Hechos 8:30 - Triqui de San Juan Copala

³⁰ Dan me se cunánj Felipé rej xꞌnúú cuchriꞌ, ga̱a ne̱ cuno soꞌ se vaa nayaa síí ta̱j cuchriꞌ snana̱ síí cuꞌna̱j Isaías síí nataꞌ snana̱ Yaꞌanj ga̱a naá a. Ne̱ xnáꞌanj Felipé man soꞌ, cataj Felipé a: ―Ya̱ uxrá unó so̱ꞌ nana̱ nayaa so̱ꞌ naꞌ ―taj Felipé, xnáꞌanj soꞌ man síí “eunuco” yoꞌ a.

Hechos 8:30 ပူးပေါင်းရင်းမြစ်များ

San Mateo 13:19

Cunuda̱nj yuvii̱ uno nana̱ cheꞌé da̱j vaa uun chij Yaꞌanj roꞌ, sese ne acaj sa̱ꞌ nij soꞌ cuentá, ne̱ ꞌnaꞌ Síí Chre̱e, ne̱ aꞌnéj Síí Chre̱e nana̱ yoꞌ nimán yuvii̱ yoꞌ a. Dan me se ase vaa ꞌnúú trigó cayuu rá chrej chéé yuvii̱ vaa yuvii̱ yoꞌ a.

San Mateo 13:23

Ne̱ ꞌnúú trigó cayuu rihaan yoꞌóó sa̱ꞌ roꞌ, ase vaa síí uno snana̱ Yaꞌanj vaa yoꞌ, ne̱ xcaj sa̱ꞌ soꞌ cuentá, ne̱ nuu sa̱ꞌ nimán soꞌ rihaan Yaꞌanj a. Ne̱ sa̱ꞌ uxrá ꞌyaj taꞌa̱j nij soꞌ, ne̱ sa̱ꞌ do̱j ꞌyaj ꞌó taꞌa̱j nij soꞌ, ne̱ sa̱ꞌ do̱j tzínꞌ ꞌyaj ꞌó taꞌa̱j nij soꞌ na̱nj ado̱nj ―taj Jesús, caꞌmii soꞌ cheꞌé cuentó yoꞌ a.

San Mateo 13:51

Ne̱ xnáꞌanj Jesús man nij síí tucuꞌyón snana̱ soꞌ, cataj soꞌ a: ―Cuno soj nu̱ꞌ cuentó nanó ꞌu̱nj cuano̱ naꞌ ―taj Jesús, xnáꞌanj soꞌ man nij síí tucuꞌyón snana̱ soꞌ a. ―Cuno núj nu̱ꞌ cuentó yoꞌ ado̱nj ―taj nij soꞌ a.

San Mateo 15:10

Ga̱a ne̱ canacúún Jesús man nij yuvii̱ ri̱i̱ caꞌna̱ꞌ nij yuvii̱ rihaan soꞌ a. Ga̱a ne̱ cataj soꞌ rihaan nij yuvii̱ a: ―Cuno̱ soj nana̱ nihánj, ne̱ xca̱j soj cuentá á.

San Mateo 24:15

Ne̱ soj si̱j naya̱a̱ nana̱ nihánj nana̱ cachro̱nj rihaan yanj nihánj roꞌ, xca̱j uxrá soj cuentá me taj nana̱ nihánj nana̱ caꞌmii Jesús cheꞌé se chiꞌi̱i̱ á. Dan me se cataj uún Jesús a: ―A̱j neꞌen soj se vaa cataj xnaꞌanj síí cuꞌna̱j Daniel síí nataꞌ snana̱ Yaꞌanj ga̱a naá cheꞌé ꞌo̱ se chiꞌi̱i̱ quiꞌya̱j ndoꞌo sayuun man yuvii̱, ne̱ dan me se güii queneꞌe̱n soj se chiꞌi̱i̱ yoꞌ rej gue̱e̱ vaa rque nuvií noco̱o,

San Marcos 13:14

Ne̱ soj si̱j nayaa nana̱ nihánj roꞌ, xca̱j uxrá soj cuentá me se me raj cata̱a nana̱ nihánj nana̱ caꞌmii Jesús cheꞌé se chiꞌi̱i̱ á. Dan me se cataj uún Jesús a: ―A̱j neꞌen soj se vaa vaa ꞌo̱ se chiꞌi̱i̱ quiꞌya̱j ndoꞌo sayuun man yuvii̱, nda̱a vaa cataj Daniel síí nataꞌ snana̱ Yaꞌanj ga̱a naá, ne̱ dan me se güii queneꞌe̱n soj man se chiꞌi̱i̱ yoꞌ rej ne nó xcúún yoꞌ canicu̱nꞌ yoꞌ, ne̱ ꞌo̱ cuna̱nj nij síí ma̱n estadó Judea caꞌa̱nj nij soꞌ raa̱ quij á.

