Hechos 5:17 - Triqui de San Juan Copala

¹⁷ Dan me se guun xco̱j ruva̱a̱ rá nij tuvi̱ꞌ xrej ata̱ suun noco̱o doj niꞌya̱j nij soꞌ man nij síí ata̱ suun caꞌa̱nj nata̱ꞌ snana̱ Jesús a. Dan me se nij tuvi̱ꞌ xrej me se síí noco̱ꞌ stucua̱nj nij síí saduceo me nij soꞌ a.

Hechos 5:17 ပူးပေါင်းရင်းမြစ်များ

San Mateo 27:18

Da̱nj caꞌmii soꞌ, cheꞌé se neꞌen soꞌ se vaa ma̱an cheꞌé se guun xco̱j ruva̱a̱ rá nij xrej ata̱ suun noco̱o me tacuachén nij xrej man Jesús rihaan maꞌa̱n soꞌ a.

San Mateo 3:7

Ga̱a queneꞌen Juan se vaa caꞌnaꞌ ndoꞌo nij síí fariseo do̱ꞌ, nij síí saduceo do̱ꞌ, me rá nij soꞌ cuta̱ꞌ ne Juan man nij soꞌ, ga̱a ne̱ caꞌmii natáj soꞌ rihaan nij soꞌ, cataj soꞌ a: ―Ase vaa xcuáá yuva̱a̱ vaa soj á. Me síí cataj xnaꞌanj rihaan soj cuna̱nj soj, ne̱ nani̱i̱ soj rihaan sayuun quiꞌya̱j Yaꞌanj ga̱.

San Juan 12:10

Ga̱a ne̱ guun ꞌo̱ rá nij xrej ata̱ suun noco̱o se vaa cavi̱ꞌ Lázaro uún, quiꞌya̱j nij soꞌ a.

San Juan 12:19

Cheꞌé dan cataj nij síí fariseo rihaan tuviꞌ nij soꞌ a: ―Ni̱ꞌyaj soj á. ꞌO̱ se ne quiꞌya̱j canaán uxrá níꞌ, quiꞌyaj soj a̱ maꞌ. ꞌO̱ se veé da̱nj ya̱ canocoꞌ cunuda̱nj nij yuvii̱ ma̱n rihaan chumii̱ snana̱ soꞌ na̱nj ado̱nj ―taj nij soꞌ rihaan tuviꞌ nij soꞌ niꞌya̱j nij soꞌ man Jesús a.

Hechos 13:45

Tza̱j ne̱ queneꞌen nij yuvii̱ israelitá se vaa cuchiꞌ ndoꞌo yuvii̱ rihaan Pabló, ga̱a ne̱ cheꞌé dan guun xco̱j ruva̱a̱ rá nij yuvii̱ israelitá, ne̱ nij caꞌmii nij soꞌ cheꞌé Pabló, cataj nij soꞌ se vaa ina̱nj nana̱ ne̱ caꞌmii Pabló a.

Hechos 15:5

Tza̱j ne̱ canicunꞌ do̱j síí fariseo síí cuchumán rá niꞌya̱j man Jesucristó, ne̱ cataj nij soꞌ se vaa no̱ xcúún nij síí yaníj cata̱ꞌ taꞌngaꞌ man nij soꞌ, ne̱ no̱ xcúún níꞌ caꞌne̱ꞌ níꞌ suun rihaan nij soꞌ quiꞌya̱j nij soꞌ nu̱ꞌ stucua̱nj Moisés a.

Hechos 17:5

Tza̱j ne̱ guun xco̱j ruva̱a̱ rá ꞌó nij yuvii̱ israelitá niꞌya̱j nij soꞌ man Pabló ga̱ Silas, ne̱ cheꞌé dan nanoꞌ nij soꞌ do̱j síí chiꞌi̱i̱ ma̱n yuꞌvee a. Ne̱ cunuu chre̱ꞌ ndoꞌo yuvii̱, quiꞌyaj nij síí chiꞌi̱i̱ yoꞌ, ga̱a ne̱ naxuma̱a̱n ndoꞌo sayuun chumanꞌ yoꞌ, quiꞌyaj nij soꞌ a. Ga̱a ne̱ cuchiꞌ nij yuvii̱ yoꞌ rihaan veꞌ tucuá síí cuꞌna̱j Jasón veꞌ caranꞌ Pabló ga̱ Silas, ne̱ guun rá nij yuvii̱ quiri̱i̱ nij soꞌ man ro̱j soꞌ nda̱a rihaan yuvii̱ cunuu chre̱ꞌ a.

