Hechos 4:36 - Triqui de San Juan Copala

³⁶ Ne̱ ꞌo̱ soꞌ roꞌ, me síí cuꞌna̱j José, ne̱ nij síí ata̱ suun caꞌa̱nj nata̱ꞌ snana̱ Jesús me se tucuꞌnáj nij soꞌ Bernabé man soꞌ a. Ne̱ nana̱ Bernabé me raj cata̱a síí ꞌyaj nariꞌ nucuaj yuvii̱ a. Ne̱ ꞌo̱ taꞌníí taꞌnij siꞌno̱ síí cuꞌna̱j Leví síí cayáán ga̱a naá me soꞌ, ne̱ cavii soꞌ rej cuꞌna̱j Chipre a.

Hechos 4:36 ပူးပေါင်းရင်းမြစ်များ

San Marcos 3:17

Ne̱ cuneꞌ soꞌ man Jacobo taꞌníí síí cuꞌna̱j Zebedeo, ne̱ cuneꞌ soꞌ man tinúú Jacobo síí cuꞌna̱j Juan, ne̱ tucuꞌnáj soꞌ Boanerges man ro̱j soꞌ, ne̱ nana̱ Boanerges roꞌ, me raj cata̱a ase vaa taꞌníí tuꞌvii vaa ro̱j soꞌ a.

Hechos 11:30

Ga̱a ne̱ goꞌ nij soꞌ saꞌanj yoꞌ ston Bernabé ga̱ Saulo, caxri̱i̱ ro̱j soꞌ ston nij síí tumé sa̱ꞌ rihaan Yaꞌanj man nij síí noco̱ꞌ man Cristó ya̱nj estadó Judea a.

Hechos 12:25

Ne̱ Bernabé ga̱ Saulo me se quisíj suun caxríj ro̱j soꞌ saꞌanj ston nij síí uun chij rihaan nij síí noco̱ꞌ man Jesucristó ya̱nj chumanꞌ Jerusalén, ne̱ canica̱j ro̱j soꞌ, quinanꞌ ro̱j soꞌ chumanꞌ Antioquía, ne̱ caꞌanj síí cuꞌna̱j Juan ga̱ ro̱j soꞌ, quiꞌyaj ro̱j soꞌ a. Ne̱ ꞌó se‑chuvi̱i Juan me Marcos a.

Hechos 13:1

Dan me se xꞌneꞌ nij síí noco̱ꞌ man Jesucristó ya̱nj chumanꞌ Antioquía roꞌ, taꞌa̱j nij soꞌ me síí nataꞌ snana̱ Yaꞌanj, ne̱ ꞌó taꞌa̱j nij soꞌ me síí tucuꞌyón snana̱ Yaꞌanj rihaan yuvii̱ a. Ne̱ síí cuꞌna̱j Bernabé do̱ꞌ, síí cuꞌna̱j Simón tucuꞌnáj nii Síí Chro̱n do̱ꞌ, síí cuꞌna̱j Lucio síí cavii estadó Cirene do̱ꞌ, síí cuꞌna̱j Manaén síí cachij rcuaꞌa̱a̱n ga̱ rey cuꞌna̱j Herodes do̱ꞌ, síí cuꞌna̱j Saulo do̱ꞌ, me nij síí cata̱ ro̱j suun sa̱ꞌ yoꞌ a.

Hechos 13:15

Ne̱ quisíj nayaa nii stucua̱nj Moisés do̱ꞌ, snana̱ nij síí nataꞌ snana̱ Yaꞌanj ga̱a naá do̱ꞌ, ne̱ caꞌnéé nij síí ꞌni̱j raꞌa veꞌ yoꞌ nana̱ nihánj rihaan ro̱j soꞌ a: ―Sese vaa chrej nucua̱j me rá ro̱j so̱j nago̱ꞌ ro̱j so̱j rihaan nij yuvii̱ nuu chre̱ꞌ nihánj, ne̱ caꞌmi̱i̱ ro̱j so̱j, tinu̱j ―taj síí ꞌni̱j raꞌa veꞌ yoꞌ rihaan Pabló ga̱ Bernabé a.

Hechos 13:2

Dan me se ga̱a caráj gue̱e̱ nij soꞌ rihaan Yaꞌanj Si̱j ꞌNi̱j Raꞌa man níꞌ, ne̱ tocoꞌ nij soꞌ xꞌnaa man maꞌa̱n nij soꞌ, ne̱ cataj Nimán Yaꞌanj rihaan nij soꞌ a: ―Cune̱ꞌ nij soj man síí cuꞌna̱j Bernabé ga̱ síí cuꞌna̱j Saulo se vaa quiꞌya̱j ro̱j soꞌ se‑su̱u̱n ꞌu̱nj nda̱a vaa nacúún ꞌu̱nj man ro̱j soꞌ quiꞌya̱j ro̱j soꞌ á ―taj Nimán Yaꞌanj rihaan nij soꞌ a.

