Hechos 9:25 - Triqui de San Juan Copala

²⁵ Cheꞌé dan nij síí tucuꞌyón snana̱ Saulo roꞌ, caꞌnéé nij soꞌ man Saulo rá ꞌo̱ scaa xi̱j, ne̱ rej nii̱ tacuachén nij soꞌ man Saulo rque ꞌo̱ ventaná ta̱j rihaan chraan nicu̱nꞌ nu̱ꞌ anica̱j tuꞌva chumanꞌ, ne̱ tananij nij soꞌ man Saulo rihaan yoꞌóó xeꞌ, ne̱ dan me se nanii soꞌ a.

Hechos 9:25 ပူးပေါင်းရင်းမြစ်များ

San Mateo 15:37

Ga̱a ne̱ chá cunuda̱nj nij yuvii̱, ne̱ nda̱a caraa rque nij soꞌ a. Ga̱a ne̱ naquiꞌyaj chre̱ꞌ nii se vaa quináj, ne̱ quisíj cunu̱ꞌ chi̱j ya̱ scaa caraa quiꞌyaj se quináj tuꞌva nij yuvii̱ yoꞌ a.

Hechos 11:29

Ga̱a ne̱ nij síí noco̱ꞌ man Jesucristó ya̱nj chumanꞌ Antioquía roꞌ, ꞌo̱ guun rá nij soꞌ ra̱cuíj nij soꞌ man nij tinúú nij soꞌ síí ya̱nj estado Judea, ne̱ caꞌne̱j nij soꞌ saꞌanj rihaan nij soꞌ a. Ne̱ nuchruj ra̱a̱ ꞌo̱ ꞌo̱ nij soꞌ me daj saꞌanj caꞌve̱e rque̱ nij soꞌ a.

Hechos 9:24

Tza̱j ne̱ xcaj Saulo cuentá da̱j guun rá nij soꞌ quiꞌya̱j nij soꞌ man soꞌ a. Ne̱ dan me se nuvi̱i niga̱nꞌ tumé ndoꞌo nij yuvii̱ israelitá nij taꞌyaa chingá yahi̱j ta̱j rej atúj yuvii̱ chumanꞌ yoꞌ, cheꞌé se me rá nij soꞌ nari̱ꞌ nij soꞌ man Saulo ne̱ ticavi̱ꞌ nij soꞌ man Saulo, rá nij soꞌ a.

Hechos 9:26

Dan me se cuchiꞌ Saulo chumanꞌ Jerusalén, ne̱ guun rá soꞌ cunu̱u chre̱ꞌ soꞌ ga̱ nij síí tucuꞌyón snana̱ Jesús, tza̱j ne̱ cuchuꞌviꞌ cunuda̱nj nij soꞌ niꞌya̱j nij soꞌ man Saulo a. ꞌO̱ se ne cuchuma̱n rá nij soꞌ snana̱ Saulo se vaa a̱j si̱j tucuꞌyón snana̱ Jesús me soꞌ a.

2 Corintios 11:33

tza̱j ne̱ caꞌnúj nij tuvíꞌ ꞌu̱nj ꞌo̱ ventaná ta̱j rihaan chraan nicu̱nꞌ nu̱ꞌ anica̱j tuꞌva chumanꞌ yoꞌ, ne̱ caꞌnéé nij soꞌ rá ꞌo̱ scaa manj, ne̱ tinanij nij soꞌ mán ꞌu̱nj nda̱a rihaan yoꞌóó, ne̱ dan me se curiha̱nj ꞌu̱nj chumanꞌ yoꞌ, ne̱ nanii ꞌu̱nj rihaan síí nica̱j suun yoꞌ a.