Hechos 5:38 - Triqui de San Juan Copala

³⁸ ’Ne̱ cuano̱ nihánj me se cata̱j xnaꞌanj ꞌu̱nj rihaan nij soj se vaa se̱ quiꞌyaj nij soj a̱ doj sayuun man nij síí caꞌnaꞌ rihaan níꞌ cuanꞌ maꞌ. ꞌO̱ se sese tucuáán cuchruj yuvii̱ u̱u̱n me stucua̱nj nij soꞌ, ne̱ sese ꞌyaj nij soꞌ nda̱a vaa avii raa̱ maꞌa̱n nij soꞌ, ne̱ quiri̱ꞌ nu̱ꞌ se vaa ꞌyaj nij soꞌ na̱nj ado̱nj.

Hechos 5:38 ပူးပေါင်းရင်းမြစ်များ

San Mateo 15:13

Ga̱a ne̱ cataj Jesús a: ―Xa̱ꞌ nij soꞌ, tza̱j ne̱ ase vaa coj xraꞌ maꞌa̱n vaa nij soꞌ do̱ꞌ, vaa nana̱ tucuꞌyón nij soꞌ do̱ꞌ ado̱nj. Cheꞌé dan, ase vaa tiriꞌ nii man coj xraꞌ maꞌa̱n roꞌ, da̱nj ga̱a̱ tiri̱ꞌ Yaꞌanj man nij soꞌ ga̱ nana̱ tucuꞌyón maꞌa̱n nij soꞌ na̱nj ado̱nj.

San Marcos 11:30

Dan me se me síí caꞌneꞌ suun rihaan Juan síí cuta̱ꞌ ne man yuvii̱, rá soj ga̱. Yaꞌanj naꞌ. Ase nij yuvii̱ xa̱ꞌ. Cata̱j xnaꞌanj nij soj rihanj á ―taj Jesús a.

San Juan 11:48

Sese ꞌo̱ ta̱náj níꞌ man soꞌ quiꞌya̱j soꞌ da̱nj, ne̱ cuchuma̱n rá cunuda̱nj nij yuvii̱ ni̱ꞌyaj nij yuvii̱ man soꞌ a. Ga̱a ne̱ caꞌna̱ꞌ nij tanuu ꞌyaj suun rihaan gobiernó ma̱n Romá, ga̱a ne̱ tiri̱ꞌ nij tanuu nuvií noco̱o rej gue̱e̱ achíín niꞌya̱j níꞌ do̱ꞌ, chiháán níꞌ do̱ꞌ á ―taj nij soꞌ rihaan tuviꞌ nij soꞌ a.

Hechos 5:35

Ga̱a ne̱ cataj Gamaliel rihaan ꞌó nij síí uun chij yoꞌ a: ―Cuno̱ soj si̱j israelitá nana̱ caꞌmi̱j rihaan nij soj cuano̱ á. Dan me se ta̱dó soj da̱j quiꞌya̱j soj ga̱ nij snóꞌo caꞌnaꞌ rihaan níꞌ nihánj á.

1 Corintios 3:19

Nana̱ avii raa̱ yuvii̱ ma̱n rihaan chumii̱ nihánj roꞌ, daj chiha̱a̱ míj taj se uun nana̱ yoꞌ rihaan Yaꞌanj maꞌ. ꞌO̱ se Danj Yaꞌanj taj se vaa yuvii̱ avii raa̱ roꞌ, me rá nij soꞌ tiha̱ꞌ yuꞌunj nij soꞌ tuviꞌ nij soꞌ, tza̱j ne̱ nica̱j Yaꞌanj nana̱ avii raa̱ nij soꞌ, ne̱ tiha̱ꞌ yuꞌunj nij soꞌ man maꞌa̱n nij soꞌ ꞌyaj Yaꞌanj na̱nj ado̱nj. Da̱nj taj Danj Yaꞌanj á.