Hechos 3:8 - Triqui de San Juan Copala

⁸ Ga̱a ne̱ güéj soꞌ, ne̱ canicunꞌ caya̱ soꞌ, ne̱ cachéé soꞌ a. Ne̱ dan me se catúj soꞌ rej ya̱nj nuvií noco̱o ga̱ ro̱j soꞌ, ne̱ cachéé ndoꞌo soꞌ, ne̱ güéj soꞌ, ne̱ cataj soꞌ se vaa sa̱ꞌ uxrá quiꞌyaj Yaꞌanj cheꞌé soꞌ a.

Hechos 3:8 ပူးပေါင်းရင်းမြစ်များ

San Lucas 18:43

Ne̱ nu̱ꞌ curuviꞌ rihaan soꞌ, ga̱a ne̱ canocoꞌ soꞌ xcó Jesús, ne̱ nataꞌ soꞌ se vaa sa̱ꞌ uxrá quiꞌyaj Yaꞌanj ga̱ soꞌ a. Ne̱ nu̱ꞌ nij yuvii̱ queneꞌen da̱j quiranꞌ soꞌ cataj se vaa sa̱ꞌ uxrá quiꞌyaj Yaꞌanj a.

San Lucas 6:23

Ga̱a ne̱ güii quira̱nꞌ soj da̱nj me se no̱ xcúún soj gu̱un niha̱ꞌ uxrá rá nimán soj ne̱ güe̱j ndoꞌo soj, cheꞌé se ya̱ ya̱ uxrá na̱ruꞌvee Yaꞌanj rihaan soj asa̱ꞌ cuchiꞌ soj rej xta̱ꞌ ado̱nj. ꞌO̱ se ase vaa ꞌyaj nij yuvii̱ man soj roꞌ, taꞌngaꞌ da̱nj quiꞌyaj xi̱i nij yuvii̱ yoꞌ man nij síí nataꞌ snana̱ Yaꞌanj ga̱a naá uún ado̱nj.

San Juan 5:14

Veé dan, ne̱ nariꞌ Jesús man síí nahuun sa̱ꞌ yoꞌ rej ya̱nj nuvií noco̱o, ne̱ cataj Jesús rihaan soꞌ a: ―Ya̱ nahuun sa̱ꞌ so̱ꞌ á. Ta̱náj so̱ꞌ chrej chiꞌi̱i̱ á. Sese taj, ne̱ caꞌna̱ꞌ rasu̱u̱n qui̱j doj xráá so̱ꞌ, ne̱ doj a̱ qui̱ránꞌ so̱ꞌ na̱nj ado̱nj ―taj Jesús rihaan soꞌ a.

Hechos 14:10

Cheꞌé dan nucua̱j caꞌmii Pabló, cataj Pabló rihaan soꞌ a: ―Na̱xuma̱a̱n so̱ꞌ, canicu̱nꞌ ca̱yá so̱ꞌ á ―taj Pabló rihaan soꞌ a. Ga̱a ne̱ güéj síí rengo̱ yoꞌ, ne̱ cachéé soꞌ a.

Hechos 19:16

Ga̱a ne̱ síí nu̱u̱ nana̱ chre̱e yoꞌ nimán roꞌ, güéj soꞌ, ne̱ tuguáj tuviꞌ soꞌ ga̱ nij soꞌ, ne̱ nucua̱j soꞌ doj rihaan nij soꞌ, ne̱ quiꞌyaj canaán soꞌ man cunu̱ꞌ chi̱j nij soꞌ a. Dan me se cunánj nij soꞌ, curiha̱nj nij soꞌ rá veꞌ yoꞌ, ne̱ cánj u̱u̱n vaa nij soꞌ, ne̱ quiranꞌ ndoꞌo nij soꞌ sayuun, quiꞌyaj síí nu̱u̱ nana̱ chre̱e nimán yoꞌ a.

Hechos 3:7

Ga̱a ne̱ taꞌaa Pedró raꞌa soꞌ rej nuva̱ꞌ soꞌ, ne̱ cachrón caya̱ Pedró man soꞌ, ne̱ nu̱ꞌ nariꞌ nucuaj tacóó soꞌ do̱ꞌ, chihá tacóó soꞌ do̱ꞌ a.