Hechos 4:19 - Triqui de San Juan Copala

¹⁹ Ga̱a ne̱ canica̱j Pedró ga̱ Juan cataj ro̱j soꞌ rihaan nij soꞌ a: ―Nuchru̱j ra̱a̱ nij soj sese gu̱un rá Yaꞌanj cuno̱ núj rihaan soj ne̱ ta̱náj xco̱ núj snana̱ Yaꞌanj na̱nj á.

Hechos 4:19 ပူးပေါင်းရင်းမြစ်များ

San Mateo 22:21

Ga̱a ne̱ cataj nij yuvii̱ yoꞌ a: ―César a ―taj nij soꞌ a. Ga̱a ne̱ cataj Jesús a: ―Cheꞌé dan go̱ꞌ soj siꞌyaj síí nica̱j suun cuꞌna̱j César rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a.

San Lucas 22:8

Dan me se caꞌnéé Jesús man Pedró ga̱ Juan, ne̱ cataj soꞌ rihaan ro̱j soꞌ a: ―Caꞌa̱nj ro̱j so̱j quiꞌya̱j chuvi̱i ro̱j so̱j cha̱ níꞌ ne̱ navi̱j rá níꞌ Chaꞌanj Pascuá á ―taj soꞌ rihaan ro̱j soꞌ a.

San Juan 7:24

Se̱ guun xca̱j soj cuentá cheꞌé se vaa ꞌyaj yuvii̱ ni̱ꞌyaj soj cheꞌé ina̱nj tucuáán noco̱ꞌ soj maꞌ. Tana̱nj xca̱j soj cuentá ni̱ꞌyaj soj nana̱ nica̱ ya̱ na̱nj á ―taj Jesús rihaan nij yuvii̱ a.

Hechos 4:13

Dan me se queneꞌen nij soꞌ se vaa ne cuchuꞌvi̱ꞌ Pedró ga̱ Juan ne̱ sca̱ꞌ uxrá caꞌmii ro̱j soꞌ, ne̱ xcaj nij soꞌ cuentá se vaa né si̱j tucuꞌyón yanj me ro̱j soꞌ, tza̱j ne̱ sa̱ꞌ uxrá nariꞌ ro̱j soꞌ a. Cheꞌé dan caráyaꞌa̱nj nij soꞌ a. Ne̱ queneꞌen nij soꞌ se vaa ro̱j soꞌ me síí cachéé ga̱ Jesús a.

Hechos 5:28

cataj soꞌ a: ―Né se a̱j cataj xnaꞌanj núj rihaan nij soj se vaa caꞌne̱ꞌ rá soj ga̱ suun tucuꞌyón rihaan nij yuvii̱ cheꞌé síí nataꞌ soj cheꞌé a̱ naꞌ. Tza̱j ne̱ cuano̱ nihánj me se a̱j cuchiꞌ stucua̱nj soj rihaan cunuda̱nj nij síí ma̱n chumanꞌ Jerusalén nihánj, quiꞌyaj soj, ne̱ me rá soj cara̱a soj cacunꞌ xráá núj se vaa caviꞌ snóꞌo noco̱ꞌ soj quiꞌyaj núj á ―taj soꞌ rihaan nij síí cuneꞌ Jesús a.

Hechos 5:29

Ga̱a ne̱ cataj Pedró do̱ꞌ, ꞌó nij síí cuneꞌ Jesús do̱ꞌ a: ―Tza̱j ne̱ ꞌo̱ se no̱ xcúún níꞌ cuno̱ níꞌ asino ya̱a̱n nana̱ aꞌmii Yaꞌanj rihaan nana̱ aꞌmii yuvii̱ a.

1 Corintios 10:15

Síí a̱j acaj cuentá me soj, raj, ne̱ cheꞌé dan me nuchru̱j ra̱a̱ soj nana̱ aꞌmij á.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

Efesios 6:1

Soj xni̱i noco̱ꞌ Yaꞌanj Si̱j ꞌNi̱j Raꞌa man níꞌ roꞌ, cuno̱ soj rihaan rej soj do̱ꞌ, rihaan nii soj do̱ꞌ, cheꞌé se da̱nj nó xcúún níꞌ quiꞌya̱j níꞌ á.

1 Timoteo 2:3

Sa̱ꞌ uxrá vaa sese da̱nj quiꞌya̱j níꞌ ni̱ꞌyaj Yaꞌanj Si̱j Tinanii man níꞌ rihaan Sayuun ado̱nj.

Hebreos 11:23

Dan me se Moisés me se cheꞌé se amán rá ro̱j rej Moisés niꞌya̱j ro̱j soꞌ Yaꞌanj roꞌ, cheꞌé dan vaꞌnu̱j ya̱ yavii caxríj yuve̱ ro̱j soꞌ man Moisés ga̱a caꞌngaa soꞌ a. Da̱nj quiꞌyaj ro̱j soꞌ cheꞌé se queneꞌen ro̱j soꞌ se vaa veꞌé ndoꞌo vaa neꞌej yoꞌ a. Ne̱ ne cuchuꞌvi̱ꞌ ro̱j soꞌ rihaan síí nica̱j suun rey síí caꞌneꞌ suun se vaa cavi̱ꞌ nu̱ꞌ taꞌníí nij síí israelitá neꞌej sno̱ꞌo cunii a̱ maꞌ.

Santiago 2:4

Tza̱j ne̱ sese da̱nj quiꞌya̱j soj, ne̱ vaa se uun doj ruꞌvee rihaan síí nique̱, rá soj, ne̱ ase vaa cuese̱ chiꞌi̱i̱ nimán naꞌvej rá xca̱j sa̱ꞌ cuentá cheꞌé yuvii̱ vaa soj na̱nj chugua̱nj.