Hechos 8:36 - Triqui de San Juan Copala

³⁶ Dan me se ga̱a va̱j ro̱j soꞌ chrej, ne̱ cuchiꞌ ro̱j soꞌ rej nu̱u̱ do̱j na, ga̱a ne̱ cataj síí “eunuco” a: ―Ni̱ꞌyaj so̱ꞌ á. Nihánj me nu̱u̱ na á. Ne̱ caꞌve̱e cata̱ꞌ ne ꞌu̱nj naꞌ ―taj soꞌ, xnáꞌanj soꞌ man Felipé a.

Hechos 8:36 ပူးပေါင်းရင်းမြစ်များ

San Mateo 3:11

’ꞌU̱nj nihánj me se na u̱u̱n utaꞌ ne ꞌu̱nj man soj si̱j nuchranꞌ nimán canocoꞌ chrej sa̱ꞌ a. Tza̱j ne̱ vaa ꞌó síí caꞌna̱ꞌ, ne̱ si̱j nucua̱j doj me soꞌ rihanj a. Cheꞌé dan me a̱ doj ne nó xcúnj na̱chej nuj correá ꞌni̱j tacanj soꞌ maꞌ Ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj, ne̱ caxri̱i̱ yaꞌan soꞌ man soj si̱j naꞌvej rá cuno̱ rihaan Yaꞌanj, ne̱ caca̱a̱ soj ado̱nj.

San Mateo 3:6

Dan me se nataꞌ ya̱ nij yuvii̱ cheꞌé nu̱ꞌ cacunꞌ tumé nij yuvii̱, ga̱a ne̱ cataꞌ ne nij yuvii̱ rá chráá Jordán, quiꞌyaj Juan ado̱nj.

San Juan 3:23

Ne̱ síí cuꞌna̱j Juan roꞌ, ne chumanꞌ cuꞌna̱j Enón, ne̱ utaꞌ ne soꞌ man yuvii̱ uún a. ꞌO̱ se nichru̱nꞌ naj chumanꞌ Enón ga̱ chumanꞌ Salim, ne̱ ma̱n uxrá na cata̱ꞌ ne yuvii̱ rej yoꞌ, ne̱ caꞌnaꞌ uxrá yuvii̱, ne̱ ataꞌ ne nij yuvii̱ ado̱nj.

San Juan 3:5

Ga̱a ne̱ cataj uún Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ se vaa sese se̱ caꞌngaa ꞌo̱ soꞌ quiꞌya̱j na, ne̱ sese se̱ caꞌngaa naca̱ nimán soꞌ, ne̱ se̱ caꞌvee catu̱u̱ soꞌ rej uun chij Yaꞌanj a̱ maꞌ.

Hechos 10:47

―Nihánj me se catúj Nimán Yaꞌanj nimán nij síí nihánj nda̱a vaa catúj soꞌ nimán níꞌ ado̱nj. Se̱ caꞌvee ca̱ráán níꞌ chrej rihaan nij soꞌ cata̱ꞌ ne nij soꞌ maꞌ ―taj Pedró rihaan nij tuviꞌ soꞌ a.

Hechos 8:37

Ga̱a ne̱ cataj Felipé rihaan soꞌ a: ―Sese ya̱ ya̱ amán rá so̱ꞌ niꞌya̱j so̱ꞌ man Jesucristó, ne̱ caꞌve̱e a ―taj Felipé rihaan soꞌ a. Ga̱a ne̱ cataj síí “eunuco” rihaan Felipé a: ―Amán rá ꞌu̱nj se vaa taꞌníí Yaꞌanj me Jesucristó á ―taj soꞌ rihaan Felipé a.

1 Juan 5:6

Nihánj me Jesucristó síí caꞌnaꞌ cata̱ꞌ ne, ne̱ ꞌo̱ se ne caꞌna̱ꞌ soꞌ cata̱ꞌ ne u̱u̱n soꞌ maꞌ. Dan me se caꞌnaꞌ soꞌ cata̱ꞌ ne soꞌ, ne̱ caꞌnaꞌ soꞌ caya̱nj ton man soꞌ ne̱ cavi̱ꞌ soꞌ cheꞌé níꞌ uún ado̱nj. ꞌO̱ se Nimán Yaꞌanj taj xnaꞌanj rihaan níꞌ, ne̱ amán ya̱ rá níꞌ, ese ya̱ uxrá aꞌmii Nimán Yaꞌanj ado̱nj.