Hechos 9:15 - Triqui de San Juan Copala

¹⁵ Ga̱a ne̱ cataj Síí ꞌNi̱j Raꞌa man níꞌ rihaan soꞌ a: ―Caꞌa̱nj so̱ꞌ cuaj á. ꞌO̱ se a̱j narii ꞌu̱nj man soꞌ cu̱nuû soꞌ rihanj, cheꞌé yan ni̱caj soꞌ se‑chu̱vií ꞌu̱nj caꞌa̱nj soꞌ rihaan nij síí yaníj do̱ꞌ, nij síí nica̱j suun rey do̱ꞌ, maꞌa̱n nij síí israelitá do̱ꞌ ado̱nj.

Hechos 9:15 ပူးပေါင်းရင်းမြစ်များ

San Mateo 10:18

Ne̱ caꞌa̱nj ni̱caj nij yuvii̱ man soj rihaan nij síí nica̱j suun do̱ꞌ, rihaan nij síí nica̱j suun rey do̱ꞌ, cheꞌé se me soj síí noco̱ꞌ manj a. Ne̱ cata̱j xnaꞌanj soj rihaan nij síí nica̱j suun do̱ꞌ, rihaan nij síí yaníj do̱ꞌ, cheꞌej a.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

Hechos 13:2

Dan me se ga̱a caráj gue̱e̱ nij soꞌ rihaan Yaꞌanj Si̱j ꞌNi̱j Raꞌa man níꞌ, ne̱ tocoꞌ nij soꞌ xꞌnaa man maꞌa̱n nij soꞌ, ne̱ cataj Nimán Yaꞌanj rihaan nij soꞌ a: ―Cune̱ꞌ nij soj man síí cuꞌna̱j Bernabé ga̱ síí cuꞌna̱j Saulo se vaa quiꞌya̱j ro̱j soꞌ se‑su̱u̱n ꞌu̱nj nda̱a vaa nacúún ꞌu̱nj man ro̱j soꞌ quiꞌya̱j ro̱j soꞌ á ―taj Nimán Yaꞌanj rihaan nij soꞌ a.

Hechos 21:19

Dan me se veꞌé caꞌmii sa̱ꞌ ta̱ranꞌ núj, ga̱a ne̱ cataj xnaꞌanj Pabló rihaan nij síí chij nuu chre̱ꞌ ga̱ Jacobo nda̱a ꞌo̱ ꞌo̱ se vaa quiꞌyaj Yaꞌanj scaꞌnúj nij síí yaníj ga̱a nataꞌ Pabló snana̱ Yaꞌanj rihaan nij soꞌ a.

Hechos 22:14

Ga̱a ne̱ cataj síí cuꞌna̱j Ananías a: “Yaꞌanj si̱j noco̱ꞌ xi̱i níꞌ ga̱a naá roꞌ, narii soꞌ mán so̱ꞌ cheꞌé rej xca̱j so̱ꞌ cuentá da̱j me rá soꞌ quiꞌya̱j soꞌ cheꞌé yuvii̱, ne̱ guun rá soꞌ que̱neꞌén so̱ꞌ man Síí Nica̱ Nimán ne̱ cu̱nó so̱ꞌ nana̱ caꞌmii soꞌ rihaan so̱ꞌ á.

Hechos 22:21

Tza̱j ne̱ cataj soꞌ a: “Caꞌa̱nj so̱ꞌ á. ꞌO̱ se ꞌu̱nj caꞌne̱j mán so̱ꞌ caꞌa̱nj so̱ꞌ ga̱nꞌ rihaan nij síí yaníj a”, taj soꞌ rihanj a ―taj Pabló rihaan nij síí israelitá yoꞌ se‑xnaꞌa̱nj nij soꞌ a.

Hechos 25:22

Ga̱a ne̱ cataj rey cuꞌna̱j Agripa rihaan Festo a: ―Me rá ꞌu̱nj cuno̱ ma̱ꞌán ꞌu̱nj caꞌmi̱i̱ snóꞌo yoꞌ á ―taj soꞌ rihaan Festo a. Ga̱a ne̱ cataj Festo a: ―Aꞌyuj me se cu̱nó so̱ꞌ caꞌmi̱i̱ soꞌ ado̱nj ―taj Festo rihaan rey cuꞌna̱j Agripa a.

Hechos 26:1

Ga̱a ne̱ cataj rey cuꞌna̱j Agripa rihaan Pabló a: ―Caꞌve̱e caꞌmi̱i̱ so̱ꞌ cheꞌé so̱ꞌ á ―taj soꞌ rihaan Pabló a. Ga̱a ne̱ ticunꞌ raꞌa Pabló, ne̱ caꞌmii nacaj soꞌ cheꞌé maꞌa̱n soꞌ, cataj soꞌ a:

Hechos 26:32

Ga̱a ne̱ cataj rey cuꞌna̱j Agripa rihaan Festo a: ―Sese ne cachi̱nj niꞌya̱j síí nihánj se vaa caꞌne̱ꞌ César cacunꞌ cheꞌé soꞌ, ne̱ caꞌve̱e cu̱riha̱nj soꞌ tagaꞌ asuun tza̱j á ―taj rey cuꞌna̱j Agripa rihaan Festo a.

