Hechos 7:44 - Triqui de San Juan Copala

⁴⁴ ’Dan me se nica̱j xi̱i níꞌ nuvií mantá rej ya̱nj Yaꞌanj rej xcaj nij xi̱i níꞌ cuentá cheꞌé soꞌ ga̱a va̱j nij soꞌ rej tacaan a. Ne̱ nuvií mantá yoꞌ roꞌ, quiꞌyaj Moisés man yoꞌ nda̱a vaa cataj xnaꞌanj Yaꞌanj rihaan soꞌ a. Dan me se ase vaa nuvií mantá tihaa̱n Yaꞌanj rihaan Moisés, da̱nj vaa quiꞌyaj soꞌ a.

Hechos 7:44 ပူးပေါင်းရင်းမြစ်များ

Hebreos 8:2

ne̱ nu̱u̱ soꞌ rihaan Yaꞌanj rá nuvií gue̱e̱ ya̱nj rej xta̱ꞌ, ne̱ né ꞌo̱ nuvií cuneꞌ yuvii̱ u̱u̱n me nuvií yoꞌ maꞌ. ꞌO̱ se nuvií cuneꞌ maꞌa̱n Síí ꞌNi̱j Raꞌa man níꞌ me nuvií yoꞌ ado̱nj.

Hebreos 8:5

Ne̱ nij xrej ma̱n rihaan chumii̱ nihánj roꞌ, ne ꞌyaj suun nij soꞌ ga̱ maꞌa̱n nij rasu̱u̱n ma̱n rej xta̱ꞌ maꞌ. Ma̱an se ase vaa se tinanga̱ꞌ u̱u̱n do̱ꞌ, ase vaa scachu̱nꞌ nij rasu̱u̱n ma̱n rej xta̱ꞌ do̱ꞌ, vaa suun ꞌyaj suun nij soꞌ na̱nj ado̱nj. Cheꞌé dan me asi̱j caꞌneꞌ Yaꞌanj suun rihaan síí cuꞌna̱j Moisés cune̱ꞌ soꞌ nuvií mantá xi̱j nuvií cara̱a̱ gue̱e̱ nij yuvii̱ israelitá rihaan Yaꞌanj, ne̱ nagoꞌ soꞌ chrej rihaan Moisés da̱j quiꞌya̱j soꞌ, cataj soꞌ a: “Xca̱j so̱ꞌ cuentá se vaa ase vaa nuvií tihaán ꞌu̱nj rihaan so̱ꞌ raa̱ quij roꞌ, da̱nj ga̱a̱ gue̱e̱ nuvií cune̱ꞌ so̱ꞌ á”, taj Yaꞌanj rihaan Moisés a.