Hechos 7:32 - Triqui de San Juan Copala

³² ne̱ dan me se cataj Síí ꞌNi̱j Raꞌa man níꞌ a: “ꞌU̱nj roꞌ, me Yaꞌanj noco̱ꞌ nij xií so̱ꞌ ga̱a naá a. Dan me se Yaꞌanj noco̱ꞌ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, mé ꞌu̱nj á”, taj Yaꞌanj Si̱j ꞌNi̱j Raꞌa man níꞌ cuno Moisés a. Ga̱a ne̱ cuchuꞌviꞌ Moisés ne̱ quiriꞌíj man soꞌ, ne̱ ne quisi̱j rá soꞌ ni̱ꞌyaj soꞌ coj acoꞌ yaꞌan raa̱ yoꞌ a.

Hechos 7:32 ပူးပေါင်းရင်းမြစ်များ

San Mateo 17:6

Ga̱a cuno nij síí tucuꞌyón snana̱ Jesús nana̱ yoꞌ, ne̱ quinij ru̱j nij soꞌ nda̱a canó rihaan nij soꞌ yoꞌóó, ne̱ cuchuꞌviꞌ ndoꞌo nij soꞌ a.

San Mateo 22:32

“Yaꞌanj noco̱ꞌ nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, mej a.” Da̱nj caꞌmii Yaꞌanj cheꞌé nij síí ma̱n ga̱a naá yoꞌ a. Dan me se né Taꞌa̱nj nij xnangá me Yaꞌanj maꞌ. Ina̱nj nij síí vaa iꞌna̱ꞌ aꞌvee nocoꞌ man Yaꞌanj na̱nj ado̱nj. Cheꞌé dan, nda̱ꞌ se síí cayáán ga̱a naá me vaꞌnu̱j nij soꞌ, tza̱j ne̱ vaa iꞌna̱ꞌ nij soꞌ rihaan Yaꞌanj na̱nj ado̱nj ―taj Jesús a.

San Mateo 22:46

Ne̱ a̱ ꞌó nij soꞌ ne gu̱un nucua̱j cata̱j xnaꞌanj ꞌo̱ nana̱ rihaan Jesús, ne̱ güii yoꞌ rej rihaan me se a̱ ꞌó nij soꞌ ne quisi̱j rá xna̱ꞌanj doj nana̱ man Jesús a̱ maꞌ.

San Lucas 5:8

Dan me se queneꞌen Simón Pedró se vaa quiꞌyaj Jesús, ga̱a ne̱ caꞌanj ca̱yáán ru̱j soꞌ rihaan Jesús, cataj soꞌ a: ―Naxu̱u̱n so̱ꞌ mán so̱ꞌ rihanj cheꞌé se síí ata̱ ndoꞌo cacunꞌ mej na̱nj á ―taj Simón rihaan Jesús a.

Hechos 3:13

Tana̱nj Yaꞌanj si̱j noco̱ꞌ xi̱i níꞌ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, me síí quiꞌyaj se vaa niꞌndaj ya̱ sa̱ꞌ veꞌé uun chij Taꞌníí maꞌa̱n soꞌ Jesús na̱nj ado̱nj. Tza̱j ne̱ nij soj me nij síí tacuachén man Jesús rihaan nij síí ta̱j riꞌyunj man Jesús, ne̱ nda̱ꞌ se guun ya̱ rá síí cuꞌna̱j Pilató se vaa caꞌa̱nj u̱u̱n Jesús, tza̱j ne̱ cataj soj rihaan Pilató se vaa guun rá soj cavi̱ꞌ Jesús ado̱nj.

Hechos 7:31

Ne̱ caꞌanj rá Moisés cheꞌé se vaa queneꞌen soꞌ, ne̱ guun rá soꞌ nichru̱nꞌ soꞌ rihaan coj yoꞌ ni̱ꞌyaj soꞌ man yoꞌ a. Ga̱a ne̱ cuno soꞌ caꞌmii Síí ꞌNi̱j Raꞌa man níꞌ,

Hebreos 11:16

ꞌO̱ se guun ndoꞌo rá nij soꞌ ca̱yáán nij soꞌ chumanꞌ sa̱ꞌ doj chumanꞌ na̱j rej xta̱ꞌ na̱nj á. Ne̱ cheꞌé dan ne naꞌa̱j Yaꞌanj ga̱a taj nij yuvii̱ yoꞌ se vaa Taꞌanj nij soꞌ me Yaꞌanj, cheꞌé se a̱j quiꞌyaj Yaꞌanj ꞌo̱ chumanꞌ noco̱o ca̱yáán nij soꞌ maꞌ.

Apocalipsis 1:17

Dan me se ga̱a queneꞌén ꞌu̱nj man soꞌ, ne̱ naxrúꞌ ꞌu̱nj caꞌanj qui̱náá ꞌu̱nj rihaan yoꞌóó tacóó soꞌ, ne̱ ase vaa síí caviꞌ roꞌ, da̱nj vaa ꞌu̱nj a. Dan me se cutaꞌ soꞌ raꞌa soꞌ rej nuva̱ꞌ soꞌ xráj, ne̱ cataj soꞌ a: ―Se̱ cuchuꞌvíꞌ so̱ꞌ maꞌ. ꞌU̱nj roꞌ, me síí táá ya̱a̱n rihaan cunuda̱nj, ne̱ veé ꞌu̱nj me síí noco̱ꞌ xco̱ rihaan cunuda̱nj ado̱nj.