Hechos 27:24

ne̱ cataj soꞌ a: “Se̱ cuchuꞌvíꞌ so̱ꞌ, maan Pablo. ꞌO̱ se no̱ xcúún so̱ꞌ ca̱nicúnꞌ so̱ꞌ rihaan emperador cuꞌna̱j César, ne̱ nihánj me se cata̱j xnaꞌanj ꞌu̱nj rihaan so̱ꞌ se vaa a̱j guun rá Yaꞌanj se vaa ya̱ ya̱ ca̱ráán Yaꞌanj rihaan sayuun cavi̱ꞌ cheꞌé so̱ꞌ ga̱ cunuda̱nj nij síí nu̱u̱ rque rihoo nihánj ado̱nj”, taj se‑mo̱zó Yaꞌanj rihanj a.

Hechos 28:17

Dan me se cachén vaꞌnu̱j güii, ga̱a ne̱ canacúún Pabló man nij síí uun chij rihaan nij yuvii̱ israelitá ya̱nj chumanꞌ Romá se vaa cunu̱u chre̱ꞌ nij soꞌ ga̱ soꞌ a. Ne̱ ga̱a quisíj cunuu chre̱ꞌ nij soꞌ, ne̱ cataj soꞌ rihaan nij soꞌ a: ―Xa̱ꞌ ꞌu̱nj nihánj, tza̱j ne̱ taj va̱j cacunꞌ quiꞌyáá ꞌu̱nj rihaan tuviꞌ níꞌ si̱j israelitá do̱ꞌ, rihaan stucua̱nj xi̱i níꞌ nij síí ma̱n ga̱a naá do̱ꞌ, maan tinu̱j. Tza̱j ne̱ rej chumanꞌ Jerusalén roꞌ, taꞌaa nii manj ne̱ tacuachén nii manj rihaan nij síí romanó ado̱nj.

Hechos 28:28

Cheꞌé dan xca̱j soj cuentá se vaa a̱j caꞌanj nana̱ nihánj rihaan nij síí yaníj, ne̱ nij soꞌ me síí cuchuma̱n rá se vaa ti̱nanii Yaꞌanj man nij soꞌ rihaan sayuun ne̱ cavi̱i̱ sa̱ꞌ nij soꞌ a. ꞌO̱ se nij soꞌ me síí cuno̱ ya̱ nana̱ nihánj na̱nj á ―taj Pabló rihaan nij síí uun chij rihaan nij yuvii̱ israelitá ya̱nj chumanꞌ Romá a.

Romanos 1:1

ꞌU̱nj me síí cuꞌna̱j Pabló nu̱u̱ rihaan Cristó Jesús a. Dan me se canacúún soꞌ mán ꞌu̱nj guún ꞌu̱nj síí caꞌa̱nj nata̱ꞌ snana̱ soꞌ, ne̱ cuneꞌ soꞌ mán ꞌu̱nj ꞌo̱ nata̱ꞌ ꞌu̱nj snana̱ Yaꞌanj nana̱ sa̱ꞌ rihaan yuvii̱ a.

Romanos 1:5

Ina̱nj cheꞌé Jesucristó me quiꞌyaj Yaꞌanj se lu̱j cheꞌej se vaa cuneꞌ Yaꞌanj manj caꞌa̱nj ꞌu̱nj nata̱ꞌ ꞌu̱nj snana̱ soꞌ cheꞌé rej cuchuma̱n rá yuvii̱ yaníj ma̱n da̱j a̱ nij xꞌneꞌ yuvii̱ ino̱ vaa stucua̱nj nana̱ sa̱ꞌ yoꞌ, ga̱a ne̱ cuno̱ nij soꞌ rihaan Yaꞌanj ado̱nj. Da̱nj ꞌyáá ꞌu̱nj aráj co̱chróó ꞌu̱nj se‑chuvi̱i Jesucristó a.

Romanos 11:13

Cuano̱ roꞌ, caꞌmi̱j rihaan nij soj si̱j yaníj, ne̱ a̱j cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan nij soj si̱j yaníj ado̱nj. Ne̱ vaa se uun ndoꞌo suun caꞌneꞌ Jesucristó rihanj, raj chugua̱nj.

1 Corintios 15:10

Tza̱j ne̱ quiꞌyaj uxrá Yaꞌanj se lu̱j cheꞌej, ne̱ racuíj maꞌa̱n Yaꞌanj manj, ne̱ cheꞌé dan mej síí ata̱ suun caꞌa̱nj nata̱ꞌ snana̱ Jesucristó cuano̱ ado̱nj. Né se quiꞌyaj rmaꞌa̱n Yaꞌanj da̱nj ga̱ ꞌu̱nj maꞌ. ꞌO̱ se ꞌu̱nj nihánj roꞌ, me síí ꞌyaj doj se‑su̱u̱n Yaꞌanj rihaan ꞌó da̱nj nij síí ata̱ suun caꞌa̱nj nata̱ꞌ snana̱ Jesucristó, tza̱j ne̱ né ma̱ꞌanj ꞌyaj se‑su̱u̱n Yaꞌanj maꞌ. ꞌO̱ se cheꞌé se racuíj Yaꞌanj manj roꞌ, cheꞌé dan ꞌyáj da̱nj ado̱nj.

