Hechos 7:26 - Triqui de San Juan Copala

²⁶ ’Dan me se ꞌó güii me se cuchiꞌ soꞌ rej ma̱n nij yuvii̱ israelitá, ne̱ queneꞌen soꞌ man vi̱j síí israelitá se vaa cunuꞌ roj soꞌ a. Ne̱ guun rá soꞌ naꞌmi̱i̱ sa̱ꞌ uún ro̱j soꞌ, ne̱ cheꞌé dan cataj soꞌ a: “Tinu̱j. Me cheꞌé unuꞌ ro̱j tinu̱j ro̱j so̱j ga̱”, taj soꞌ rihaan ro̱j soꞌ a.

Hechos 7:26 ပူးပေါင်းရင်းမြစ်များ

San Mateo 14:22

Ga̱a ne̱ raꞌya̱nj caꞌneꞌ Jesús suun rihaan nij síí tucuꞌyón snana̱ soꞌ se vaa cavi̱i̱ nij soꞌ rihoo chéé rihaan na caꞌa̱nj nij soꞌ rej xco̱ na laguaná yoꞌ, quita̱j ya̱a̱n nij soꞌ rihaan Jesús, ne̱ dan me se maꞌa̱n Jesús naꞌne̱j chrej man nij yuvii̱ ri̱i̱, taj Jesús rihaan nij síí tucuꞌyón snana̱ soꞌ a.

Hechos 7:25

Ga̱a ne̱ guun rá Moisés se vaa xca̱j nij tuviꞌ soꞌ síí israelitá cuentá se vaa Yaꞌanj ra̱cuíj man soꞌ ti̱nanii soꞌ man nij soꞌ rihaan nij síí ma̱n yoꞌóó Egiptó, tza̱j ne̱ ne xca̱j nij soꞌ cuentá maꞌ.

Filipenses 2:1

Ya̱ ya̱ nariꞌ nucuaj nimán níꞌ, ꞌyaj Cristó, rá soj naꞌ. Ya̱ ya̱ uun niha̱ꞌ nimán níꞌ, ꞌyaj tinúú níꞌ síí ꞌe̱e̱ rá man níꞌ, rá soj naꞌ. Ya̱ ya̱ veꞌé mán nu̱ꞌ nij tinu̱j níꞌ, ꞌyaj Nimán Yaꞌanj, rá soj naꞌ. Ya̱ ya̱ nuu ꞌe̱e̱ rá níꞌ si̱j noco̱ꞌ man Cristó man tinúú níꞌ síí quiranꞌ sayuun, rá soj naꞌ. Dan me se nana̱ nihánj roꞌ, me nana̱ ya̱ uxrá vaa na̱nj ado̱nj.

Filipenses 2:3

Se̱ guun xco̱j ruva̱a̱ rá soj ni̱ꞌyaj soj tinúú soj maꞌ. Se̱ guun rá soj se vaa cata̱j tinúú soj se vaa sa̱ꞌ uxrá vaa maꞌa̱n soj maꞌ. Tza̱j ne̱ ga̱a̱ nica̱ꞌ nimán soj, cata̱j soj se vaa sa̱ꞌ doj vaa tinúú soj rihaan maꞌa̱n soj á.