Hechos 7:36 - Triqui de San Juan Copala

³⁶ Dan me se curiha̱nj nij yuvii̱ israelitá yoꞌóó Egiptó, quiꞌyaj Moisés, ne̱ quiꞌyaj ndoꞌo soꞌ da̱j a̱ suun sa̱ꞌ noco̱o quiꞌyaj caráyaꞌa̱nj nij yuvii̱ rej yoꞌóó Egiptó do̱ꞌ, rej na̱j na yaꞌa̱nj cuꞌna̱j Na Yaꞌa̱nj Veꞌe̱j do̱ꞌ, rej tacaan va̱j nij soꞌ vi̱j chiha̱a̱ (40) ya̱ yoꞌ do̱ꞌ a.

Hechos 7:36 ပူးပေါင်းရင်းမြစ်များ

San Juan 4:48

Ga̱a ne̱ cataj Jesús rihaan soꞌ a: ―Sese se̱ quiꞌyáj da̱j a̱ suun sa̱ꞌ noco̱o queneꞌe̱n soj, ne̱ daj chiha̱a̱ míj se̱ cuchumán rá soj ni̱ꞌyaj soj manj maꞌ ―taj Jesús rihaan soꞌ a.

Hechos 13:18

Ga̱a ne̱ nda̱ꞌ se tucuáá ndoꞌo nij soꞌ rihaan Yaꞌanj, tza̱j ne̱ ꞌo̱ racuíj Yaꞌanj man nij soꞌ ga̱a va̱j nij soꞌ rej tacaan naco̱o̱ rque vi̱j chiha̱a̱ (40) yoꞌ ta̱ꞌ asuun a.

Hechos 7:42

’Cheꞌé dan guun yaníj Yaꞌanj rihaan nij yuvii̱ israelitá, ne̱ caꞌnéé raꞌa Yaꞌanj man nij soꞌ cara̱a̱ gue̱e̱ nij soꞌ rihaan ri̱i̱ nij rasu̱u̱n ma̱n rej xta̱ꞌ a. Dan me se da̱nj ina̱nj taj nana̱ no̱ rihaan yanj quiꞌyaj nij síí nataꞌ snana̱ Yaꞌanj ga̱a naá a: Taj va̱j rasu̱u̱n rqué nij soj si̱j israelitá rihanj ga̱a va̱j soj rej tacaan vi̱j chiha̱a̱ (40) yoꞌ maꞌ. Taj va̱j xcuu cacaa rihanj, quiꞌyaj soj maꞌ.

Hebreos 3:8

ne̱ se̱ naquiꞌyaj nichra̱j soj nimán soj nda̱a vaa quiꞌyaj nij síí cumán ga̱a naá ga̱a cachéé nij soꞌ rej nacoo̱ ndoꞌo maꞌ. Dan me se tucuáá nij soꞌ ne̱ riꞌyunj nij soꞌ man Yaꞌanj a.

Hebreos 3:9

Guun rá nij xi̱i soj xca̱j nij soꞌ cuentá sese ya̱ qui̱ꞌyáá ꞌu̱nj sayuun man nij soꞌ a. Ne̱ queneꞌen nij soꞌ nu̱ꞌ nij suun sa̱ꞌ noco̱o quiꞌyáá ꞌu̱nj cheꞌé nij soꞌ vi̱j chiha̱a̱ ya̱ yoꞌ a.

Hebreos 8:9

Ne̱ ino̱ doj ga̱a̱ nana̱ naca̱ yoꞌ ga̱ nana̱ cataj xnaꞌanj ꞌu̱nj rihaan xi̱i nij soꞌ si̱j cumán ga̱a naá, ga̱a taꞌaa ꞌu̱nj raꞌa nij soꞌ, ne̱ quirii ꞌu̱nj man nij soꞌ yoꞌóó noco̱o cuꞌna̱j Egiptó a. Tza̱j ne̱ tanáj xco̱ nij soꞌ nana̱ yoꞌ, ga̱a ne̱ naꞌnéj raꞌa nij soꞌ na̱nj ado̱nj, taj Síí ꞌNi̱j Raꞌa man níꞌ a.