San Juan 4:34

Ga̱a ne̱ cataj Jesús rihaan nij soꞌ a: ―Sese ꞌyáá ꞌu̱nj nda̱a vaa me rá síí caꞌnéé manj qui̱ꞌyáj, ne̱ sese navij quisíj suun caꞌneꞌ soꞌ rihanj, ne̱ ase vaa se chá vaa yoꞌ rihanj ado̱nj.

San Juan 5:39

Dan me se ya̱nj uxrá nayaa soj Danj Yaꞌanj, cheꞌé se me rá soj xca̱j soj cuentá da̱j quiꞌya̱j soj ne̱ caꞌve̱e ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj á. Ne̱ veé maꞌa̱n Danj Yaꞌanj taj xnaꞌanj cheꞌé ꞌu̱nj a.

Hechos 8:27

Dan me se cavii Felipé, caꞌanj soꞌ, ne̱ ga̱a va̱j soꞌ chrej yoꞌ, ne̱ queneꞌen soꞌ ꞌo̱ síí “eunuco” cavii yoꞌóó cuꞌna̱j Etiopía, ne̱ síí nu̱u̱ rihaan chana̱ reiná cuꞌna̱j Candace uun chij rihaan nu̱ꞌ yoꞌóó Etiopía me síí “eunuco” yoꞌ a. Ne̱ síí tumé nu̱ꞌ se‑saꞌa̱nj chana̱ reiná yoꞌ me soꞌ a. Dan me se a̱j caꞌanj soꞌ chumanꞌ Jerusalén cara̱a̱ gue̱e̱ soꞌ rihaan Yaꞌanj,

Hechos 8:29

Dan me se cataj Nimán Yaꞌanj rihaan Felipé a: ―Quinichru̱nꞌ so̱ꞌ rej va̱j cuchriꞌ nucua̱j cuayó ꞌnaꞌ nihánj, ne̱ cache̱e̱ so̱ꞌ rej xꞌnúú cuchriꞌ yoꞌ á ―taj Nimán Yaꞌanj rihaan Felipé a.

Hechos 8:31

―Asa̱ꞌ caꞌve̱e cu̱noj nana̱ nihánj rá so̱ꞌ, ne̱ nuviꞌ síí tu̱cuꞌyón nana̱ nihánj manj ga̱ ―taj síí “eunuco” yoꞌ rihaan Felipé a. Ga̱a ne̱ canacúún síí “eunuco” man Felipé se vaa cavi̱i̱ Felipé cuchriꞌ ne̱ quita̱j soꞌ rej xꞌnúú síí “eunuco” yoꞌ a.

Hechos 8:5

Ne̱ síí cuꞌna̱j Felipé caꞌanj chumanꞌ noco̱o doj na̱j estadó Samaria, ne̱ caꞌmii natáj soꞌ rihaan nij yuvii̱ ma̱n chumanꞌ yoꞌ cheꞌé Síí Caꞌnéé Yaꞌanj Ti̱nanii man Yuvii̱ rihaan Sayuun a.

1 Corintios 14:19

Tza̱j ne̱ ga̱a nuu chre̱ꞌ ꞌu̱nj ga̱ xꞌneꞌ nij tinúú níꞌ nij síí noco̱ꞌ man Cristó, ne̱ no̱ xcúnj caꞌmi̱j nana̱ avii cúú ya̱vej rihaan nij soꞌ, ne̱ dan me se caꞌve̱e se chi̱ꞌ míj nana̱ xnaꞌánj naca̱ caꞌmi̱j, tza̱j ne̱ se̱ cavii sa̱ꞌ doj tinúj, quiꞌya̱j nana̱ yoꞌ a̱ maꞌ. Tza̱j ne̱ sese caꞌmi̱j nda̱ꞌ se ꞌu̱nꞌ gue̱e̱ nana̱ cavi̱i̱ cúú ya̱vej rihaan nij tinúú níꞌ, tza̱j ne̱ cavi̱i̱ sa̱ꞌ nij soꞌ doj, quiꞌya̱j nana̱ yoꞌ, cheꞌé se nana̱ uno nij soꞌ me yoꞌ ado̱nj.

Efesios 5:17

Ne̱ se̱ guun soj síí niꞌyo̱n maꞌ. Tana̱nj xca̱j soj cuentá da̱j me rá Síí ꞌNi̱j Raꞌa man níꞌ quiꞌya̱j soj a.

Apocalipsis 13:18

Ne̱ nihánj me se cavi̱i̱ raa̱ soj si̱j naya̱a̱ nana̱ nihánj, ne̱ sese cu̱u raa̱ soj, ne̱ nuchru̱j ra̱a̱ soj da̱j taj se‑nu̱mero̱ xcuu yuva̱a̱ cavii rque na yaꞌa̱nj yoꞌ á. ꞌO̱ se número̱ yoꞌ roꞌ, me se‑chuvi̱i ꞌo̱ snóꞌo na̱nj chugua̱nj. Ne̱ vata̱nꞌ cientó táá vaꞌnu̱j chiha̱a̱ vata̱nꞌ (666) me número̱ yoꞌ ado̱nj.