌi̱i̱ me nij xoꞌ rihaan núj na̱nj á. ꞌO̱ se nu̱ꞌ caꞌnaꞌ a̱ doj ne cha̱ ꞌu̱nj nee̱ xcuu vaa da̱nj a̱ maꞌ ―taj Pedró a.

Hechos 26:14

Dan me se quinij ta̱ranꞌ núj rihaan yoꞌóó, ne̱ cunó ꞌu̱nj caꞌmii ꞌo̱ soꞌ rihaan ꞌu̱nj, ne̱ se‑xnaꞌa̱nj maꞌa̱n nij síí hebreo caꞌmii soꞌ, cataj soꞌ a: “Saulo, me cheꞌé ꞌyáá so̱ꞌ sayuun manj ga̱. ꞌO̱ se me rá so̱ꞌ qui̱ꞌyáá so̱ꞌ sayuun manj, tza̱j ne̱ man ma̱ꞌán so̱ꞌ ꞌyáá so̱ꞌ sayuun ase ꞌyaj scúj oꞌ tacanj rihaan chruun siha̱a̱ nica̱j síí ꞌyaj suun ga̱ yuntá na̱nj á”, taj síí caꞌmii rihanj a.

Hechos 26:9

’ꞌU̱nj nihánj me se ga̱a rque̱ guun ya̱ ya̱ rá ꞌu̱nj se vaa no̱ xcúún ꞌu̱nj quiꞌya̱j ndoꞌo ꞌu̱nj sayuun cheꞌé se‑chuvi̱i Jesús síí cavii chumanꞌ Nazaret a.

Hechos 5:39

Tza̱j ne̱ sese Yaꞌanj me síí rqué snana̱ nij soꞌ, ne̱ sese ꞌyaj nij soꞌ se‑su̱u̱n Yaꞌanj, ne̱ daj chiha̱a̱ míj se̱ caꞌanj niꞌya̱ snana̱ nij soꞌ quiꞌya̱j soj maꞌ. Sese da̱nj gu̱un quiꞌya̱j nij soj, ne̱ síí unuꞌ ga̱ maꞌa̱n Yaꞌanj me nij soj ado̱nj ―taj síí cuꞌna̱j Gamaliel cuno ꞌó nij síí uun chij rihaan nij yuvii̱ israelitá a. Dan me se cuchumán rá nij soꞌ snana̱ síí cuꞌna̱j Gamaliel yoꞌ,

Hechos 9:4

Ga̱a ne̱ quinij soꞌ rihaan yoꞌóó, ne̱ dan me se cuno Saulo se vaa cataj ꞌo̱ soꞌ rihaan soꞌ a: ―Cu̱nó so̱ꞌ caꞌmi̱j, Saulo. Me cheꞌé ꞌyáá so̱ꞌ sayuun manj ga̱ ―taj nana̱ cuno Saulo a.

Hechos 9:6

Tza̱j ne̱ na̱xaga̱a̱ so̱ꞌ caꞌa̱nj so̱ꞌ nda̱a chumanꞌ Damasco, ga̱a ne̱ cata̱j nii rihaan so̱ꞌ da̱j qui̱ꞌyáá so̱ꞌ á ―taj Jesús rihaan Saulo a.

1 Corintios 10:22

Cheꞌé se síí sa̱ꞌ me Yaꞌanj, ne̱ nano̱ꞌ níꞌ da̱j quiꞌya̱j níꞌ, ga̱a ne̱ caꞌma̱an rá Yaꞌanj ni̱ꞌyaj Yaꞌanj man níꞌ naꞌ. Taj maꞌ. Sese da̱nj quiꞌya̱j níꞌ, ne̱ se̱ guun nucua̱j níꞌ nani̱i̱ níꞌ rihaan soꞌ a̱ maꞌ.

Filipenses 3:12

Né se a̱j quisíj ꞌu̱nj cunuu sa̱ꞌ ꞌu̱nj, taj ꞌu̱nj maꞌ. Ataa quisi̱j ꞌu̱nj se vaa me rá Yaꞌanj gunj, ne̱ cheꞌé dan me ꞌo̱ rqueé ꞌu̱nj, cheꞌé rej cunu̱u sa̱ꞌ ꞌu̱nj vaa güii a. Cristó Jesús me síí quiꞌyaj canocóꞌ ꞌu̱nj man soꞌ, cheꞌé se me rá maꞌa̱n soꞌ cunu̱u sa̱ꞌ ꞌu̱nj ado̱nj.

1 Timoteo 1:13

Asino ya̱a̱n me se qui̱j uxrá caꞌmii ꞌu̱nj cheꞌé Cristó, ne̱ quiꞌyaj ndoꞌo ꞌu̱nj sayuun man nij síí noco̱ꞌ man soꞌ, ne̱ caꞌmii xta̱ꞌ ꞌu̱nj niꞌya̱j ꞌu̱nj man soꞌ, tza̱j ne̱ queneꞌen Cristó se vaa cheꞌé se ne queneꞌe̱n yá ꞌu̱nj da̱j vaa soꞌ roꞌ, cheꞌé dan ne cuchuma̱n rá ꞌu̱nj ni̱ꞌyaj ꞌu̱nj man soꞌ a. Tza̱j ne̱ cunuu ꞌe̱e̱ rá Cristó manj, ne̱ ne quiꞌya̱j soꞌ sayuun manj maꞌ.