Hechos 8:2 - Triqui de San Juan Copala

² Ne̱ dan me se taꞌa̱j nij síí sa̱ꞌ nimán cachinꞌ man Esteban, ne̱ taꞌvee uxrá nij soꞌ cheꞌé se vaa caviꞌ soꞌ a.

Hechos 8:2 ပူးပေါင်းရင်းမြစ်များ

San Marcos 6:29

Ga̱a ne̱ ga̱a cuchiꞌ nana̱ rihaan nij síí tucuꞌyón snana̱ Juan se vaa caviꞌ Juan, ne̱ caꞌnaꞌ nij soꞌ, ne̱ nica̱j nij soꞌ cúú man Juan, cachinꞌ nij soꞌ rque yuꞌuj yuvej a.

San Lucas 2:25

Dan me se cayáán ꞌo̱ chii nga̱ cuꞌna̱j Simeón chumanꞌ Jerusalén a. Si̱j vaa nica̱ nimán me soꞌ, ne̱ si̱j noco̱ꞌ uxrá man Yaꞌanj me uún soꞌ, ne̱ quisíj queꞌe̱e̱ yoꞌ naꞌvi̱j uxrá soꞌ se vaa ti̱nanii Yaꞌanj man nij yuvii̱ israelitá rihaan sayuun a. Ya̱nj Nimán Yaꞌanj nimán soꞌ,

Hechos 10:2

Ne̱ si̱j yaníj veꞌé ndoꞌo noco̱ꞌ man Yaꞌanj me soꞌ, ne̱ aráj cochro̱j ndoꞌo soꞌ rihaan Yaꞌanj, ne̱ ase vaa ꞌyaj soꞌ roꞌ, da̱nj ꞌyaj nij tucua̱ soꞌ uún a. Ne̱ rqué ndoꞌo soꞌ caridad rihaan nij yuvii̱, ne̱ niga̱nj cachíín niꞌya̱j soꞌ rihaan Yaꞌanj a.

Hechos 2:5

Dan me se güii dan cumán ndoꞌo yuvii̱ israelitá chumanꞌ Jerusalén, ne̱ síí me ya̱ rá canoco̱ꞌ man Yaꞌanj me nij soꞌ, ne̱ síí cavii nu̱ꞌ yoꞌóó noco̱o na̱j rihaan chumii̱ me nij soꞌ a.

Hechos 8:1

Ne̱ síí cuꞌna̱j Saulo yoꞌ roꞌ, cuna̱j quiranꞌ Esteban rá soꞌ a. Ne̱ güii dan me se guun cheꞌe̱ nii quiꞌyaj ndoꞌo nii sayuun man xꞌneꞌ nij síí noco̱ꞌ man Jesús síí ma̱n chumanꞌ Jerusalén a. Dan me se cunánj nij soꞌ chumanꞌ Jerusalén, ne̱ chaꞌnuu̱ nij soꞌ nu̱ꞌ estadó Judea do̱ꞌ, estadó cuꞌna̱j Samaria do̱ꞌ a. Tza̱j ne̱ o̱rúnꞌ maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ roꞌ, me nij síí ꞌo̱ quináj chumanꞌ Jerusalén a.

Hechos 8:3

Tza̱j ne̱ síí cuꞌna̱j Saulo me se síí ta̱j riꞌyunj man xꞌneꞌ nij síí noco̱ꞌ man Jesús me soꞌ, ne̱ quiꞌyaj ndoꞌo soꞌ sayuun man nij soꞌ a. Dan me se cuchiꞌ soꞌ veꞌ ya̱nj ꞌo̱ ꞌo̱ nij síí noco̱ꞌ man Jesús, ne̱ taꞌaa soꞌ man nij soꞌ, ne̱ dan me se nu̱ꞌ snóꞌo nu̱ꞌ chana̱ nu̱ꞌ taꞌaa soꞌ, ne̱ caxríj soꞌ tagaꞌ man nij soꞌ a.