Hechos 9:4 - Triqui de San Juan Copala

⁴ Ga̱a ne̱ quinij soꞌ rihaan yoꞌóó, ne̱ dan me se cuno Saulo se vaa cataj ꞌo̱ soꞌ rihaan soꞌ a: ―Cu̱nó so̱ꞌ caꞌmi̱j, Saulo. Me cheꞌé ꞌyáá so̱ꞌ sayuun manj ga̱ ―taj nana̱ cuno Saulo a.

Hechos 9:4 ပူးပေါင်းရင်းမြစ်များ

San Mateo 25:40

’Ga̱a ne̱ cata̱j ꞌu̱nj rihaan nij soꞌ a: “Ya̱ ya̱ cata̱j xnaꞌanj ꞌu̱nj rihaan soj cuano̱ se vaa racuíj ndoꞌo soj man nij tinúú ꞌu̱nj ga̱a quiranꞌ nij soꞌ sayuun vaa da̱nj na̱nj á. Nda̱ꞌ se síí nica̱ꞌ ndoꞌo me taꞌa̱j nij soꞌ, tza̱j ne̱ racuíj ndoꞌo soj man nij soꞌ, ne̱ cheꞌé se racuíj ndoꞌo soj man nij tinúú ꞌu̱nj, ne̱ cheꞌé dan me soj síí racuíj man ma̱ꞌanj ado̱nj”, cata̱j ꞌu̱nj rihaan nij soꞌ a.

San Lucas 10:41

Tza̱j ne̱ cataj Jesús rihaan noꞌ a: ―Nanó ndoꞌo rá so̱ꞌ ne̱ aráya̱ꞌáán so̱ꞌ cheꞌé queꞌe̱e̱ suun, Marta.

San Juan 18:6

Dan me se ga̱a cataj Jesús se vaa maꞌa̱n soꞌ me síí nanoꞌ nij soꞌ, ga̱a ne̱ nu̱ꞌ naxuun nij soꞌ man nij soꞌ, ne̱ naxruꞌ nij soꞌ rihaan yoꞌóó a.

San Juan 20:16

Ga̱a ne̱ cataj Jesús a: ―María ―taj soꞌ a. Canica̱j noꞌ, cataj noꞌ a: ―Raboni ―taj noꞌ rihaan soꞌ, ne̱ dan me se maestró me raj cata̱a nana̱ caꞌmii noꞌ rihaan soꞌ a.

San Juan 21:15

Dan me se ga̱a quisíj chá ruvá nij soꞌ, ne̱ xnáꞌanj Jesús man Simón Pedró, cataj soꞌ a: ―Cu̱nó so̱ꞌ caꞌmi̱j, Simón taꞌníí Jonás. Doj a̱ ꞌe̱e̱ rá so̱ꞌ manj rihaan nij síí nihánj naꞌ ―taj Jesús, xnáꞌanj soꞌ man Pedró a. ―Neꞌen ma̱ꞌán so̱ꞌ se vaa ꞌe̱e̱ raj mán so̱ꞌ, Señor ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á ―taj Jesús rihaan Pedró a.

Hechos 5:10

Ga̱a ne̱ ta̱j niꞌyo̱n naxruꞌ noꞌ rihaan yoꞌóó rej nicu̱nꞌ Pedró, ne̱ nu̱ꞌ caviꞌ noꞌ a. Ga̱a ne̱ catúj uún nij síí tachru̱u̱ rá veꞌ, ne̱ queneꞌen nij soꞌ se vaa a̱j caviꞌ noꞌ a. Ga̱a ne̱ caꞌanj nica̱j nij soꞌ cúú man noꞌ xeꞌ, ga̱a ne̱ cachinꞌ nij soꞌ man noꞌ xꞌnúú nica̱ noꞌ a.

Hechos 9:5

Ga̱a ne̱ xnáꞌanj Saulo man síí caꞌmii rihaan soꞌ, cataj soꞌ a: ―Señor, me síí mé so̱ꞌ ga̱ ―taj soꞌ, xnáꞌanj soꞌ a. Ga̱a ne̱ síí caꞌmii rihaan soꞌ cataj a: ―ꞌU̱nj roꞌ, me Jesús, ne̱ ꞌyaj ndoꞌo so̱ꞌ sayuun manj ado̱nj.

Romanos 11:22

Dan me se xca̱j soj cuentá, ne̱ nda̱ꞌ se yuva̱a̱ ya̱ Yaꞌanj ne̱ neꞌen Yaꞌanj quiꞌya̱j soꞌ sayuun man nij yuvii̱ ꞌyaj se nij rihaan soꞌ, tza̱j ne̱ cunuu ꞌe̱e̱ rá Yaꞌanj man soj, ne̱ veꞌé ndoꞌo quiꞌyaj Yaꞌanj rihaan soj ado̱nj. Ne̱ veꞌé quiꞌya̱j Yaꞌanj rihaan soj nu̱ꞌ cavii nu̱ꞌ caꞌanj, sese se̱ caꞌanj yaníj soj rihaan Yaꞌanj maꞌ. Sese caꞌa̱nj yaníj soj, ne̱ quiriꞌi̱j yaníj Yaꞌanj man soj uún na̱nj ado̱nj.

1 Corintios 12:12

Neꞌen nij soj se vaa vaa o̱rúnꞌ nee̱ man níꞌ, tza̱j ne̱ ma̱n queꞌe̱e̱ rej ꞌyaj suun man níꞌ ado̱nj. ꞌO̱ se ma̱n raꞌa níꞌ do̱ꞌ, tacóó níꞌ do̱ꞌ, xréé níꞌ do̱ꞌ, rlij rihaan níꞌ do̱ꞌ a. Dan me se queꞌe̱e̱ nee̱ ꞌyaj suun man níꞌ, tza̱j ne̱ o̱rúnꞌ níꞌ, ne̱ ase vaa nee̱ man o̱rúnꞌ yuvii̱ roꞌ, da̱nj vaa ta̱ranꞌ níꞌ si̱j noco̱ꞌ man Cristó ado̱nj.

1 Corintios 4:7

Sa̱ꞌ doj vaa so̱ꞌ rihaan ꞌó yuvii̱, rá so̱ꞌ naꞌ. Me síí cataj rihaan so̱ꞌ se vaa sa̱ꞌ doj vaa so̱ꞌ ga̱. Sese vaa ꞌo̱ suun aꞌvee sa̱ꞌ ꞌyáá so̱ꞌ, ne̱ me síí racuíj mán so̱ꞌ ꞌyáá so̱ꞌ, rá so̱ꞌ ga̱. Ma̱ꞌán so̱ꞌ ꞌyaj naꞌ. Ase Yaꞌanj racuíj mán so̱ꞌ xa̱ꞌ. Sese Yaꞌanj me síí racuíj mán so̱ꞌ sa̱ꞌ ꞌyáá so̱ꞌ ꞌo̱ suun, ne̱ taj cheꞌé gu̱un xta̱ꞌ nimán so̱ꞌ cata̱j so̱ꞌ se vaa ma̱ꞌán so̱ꞌ ꞌyaj sa̱ꞌ suun yoꞌ maꞌ.

Efesios 5:30

Dan me se ase vaa nee̱ man maꞌa̱n Cristó roꞌ, da̱nj vaa da̱j a̱ níꞌ si̱j noco̱ꞌ xꞌneꞌ nij síí noco̱ꞌ man soꞌ ado̱nj.