1 Corintios 9:16

Dan me se aꞌmii natáj ꞌu̱nj nana̱ sa̱ꞌ cheꞌé Cristó, tza̱j ne̱ se̱ caꞌmii xta̱ꞌ ꞌu̱nj cheꞌé suun yoꞌ maꞌ. Ma̱an se suun caꞌneꞌ Yaꞌanj rihaan ꞌu̱nj me suun yoꞌ, ne̱ sese se̱ caꞌmii natáj ꞌu̱nj nana̱ sa̱ꞌ yoꞌ, ga̱a ne̱ qui̱ránꞌ ꞌu̱nj cacunꞌ noco̱o ndoꞌo ga̱a na̱nj ado̱nj.

Gálatas 1:1

Síí cuꞌna̱j Pabló mej, ne̱ dan me se ga̱a caviꞌ Jesucristó, ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ Jesucristó do̱ꞌ, Rej níꞌ Yaꞌanj do̱ꞌ, me ro̱j síí cuneꞌ mán ꞌu̱nj guún ꞌu̱nj ꞌo̱ síí caꞌa̱nj nata̱ꞌ snana̱ Jesucristó a. Né ina̱nj yuvii̱ me síí cuneꞌ mán ꞌu̱nj maꞌ. Maꞌa̱n ya̱ Yaꞌanj cuneꞌ mán ꞌu̱nj ado̱nj.

Efesios 3:1

Neꞌen nij soj se vaa ꞌni̱j ꞌu̱nj tagaꞌ cheꞌé se nocóꞌ ꞌu̱nj man Cristó Jesús, ne̱ aꞌmii natáj ꞌu̱nj rihaan nij soj si̱j yaníj cheꞌé soꞌ,

1 Timoteo 2:7

Ne̱ cuneꞌ Yaꞌanj mán ꞌu̱nj caꞌmi̱i̱ natáj ꞌu̱nj do̱ꞌ, caꞌa̱nj nata̱ꞌ ꞌu̱nj snana̱ Cristó do̱ꞌ, tu̱cuꞌyón ꞌu̱nj man nij yuvii̱ yaníj da̱j cuchuma̱n rá nij soꞌ ni̱ꞌyaj nij soꞌ man Yaꞌanj ne̱ cuno̱ nij soꞌ nana̱ ya̱ caꞌmii Yaꞌanj do̱ꞌ a. Xa̱ꞌ nana̱ nihánj, tza̱j ne̱ nana̱ ya̱ uxrá me nana̱ nihánj, ne̱ ne aꞌmii ne̱ ꞌu̱nj maꞌ.

2 Timoteo 1:11

Ne̱ ꞌu̱nj nihánj me síí cuneꞌ Yaꞌanj se vaa caꞌmi̱i̱ natáj ꞌu̱nj do̱ꞌ, caꞌa̱nj nata̱ꞌ ꞌu̱nj snana̱ Cristó do̱ꞌ, tu̱cuꞌyón ꞌu̱nj man nij yuvii̱ do̱ꞌ ado̱nj.

2 Timoteo 2:4

Dan me se vaa nij tanuu ꞌni̱j cuarteé, ne̱ ne avii yaníj nij soꞌ ꞌyaj suun nij soꞌ maꞌ. Ma̱an se veꞌé ꞌyaj suun nij soꞌ ina̱nj suun aꞌneꞌ nii rihaan nij soꞌ, cheꞌé se me rá nij soꞌ cara̱nꞌ rá tanuu uun chij ni̱ꞌyaj soꞌ man nij soꞌ a.

Apocalipsis 17:14

Ga̱a ne̱ cunu̱ꞌ ta̱ranꞌ nij soꞌ ga̱ Matzinj Leꞌe̱j, tza̱j ne̱ quiꞌya̱j canaán doj Matzinj Leꞌe̱j rihaan nij soꞌ ado̱nj. ꞌO̱ se Matzinj Leꞌe̱j roꞌ, me síí nica̱j suun noco̱o doj rihaan ꞌó da̱nj nij síí nica̱j suun, ne̱ rey uun chij doj rihaan ꞌó da̱nj nij rey me uún soꞌ ado̱nj. Ne̱ nij tuviꞌ soꞌ roꞌ, me nij síí canacúún soꞌ canoco̱ꞌ man soꞌ, ne̱ dan me se a̱j narii soꞌ man nij soꞌ, ne̱ ꞌo̱ amán rá nij soꞌ niꞌya̱j nij soꞌ man soꞌ na̱nj ado̱nj ―taj se‑mo̱zó Yaꞌanj rihanj a.