Dan me se quiꞌyaj Juan nu̱ꞌ nda̱a vaa taj nana̱ cachrón síí cuꞌna̱j Isaías síí nataꞌ snana̱ Yaꞌanj ga̱a naá rihaan yanj, ne̱ nihánj me nana̱ cachrón soꞌ a: Nucua̱j ndoꞌo caꞌmi̱i̱ natáj ꞌo̱ soꞌ rej tacaan, ne̱ cata̱j soꞌ a: “Naquiꞌya̱j sa̱ꞌ soj chrej cheꞌé se caꞌna̱ꞌ Síí ꞌNi̱j Raꞌa man níꞌ á. Da̱j se naquiꞌyaj nica̱ yuvii̱ chrej anica̱j roꞌ, veꞌé naquiꞌya̱j sa̱ꞌ níꞌ nimán níꞌ, nuchra̱nꞌ nimán níꞌ, ne̱ se̱ caráán chrej ca̱yáán Síí ꞌNi̱j Raꞌa man níꞌ ga̱ níꞌ á.
Hechos 8:28 - Triqui de San Juan Copala28 ne̱ nihánj me se nanꞌ soꞌ chiháán soꞌ a. Táá soꞌ cuchriꞌ nucua̱j cuayó, ne̱ nayaa soꞌ nana̱ cachrón síí cuꞌna̱j Isaías síí nataꞌ snana̱ Yaꞌanj ga̱a naá rihaan yanj a. အခန်းကိုကြည့်ပါ။ |
Hechos 8:28
19 ပူးပေါင်းရင်းမြစ်များ
Ne̱ ne gu̱un cuya̱a̱n rá cunuda̱nj nij soꞌ a̱ maꞌ. Ne̱ guun cheꞌe̱ nij soꞌ caꞌanj nij soꞌ a. Tza̱j ne̱ ga̱a ataa caꞌa̱nj nij soꞌ, ne̱ caꞌmii Pabló orúnꞌ nana̱ rihaan nij soꞌ, cataj soꞌ a: ―Cuna̱j uxrá vaa nana̱ nihánj nana̱ rqué Nimán Yaꞌanj rihaan xi̱i níꞌ ga̱a caꞌmii síí cuꞌna̱j Isaías síí nataꞌ snana̱ Yaꞌanj ga̱a naá rihaan nij soꞌ a. Ne̱ nihánj me nana̱ yoꞌ a:
Dan me se cavii Felipé, caꞌanj soꞌ, ne̱ ga̱a va̱j soꞌ chrej yoꞌ, ne̱ queneꞌen soꞌ ꞌo̱ síí “eunuco” cavii yoꞌóó cuꞌna̱j Etiopía, ne̱ síí nu̱u̱ rihaan chana̱ reiná cuꞌna̱j Candace uun chij rihaan nu̱ꞌ yoꞌóó Etiopía me síí “eunuco” yoꞌ a. Ne̱ síí tumé nu̱ꞌ se‑saꞌa̱nj chana̱ reiná yoꞌ me soꞌ a. Dan me se a̱j caꞌanj soꞌ chumanꞌ Jerusalén cara̱a̱ gue̱e̱ soꞌ rihaan Yaꞌanj,
Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á.
ကြော်ငြာတွေ