Hechos 13:4

Dan me se ga̱a caꞌnéé Nimán Yaꞌanj man ro̱j soꞌ caꞌa̱nj ro̱j soꞌ, ne̱ nanij ro̱j soꞌ chumanꞌ Seleucia, ga̱a ne̱ cavii ro̱j soꞌ rihoo chéé rihaan na caꞌanj ro̱j soꞌ nda̱a yoꞌóó ta̱j rihaan na yaꞌa̱nj cuꞌna̱j Chipre a.

Hechos 15:12

Dan me se caꞌneꞌ rá cunuda̱nj nij soꞌ, ne̱ a̱ doj ne caꞌmi̱i̱ nij soꞌ a̱ maꞌ. Ma̱an se sa̱ꞌ uxrá nanó xre̱j nij soꞌ ga̱a cataj xnaꞌanj Bernabé ga̱ Pabló cheꞌé da̱j a̱ nij suun sa̱ꞌ noco̱o guun nucua̱j ro̱j soꞌ quiꞌyaj ro̱j soꞌ scaꞌnúj nij síí yaníj quiꞌyaj Yaꞌanj a.

Hechos 15:2

Caꞌmii canó tuviꞌ ndoꞌo síí cuꞌna̱j Pabló do̱ꞌ, síí cuꞌna̱j Bernabé do̱ꞌ, ga̱ nij síí tucuꞌyón nana̱ yoꞌ a. Ga̱a ne̱ cheꞌé dan cuneꞌ nij síí noco̱ꞌ man Jesucristó ya̱nj chumanꞌ Antioquía man ro̱j soꞌ ga̱ ꞌó do̱j tinúú nij soꞌ se vaa caꞌa̱nj nij soꞌ chumanꞌ Jerusalén caꞌmi̱i̱ nij soꞌ ga̱ nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ga̱ ꞌó nij síí tumé sa̱ꞌ rihaan Yaꞌanj man nij síí noco̱ꞌ man Cristó do̱ꞌ, cheꞌé nana̱ aꞌmii nij yuvii̱ yoꞌ a.

Hechos 15:37

Tza̱j ne̱ Bernabé roꞌ, guun rá soꞌ se vaa caꞌa̱nj uún síí cuꞌna̱j Juan ne̱ ꞌó se‑chuvi̱i soꞌ me Marcos ga̱ ro̱j soꞌ a.

Hechos 15:39

Cheꞌé dan guun vi̱j nana̱ caꞌmii ro̱j soꞌ, ne̱ cheꞌé dan caꞌanj yaníj ro̱j soꞌ, ne̱ Bernabé roꞌ, nica̱j Marcos, ne̱ cavii ro̱j soꞌ rihoo chéé rihaan na, ne̱ caꞌanj ro̱j soꞌ estadó Chipre a.

Hechos 21:16

Ne̱ chéé taꞌa̱j nij síí tucuꞌyón snana̱ Jesucristó ya̱nj chumanꞌ Cesarea ga̱ núj, ne̱ táá ya̱a̱n nij soꞌ rihaan núj caꞌanj núj veꞌ tucuá ꞌo̱ síí cuꞌna̱j Mnasón, cara̱nꞌ núj a. Ne̱ síí cuꞌna̱j Mnasón me se si̱j cavii yoꞌóó ta̱j rihaan na yaꞌa̱nj cuꞌna̱j Chipre me soꞌ, ne̱ a̱j quisíj queꞌe̱e̱ yoꞌ tucuꞌyón soꞌ snana̱ Jesucristó a.

Hechos 21:3

Ga̱a ne̱ queneꞌen núj yoꞌóó ta̱j rihaan na yaꞌa̱nj cuꞌna̱j Chipre, ne̱ tanáj xco̱ núj Chipre rej nichru̱un núj, ne̱ cachén núj caꞌanj núj nda̱a estadó Siria a. Dan me se cuchiꞌ núj chumanꞌ Tiro, ne̱ yoꞌ me rej guun rá nij síí tumé rihoo tucuayu̱u nij soꞌ cargá ma̱n rque rihoo rihaan yoꞌóó yoꞌ a.

Hechos 27:4

Ga̱a ne̱ cavii uún núj rque rihoo, ne̱ caꞌanj uún rihoo, ne̱ cachén núj tuꞌva yoꞌóó ta̱j rihaan na yaꞌa̱nj cuꞌna̱j Chipre, rej aráán rihaan nana̱ a. ꞌO̱ se goꞌ ndoꞌo nana̱ rej rihaan rihoo yoꞌ a.

Hechos 9:27

Cheꞌé dan nica̱j síí cuꞌna̱j Bernabé man soꞌ, caꞌanj soꞌ rihaan maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ a. Ne̱ nataꞌ Bernabé rihaan nij soꞌ da̱j guun ga̱a queneꞌen Saulo man Jesús Si̱j ꞌNi̱j Raꞌa man níꞌ ga̱a va̱j soꞌ chrej ne̱ caꞌmii Saulo ga̱ soꞌ a. Ne̱ nataꞌ uún Bernabé da̱j quiꞌyaj Saulo chumanꞌ Damasco ga̱a caꞌmii natáj soꞌ, ne̱ a̱ doj ne cuchuꞌvi̱ꞌ soꞌ caꞌmi̱i̱ natáj soꞌ rihaan nij yuvii̱ cheꞌé se‑chuvi̱i Jesús, taj Bernabé a.

