Hechos 8:16 - Triqui de San Juan Copala

¹⁶ ꞌO̱ se ataa nani̱j Nimán Yaꞌanj catu̱u̱ Nimán Yaꞌanj nimán nij soꞌ a. Ma̱an se tiha̱j cataꞌ ne u̱u̱n nij soꞌ cheꞌé se‑chuvi̱i Jesús Si̱j ꞌNi̱j Raꞌa man níꞌ a.

Hechos 8:16 ပူးပေါင်းရင်းမြစ်များ

San Mateo 28:19

Cheꞌé dan caꞌa̱nj soj rihaan ꞌo̱ ꞌo̱ nij xꞌneꞌ yuvii̱ ino̱ vaa stucua̱nj, ne̱ ti̱haa̱n soj man nij soꞌ cheꞌé rej gu̱un nij soꞌ síí tucuꞌyón snana̱j, quiꞌya̱j soj á. Ne̱ cuta̱ꞌ ne soj man nij soꞌ, ne̱ cata̱ꞌ tuꞌva soj se‑chuvi̱i Réé ꞌu̱nj Yaꞌanj do̱ꞌ, se‑chu̱vií ꞌu̱nj Taꞌni̱j Yaꞌanj do̱ꞌ, se‑chuvi̱i Nimán Yaꞌanj do̱ꞌ, ga̱a cuta̱ꞌ ne soj man nij soꞌ á.

Hechos 19:2

Ga̱a ne̱ xnáꞌanj Pabló man nij soꞌ a: ―Ne̱ catúj Nimán Yaꞌanj nimán nij soj ga̱a cuchumán rá soj niꞌya̱j soj man Jesucristó naꞌ ―taj Pabló, xnáꞌanj soꞌ man nij soꞌ a. Ga̱a ne̱ cataj nij soꞌ a: ―Taj maꞌ. ꞌO̱ se a̱ ne cuno̱ núj nana̱ se vaa vaa ꞌo̱ Nimán Yaꞌanj a̱ maꞌ ―taj nij soꞌ rihaan Pabló a.

Hechos 2:38

Ga̱a ne̱ cataj Pedró rihaan nij soꞌ a: ―Ca̱nica̱j nimán cunuda̱nj soj ta̱náj soj chrej chiꞌi̱i̱, ne̱ cata̱ꞌ ne soj cheꞌé se‑chuvi̱i Jesucristó Si̱j Caꞌnéé Yaꞌanj, ne̱ tinavi̱j Yaꞌanj cacunꞌ tumé soj a. Ne̱ rque̱ Yaꞌanj Nimán Yaꞌanj catu̱u̱ soꞌ nimán soj ado̱nj.

Romanos 6:3

ꞌO̱ se a̱j neꞌen ya̱ soj se vaa ga̱a cataꞌ ne níꞌ ne̱ tihaa̱n níꞌ se vaa a̱j uun rcuaꞌa̱a̱n níꞌ ga̱ Cristó Jesús, ne̱ ase vaa caviꞌ soꞌ rihaan chumii̱ nihánj roꞌ, da̱nj caviꞌ níꞌ rihaan tucuáán chiꞌi̱i̱, ne̱ se̱ caꞌvee canoco̱ꞌ níꞌ tucuáán chiꞌi̱i̱ cuano̱ a̱ maꞌ.

Gálatas 3:27

Dan me se cheꞌé se cunuu rcuaꞌa̱a̱n soj ga̱ Cristó ga̱a cataꞌ ne soj roꞌ, cheꞌé dan me ase vaa Cristó roꞌ, taꞌngaꞌ da̱nj vaa soj cuano̱ na̱nj ado̱nj.