Hechos 4:26

Dan me se cavii nij síí nica̱j suun rey uun chij rihaan chumii̱ nihánj, ga̱a ne̱ cunuu chre̱ꞌ nij soꞌ, cheꞌé rej quiꞌya̱j nij soꞌ sayuun man Síí ꞌNi̱j Raꞌa man níꞌ do̱ꞌ, man Síí Caꞌnéé Yaꞌanj Ti̱nanii man Yuvii̱ rihaan Sayuun do̱ꞌ a, taj David ga̱a naá a.

Hechos 4:6

síí cuꞌna̱j Anás síí guun xrej ata̱ suun noco̱o doj do̱ꞌ, síí cuꞌna̱j Caifás do̱ꞌ, síí cuꞌna̱j Juan do̱ꞌ, síí cuꞌna̱j Alejandró do̱ꞌ, ta̱ranꞌ nij tuvi̱ꞌ nij xrej ata̱ suun noco̱o do̱ꞌ a.

Hechos 5:16

Ga̱a ne̱ caꞌnaꞌ ndoꞌo yuvii̱ cavii nij chumanꞌ na̱j nichru̱nꞌ chumanꞌ Jerusalén, ne̱ nuu chre̱ꞌ nij soꞌ a. Dan me se ata̱ nij soꞌ síí ranꞌ do̱ꞌ, síí ranꞌ ndoꞌo sayuun ꞌyaj nana̱ chre̱e nu̱u̱ nimán nij soꞌ do̱ꞌ, ne̱ nahuun sa̱ꞌ cunuda̱nj nij soꞌ a.

Hechos 7:9

’Dan me se guun xco̱j ruva̱a̱ rá nij xi̱i níꞌ niꞌya̱j nij soꞌ man tinúú nij soꞌ José, ga̱a ne̱ cutuꞌvéj nij soꞌ man soꞌ rihaan síí caꞌanj nica̱j man soꞌ nda̱a rej yoꞌóó noco̱o cuꞌna̱j Egiptó a. Tza̱j ne̱ Yaꞌanj va̱j ga̱ soꞌ,

Gálatas 5:21

uun xco̱j ruva̱a̱ rá nij soꞌ niꞌya̱j nij soꞌ tuviꞌ nij soꞌ do̱ꞌ, uun xno̱ nij soꞌ do̱ꞌ, ꞌyaj nij soꞌ chaꞌanj ne̱ uun xno̱ nij soꞌ ne̱ otoj nij soꞌ ga̱ náguun yuvii̱ do̱ꞌ, ne̱ dan me se queꞌe̱e̱ doj cacunꞌ ase vaa nij cacunꞌ nihánj ꞌyaj uún nij soꞌ ado̱nj. A̱j cataj xnaꞌanj ꞌu̱nj rihaan soj, ne̱ cuano̱ nihánj me se cata̱j xnaꞌanj uún ꞌu̱nj rihaan soj se vaa yuvii̱ ꞌyaj da̱nj roꞌ, daj chiha̱a̱ míj se̱ cayáán nij soꞌ ga̱ Yaꞌanj asa̱ꞌ guun chij Yaꞌanj a̱ maꞌ.

Santiago 4:5

Ne̱ xca̱j soj cuentá se vaa ne tuꞌva rmaꞌa̱n nana̱ nihánj nana̱ aꞌmii Danj Yaꞌanj maꞌ: “Yaꞌanj quiꞌyaj nimán níꞌ, ne̱ me uxrá rá Yaꞌanj canoco̱ꞌ nimán níꞌ man o̱rúnꞌ soꞌ a”, taj Danj Yaꞌanj ado̱nj.

1 Pedro 2:1

Cheꞌé dan caꞌne̱ꞌ rá soj ga̱ nu̱ꞌ suun nachriꞌ man tuviꞌ á. A̱ ꞌó xcoꞌ se̱ tihaꞌ yuꞌunj soj man tuviꞌ soj maꞌ. ꞌO̱ nda̱a vaa taj soj roꞌ, veé da̱nj quiꞌya̱j gue̱e̱ soj á. Se̱ guun xco̱j ruva̱a̱ rá soj ni̱ꞌyaj soj tuviꞌ soj maꞌ. Ne̱ da̱j a̱ cuentó ne̱ roꞌ, se̱ nanó soj cheꞌé tuviꞌ soj a maan ado̱nj.