Hechos 6:15 - Triqui de San Juan Copala

¹⁵ Ga̱a ne̱ niꞌya̱j uxrá cunuda̱nj nij síí ya̱nj rá veꞌ nuu chre̱ꞌ xꞌneꞌ nij síí ata̱ suun noco̱o doj man Esteban yoꞌ, ne̱ ase vaa rihaan se‑mo̱zó Yaꞌanj roꞌ, da̱nj vaa rihaan soꞌ, niꞌya̱j nij soꞌ a.

Hechos 6:15 ပူးပေါင်းရင်းမြစ်များ

San Mateo 13:43

Ga̱a ne̱ cuchugu̱u̱n nij síí sa̱ꞌ yoꞌ ase vaa chuguu̱n güii rej uun chij Rej nij soꞌ síí nicu̱nꞌ xta̱ꞌ ado̱nj. Dan me se sese ta̱j yuꞌuj xréé soj, ne̱ cuno̱ soj nana̱ nihánj á.

San Mateo 17:2

Ga̱a ne̱ ꞌo̱ cunuu ino̱ cunuda̱nj man Jesús niꞌya̱j nij síí tucuꞌyón snana̱ soꞌ, ne̱ dan me se chuguu̱n ndoꞌo rihaan soꞌ ase vaa chuguu̱n güii na̱nj á. Ne̱ nuu catzi̱i̱ ndoꞌo saga̱nꞌ soꞌ, ne̱ ase vaa yaꞌan chuguu̱n vaa saga̱nꞌ soꞌ a.

San Mateo 5:22

Tza̱j ne̱ ꞌu̱nj nihánj me se cata̱j xnaꞌanj ꞌu̱nj, ne̱ a̱ me maꞌa̱n ꞌo̱ síí caꞌmaan rá niꞌya̱j man tinúú, ne̱ a̱j tumé soꞌ cacunꞌ cata̱j síí nica̱j suun, ne̱ quira̱nꞌ soꞌ sayuun ado̱nj. Ne̱ a̱ me maꞌa̱n síí cata̱j rihaan tuviꞌ: “Síí snúú rmaꞌa̱n mé so̱ꞌ ado̱nj”, ne̱ a̱j tumé ndoꞌo soꞌ cacunꞌ cata̱j Xꞌneꞌ Nij Síí Ata̱ Suun Noco̱o Doj ado̱nj. Ne̱ a̱ me maꞌa̱n síí cata̱j rihaan tuviꞌ: “Taj se gúnꞌ mán so̱ꞌ mei”, me se vaa cheꞌé caꞌa̱nj maꞌa̱n síí aꞌmii da̱nj rihaan yaꞌan caca̱a̱ soꞌ na̱nj ado̱nj.

San Marcos 8:25

Ga̱a ne̱ cutaꞌ raꞌa uún Jesús rihaan síí tuchri̱i yoꞌ, ga̱a ne̱ niꞌya̱j niꞌya̱j síí tuchri̱i, ne̱ dan me se nahuun sa̱ꞌ nu̱ꞌ rlij rihaan soꞌ, ne̱ curuviꞌ sa̱ꞌ cunuda̱nj rasu̱u̱n niꞌya̱j soꞌ na̱nj ado̱nj.

Hechos 7:1

Ga̱a ne̱ xnáꞌanj xrej ata̱ suun noco̱o doj man síí cuꞌna̱j Esteban, cataj xrej a: ―Ya̱ uxrá da̱nj caꞌmii so̱ꞌ dan tuꞌva nij soꞌ da̱nj cheꞌé so̱ꞌ naꞌ ―taj soꞌ, xnáꞌanj soꞌ man Esteban a.

2 Corintios 3:18

Ne̱ taj se aráán rihaan ta̱ranꞌ níꞌ maꞌ. ꞌO̱ se uun nucua̱j níꞌ neꞌen níꞌ man Síí ꞌNi̱j Raꞌa man níꞌ, se vaa niꞌndaj ya̱ veꞌé vaa soꞌ, ne̱ ase vaa soꞌ roꞌ, da̱nj ga̱a̱ uún maꞌa̱n níꞌ, cheꞌé se niꞌya̱j níꞌ man soꞌ ado̱nj. Dan me se do̱ꞌ do̱ꞌ naquiꞌyaj sa̱ꞌ Nimán Yaꞌanj Si̱j ꞌNi̱j Raꞌa man níꞌ nimán níꞌ, ne̱ dan me se ne̱ soꞌ nimán níꞌ, ne̱ ase vaa maꞌa̱n soꞌ roꞌ, da̱nj ga̱a̱ ta̱ranꞌ níꞌ uún ado̱nj.