1 Corintios 14:3

Tza̱j ne̱ síí nataꞌ nana̱ rqué Yaꞌanj rihaan, tza̱j ne̱ rihaan yuvii̱ aꞌmii soꞌ, ne̱ sa̱ꞌ doj xca̱j nij yuvii̱ cuentá da̱j quiꞌya̱j nij yuvii̱ canoco̱ꞌ nij yuvii̱ man Yaꞌanj, ne̱ nari̱ꞌ nucuaj nimán nij yuvii̱, quiꞌya̱j soꞌ, ne̱ se̱ nanó rá nij yuvii̱ maꞌ. ꞌO̱ se gu̱un niha̱ꞌ doj rá nij soꞌ ado̱nj.

1 Corintios 9:6

Me cheꞌé o̱rúnꞌ vi̱j ranꞌ gue̱e̱ rój ga̱ síí cuꞌna̱j Bernabé me síí ꞌyaj suun cheꞌé rej quiri̱ꞌ rój saꞌanj cha̱ rój ga̱.

Gálatas 2:1

Dan me se cachén xcaꞌa̱nj yoꞌ asi̱j curiha̱nj ꞌu̱nj chumanꞌ Jerusalén, ga̱a ne̱ canica̱j uún ꞌu̱nj cavii ꞌu̱nj nda̱a chumanꞌ Jerusalén ga̱ síí cuꞌna̱j Bernabé, ne̱ dan me se nica̱j rój man síí cuꞌna̱j Titó caꞌanj rój rej yoꞌ a.

Gálatas 2:13

Queneꞌen maꞌa̱n soꞌ se vaa caꞌve̱e cha̱ soꞌ ga̱ nij yuvii̱ yaníj, tza̱j ne̱ né si̱j ꞌo̱ vaa rá ga̱ nana̱ aꞌmii me soꞌ a̱ maꞌ. Ne̱ ase vaa quiꞌyaj soꞌ roꞌ, taꞌngaꞌ da̱nj quiꞌyaj uún ta̱ranꞌ nij yuvii̱ israelitá noco̱ꞌ man Cristó ma̱n rej yoꞌ, ne̱ nda̱a Bernabé quiꞌyaj cacunꞌ ga̱ nij soꞌ se vaa caꞌneꞌ rá soꞌ ga̱ suun chá ga̱ nij yuvii̱ yaníj na̱nj ado̱nj.

Gálatas 2:9

Ne̱ queneꞌen Jacobo do̱ꞌ, Cefas do̱ꞌ, Juan do̱ꞌ, se vaa quiꞌyaj ndoꞌo Yaꞌanj se lu̱j cheꞌé ꞌu̱nj do̱ꞌ, cheꞌé Bernabé do̱ꞌ, se vaa guun nu̱cuáá ꞌu̱nj nata̱ꞌ ꞌu̱nj nana̱ sa̱ꞌ cheꞌé Cristó rihaan yuvii̱, quiꞌyaj Yaꞌanj, ne̱ guun ya̱ nu̱ꞌ rá nij soꞌ se vaa Yaꞌanj me síí caꞌneꞌ suun rihaan núj a. Dan me se síí uun chij rihaan nij síí noco̱ꞌ man Cristó ma̱n Jerusalén me nij soꞌ, tza̱j ne̱ guun ya̱ rá nij soꞌ se vaa tuviꞌ maꞌa̱n nij soꞌ me núj, ne̱ ꞌo̱ cuya̱a̱n vaa suun vaa rihaan núj ga̱ suun vaa rihaan nij soꞌ, rá nij soꞌ a. Dan me se nata̱ꞌ nij soꞌ nana̱ sa̱ꞌ cheꞌé Cristó rihaan nij yuvii̱ israelitá, ne̱ da̱nj na̱nj núj uún, ne̱ nata̱ꞌ núj rihaan nij síí yaníj, cataj nij soꞌ a.

Colosenses 4:10

A̱j neꞌen soj man síí cuꞌna̱j Aristarco uún a. Cuano̱ nihánj me se ꞌni̱j soꞌ tagaꞌ ga̱ ꞌu̱nj, ne̱ me rá soꞌ se vaa veꞌé cuma̱n soj a. Ne̱ vaa síí cuꞌna̱j Marcos tinúú tachru̱u̱ síí cuꞌna̱j Bernabé a. Veé da̱nj veꞌé cuma̱n soj, rá soꞌ uún a. A̱j cuchiꞌ nana̱ rihaan soj cheꞌé Marcos, se vaa sese cuchi̱ꞌ soꞌ chiháán soj, ne̱ veꞌé caꞌmi̱i̱ soj ga̱ soꞌ á.