Hechos 4:31 - Triqui de San Juan Copala

³¹ Dan me se quisíj cachíín niꞌya̱j nij soꞌ rihaan Yaꞌanj, ga̱a ne̱ quinaa̱n nu̱ꞌ rej ma̱n nij soꞌ, ne̱ caraa ndoꞌo Nimán Yaꞌanj nimán cunuda̱nj nij soꞌ, ga̱a ne̱ ne cuchuꞌvi̱ꞌ nij soꞌ caꞌmi̱i̱ nij soꞌ snana̱ Yaꞌanj maꞌ.

Hechos 4:31 ပူးပေါင်းရင်းမြစ်များ

San Mateo 21:22

Ne̱ nu̱ꞌ se vaa cachi̱nj niꞌya̱j soj rihaan Yaꞌanj roꞌ, rque̱ Yaꞌanj rihaan soj, sese ya̱ ya̱ cuchuma̱n rá soj na̱nj ado̱nj ―taj Jesús a.

San Juan 14:12

Ne̱ cuano̱ nihánj me se cata̱j yá ꞌu̱nj rihaan soj se vaa síí amán rá niꞌya̱j manj me se ase vaa suun sa̱ꞌ noco̱o ꞌyaj ma̱ꞌanj roꞌ, da̱nj ga̱a̱ quiꞌya̱j maꞌa̱n soꞌ uún na̱nj ado̱nj. Tza̱j ne̱ suun sa̱ꞌ noco̱o doj quiꞌya̱j soꞌ, cheꞌé se nucui̱ꞌ ꞌu̱nj rihaan Réj Yaꞌanj na̱nj á.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 15:7

’Tza̱j ne̱ sese ꞌo̱ cu̱nuû rá nimán soj manj, ne̱ sese ꞌo̱ cu̱nuû snana̱j nimán soj, ne̱ caꞌve̱e se me maꞌa̱n rasu̱u̱n gu̱un rá soj cachi̱nj soj rihanj, ne̱ rque̱j man soj chugua̱nj.

Hechos 14:3

Dan me se queꞌe̱e̱ güii sca̱ꞌ na̱nj caꞌmii natáj Pabló ga̱ Bernabé snana̱ Yaꞌanj Si̱j ꞌNi̱j Raꞌa man níꞌ a. Ne̱ Síí ꞌNi̱j Raꞌa man níꞌ roꞌ, racuíj man ro̱j soꞌ se vaa guun nucua̱j ro̱j soꞌ quiꞌyaj ndoꞌo ro̱j soꞌ suun sa̱ꞌ noco̱o niꞌya̱j nij yuvii̱, cheꞌé rej cuchuma̱n rá nij yuvii̱ se vaa ya̱ ya̱ vaa snana̱ ro̱j soꞌ nana̱ cheꞌé se lu̱j quiꞌyaj Síí ꞌNi̱j Raꞌa man níꞌ cheꞌé níꞌ a.

Hechos 2:1

Dan me se ga̱a quisíj Chaꞌanj Pentecostés, ne̱ cunuu chre̱ꞌ cunuda̱nj nij síí noco̱ꞌ man Jesús rá ꞌo̱ veꞌ a.

Hechos 2:2

Ne̱ ta̱j niꞌyo̱n cuno ta̱ranꞌ nij síí ya̱nj rá veꞌ se vaa nda̱a cayu̱j maꞌa̱n rá veꞌ, ne̱ da̱j se uun ráꞌ unóꞌ nana̱ yuva̱a̱ avii rej xta̱ꞌ roꞌ, da̱nj guun rá nij soꞌ ga̱a cayu̱j rá veꞌ a.

Hechos 2:4

Ne̱ caraa ndoꞌo Nimán Yaꞌanj nimán ta̱ranꞌ nij soꞌ, ga̱a ne̱ guun cheꞌe̱ nij soꞌ caꞌmii nij soꞌ xnaꞌánj ino̱ vaa, nda̱a vaa caꞌvee caꞌmi̱i̱ ꞌo̱ ꞌo̱ nij soꞌ quiꞌyaj Nimán Yaꞌanj a.

Hechos 4:13

Dan me se queneꞌen nij soꞌ se vaa ne cuchuꞌvi̱ꞌ Pedró ga̱ Juan ne̱ sca̱ꞌ uxrá caꞌmii ro̱j soꞌ, ne̱ xcaj nij soꞌ cuentá se vaa né si̱j tucuꞌyón yanj me ro̱j soꞌ, tza̱j ne̱ sa̱ꞌ uxrá nariꞌ ro̱j soꞌ a. Cheꞌé dan caráyaꞌa̱nj nij soꞌ a. Ne̱ queneꞌen nij soꞌ se vaa ro̱j soꞌ me síí cachéé ga̱ Jesús a.

Hechos 4:29

’Señor, nihánj me se xca̱j so̱ꞌ cuentá se vaa caꞌmii yuva̱a̱ ndoꞌo nij soꞌ rihaan núj, ne̱ ra̱cuíj so̱ꞌ man núj si̱j ꞌyaj se‑su̱u̱n so̱ꞌ se vaa se̱ cuchuꞌviꞌ núj caꞌmi̱i̱ núj snana̱ so̱ꞌ rihaan yuvii̱ maꞌ.

Filipenses 1:14

ne̱ ꞌó nij tinúú níꞌ síí noco̱ꞌ man Síí ꞌNi̱j Raꞌa man níꞌ roꞌ, nariꞌ nucuaj nimán noco̱o doj nij soꞌ, cheꞌé se neꞌen nij soꞌ se vaa ꞌni̱j ꞌu̱nj tagaꞌ, ne̱ ne chuꞌviꞌ nij soꞌ caꞌmi̱i̱ natáj nij soꞌ snana̱ Yaꞌanj rihaan yuvii̱ cuano̱ maꞌ.

Filipenses 1:20

Dan me se uun ya̱ raj se vaa se̱ guun naꞌa̱j ꞌu̱nj maꞌ. Dan me se asi̱j rque̱ roꞌ, xcaj ndoꞌo yuvii̱ cuentá se vaa niꞌndaj ya̱ sa̱ꞌ vaa Cristó, quiꞌyáj, ne̱ caꞌve̱e se ga̱a̱ iꞌna̱ꞌ ꞌu̱nj do̱ꞌ, caꞌve̱e se cavi̱ꞌ ꞌu̱nj do̱ꞌ, tza̱j ne̱ da̱nj ina̱nj qui̱ꞌyáj cuano̱ nihánj, rá ꞌu̱nj ado̱nj.

Santiago 1:5

Sese ꞌo̱ tuviꞌ maꞌa̱n soj me rá nari̱ꞌ nana̱ cu̱u sa̱ꞌ, ne̱ cachi̱nj niꞌya̱j soꞌ rihaan Yaꞌanj, ne̱ rque̱ Yaꞌanj nana̱ cu̱u sa̱ꞌ yoꞌ man soꞌ chugua̱nj. ꞌO̱ se né si̱j nachriꞌ man síí achíín niꞌya̱j me Yaꞌanj maꞌ. Tana̱nj niha̱ꞌ rá soꞌ ga̱a achíín níꞌ man soꞌ, ne̱ rqué soꞌ nu̱ꞌ se sa̱ꞌ man cunuda̱nj yuvii̱ ado̱nj.