Hechos 7:48 - Triqui de San Juan Copala

⁴⁸ Tza̱j ne̱ né si̱j ya̱nj rá veꞌ uneꞌ yuvii̱ me Yaꞌanj Si̱j Uun Chij Doj maꞌ. ꞌO̱ se cataj xnaꞌanj síí nataꞌ snana̱ Yaꞌanj se vaa maꞌa̱n Yaꞌanj cataj a:

Hechos 7:48 ပူးပေါင်းရင်းမြစ်များ

San Lucas 1:32

Síí noco̱o ndoꞌo gu̱un soꞌ, ne̱ Taꞌníí Yaꞌanj Si̱j Uun Chij Doj cuꞌna̱j soꞌ ado̱nj. Gu̱un soꞌ síí gu̱un chij rihaan níꞌ, quiꞌya̱j Yaꞌanj Si̱j ꞌNi̱j Raꞌa man níꞌ a. Ase vaa guun chij xi̱i soꞌ rey cuꞌna̱j David rihaan soj si̱j israelitá ga̱a naá roꞌ, taꞌngaꞌ da̱nj quiꞌya̱j maꞌa̱n soꞌ gu̱un chij soꞌ rihaan soj nu̱ꞌ cavii nu̱ꞌ caꞌanj ado̱nj ―da̱nj cataj Gabriel rihaan Mariá a.

2 Corintios 5:1

Dan me se neꞌen núj se vaa ase vaa ꞌo̱ veꞌ mantá utaꞌ u̱u̱n nii rque do̱j güii roꞌ, vaa nee̱ man núj, ne̱ ya̱nj nee̱ man núj ga̱a vaa iꞌna̱ꞌ núj rihaan chumii̱ nihánj a. Tza̱j ne̱ neꞌen núj se vaa caꞌve̱e navi̱j nee̱ man núj vaa güii, ne̱ asa̱ꞌ navij yoꞌ, ga̱a ne̱ rque̱ Yaꞌanj ꞌó nee̱ naca̱ cu̱nuû núj, ne̱ daj chiha̱a̱ míj se̱ navij nee̱ naca̱ yoꞌ a̱ maꞌ. Tana̱nj a̱ ca̱yáán núj rej xta̱ꞌ nu̱ꞌ cavii nu̱ꞌ caꞌanj ado̱nj.