Hechos 3:19 - Triqui de San Juan Copala

¹⁹ ’Cheꞌé dan ca̱nica̱j nimán soj canoco̱ꞌ soj chrej sa̱ꞌ, ga̱a ne̱ caꞌve̱e tinavi̱j Yaꞌanj cacunꞌ tumé soj á. Ga̱a ne̱ caꞌve̱e quisi̱j güii cunu̱u cui̱j rá ta̱ranꞌ níꞌ si̱j israelitá, quiꞌya̱j Síí ꞌNi̱j Raꞌa man níꞌ a.

Hechos 3:19 ပူးပေါင်းရင်းမြစ်များ

San Mateo 13:15

ꞌO̱ se guun nichra̱j rá nimán nij yuvii̱ nihánj ado̱nj. Caráán maꞌa̱n nij soꞌ rihaan nij soꞌ, cheꞌé rej se̱ queneꞌen maꞌa̱n nij soꞌ, ne̱ caráán nij soꞌ xréé nij soꞌ, cheꞌé rej se̱ cuno nij soꞌ uún a̱ maꞌ. Ne̱ ne atúj nana̱ nimán nij soꞌ, ꞌyaj nij soꞌ, cheꞌé rej se̱ xcaj nij soꞌ cuentá ne̱ ca̱nica̱j nimán nij soꞌ maꞌ. ꞌO̱ se naꞌvej rá nij soꞌ nahu̱un sa̱ꞌ nimán nij soꞌ qui̱ꞌyáá ꞌu̱nj a̱ maan ado̱nj. Yoꞌ me snana̱ Yaꞌanj nana̱ nataꞌ Isaías cheꞌé maꞌa̱n Yaꞌanj ga̱a naá a.

San Mateo 18:3

ne̱ cataj soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa no̱ xcúún soj nuchra̱nꞌ nimán soj, ne̱ ase vaa xnii leꞌe̱j nihánj roꞌ, da̱nj ga̱a̱ soj á. Sese naꞌvej rá soj quiꞌya̱j soj da̱nj, ne̱ daj chiha̱a̱ míj se̱ catúj soj rej uun chij Yaꞌanj a̱ maꞌ.

San Lucas 1:16

Ne̱ queꞌe̱e̱ ndoꞌo síí israelitá ca̱nica̱j nimán canoco̱ꞌ man Yaꞌanj Si̱j ꞌNi̱j Raꞌa man nij soꞌ, quiꞌya̱j taꞌníí so̱ꞌ ado̱nj.

San Lucas 22:57

Ga̱a ne̱ cataj Pedró rihaan chana̱ yoꞌ a: ―Ne neꞌén ꞌu̱nj man soꞌ, maan nocoj ―taj soꞌ a.

Hechos 1:6

Ne̱ dan me se cunuu chre̱ꞌ nij síí cuneꞌ Jesús rihaan soꞌ, ne̱ xnáꞌanj nij soꞌ man Jesús a: ―Señor, ya̱j me se gu̱un chij uún níꞌ si̱j israelitá rihaan chiháán níꞌ, qui̱ꞌyáá so̱ꞌ naꞌ ―taj nij soꞌ rihaan Jesús a.

Hechos 11:18

Dan me se quiꞌyaj canaán snana̱ Pedró rihaan snana̱ ꞌó nij soꞌ, ga̱a ne̱ cataj nij soꞌ se vaa sa̱ꞌ uxrá quiꞌyaj Yaꞌanj a. Ne̱ cataj uún nij soꞌ a: ―Cheꞌé dan me nda̱a nij síí yaníj canica̱j nimán canocoꞌ chrej sa̱ꞌ, quiꞌyaj Yaꞌanj, ne̱ cheꞌé dan ca̱yáán nij síí yaníj rihaan Yaꞌanj nu̱ꞌ cavii nu̱ꞌ caꞌanj ado̱nj ―taj cunuda̱nj nij síí israelitá a.

Hechos 11:21

Ne̱ racuíj ndoꞌo Yaꞌanj Si̱j ꞌNi̱j Raꞌa man níꞌ man nij síí nataꞌ snana̱ soꞌ, ne̱ queꞌe̱e̱ uxrá nij síí yaníj yoꞌ cuchumán rá cuno nana̱ sa̱ꞌ yoꞌ, ne̱ canocoꞌ nij soꞌ man Jesús Si̱j ꞌNi̱j Raꞌa man níꞌ a.

Hechos 15:3

Dan me se veꞌé racuíj xꞌneꞌ nij síí noco̱ꞌ man Cristó man nij síí caꞌanj suun, ne̱ caꞌanj nij soꞌ, ne̱ cachén nij soꞌ estadó Fenicia do̱ꞌ, estadó Samaria do̱ꞌ a. Ne̱ cataj xnaꞌanj nij soꞌ rihaan nij tinúú nij soꞌ cheꞌé nij yuvii̱ yaníj se vaa tanáj xco̱ nij soꞌ tucuáán nica̱j nij soꞌ asi̱j naá ne̱ canocoꞌ nij soꞌ man Yaꞌanj ya̱, ga̱a ne̱ guun niha̱ꞌ uxrá rá cunuda̱nj nij síí cuno nana̱ yoꞌ a.

Hechos 17:26

Ne̱ o̱rúnꞌ snóꞌo quiꞌyaj soꞌ asi̱j rque̱ roꞌ, veé ton dan quiꞌyaj soꞌ man da̱j a̱ xꞌneꞌ nij yuvii̱ aꞌmii ꞌo̱ ꞌo̱ xnaꞌánj, cheꞌé rej ca̱yáán nij yuvii̱ rihaan nu̱ꞌ cachra̱ꞌ chumii̱ ado̱nj. Ne̱ a̱j neꞌen Yaꞌanj me daj yoꞌ ca̱yáán ꞌo̱ ꞌo̱ xꞌneꞌ nij yuvii̱ rihaan chumii̱, ne̱ a̱j neꞌen Yaꞌanj me rej gu̱un ranꞌ toꞌóó ꞌo̱ ꞌo̱ xꞌneꞌ nij yuvii̱ na̱nj á.

Hechos 2:38

Ga̱a ne̱ cataj Pedró rihaan nij soꞌ a: ―Ca̱nica̱j nimán cunuda̱nj soj ta̱náj soj chrej chiꞌi̱i̱, ne̱ cata̱ꞌ ne soj cheꞌé se‑chuvi̱i Jesucristó Si̱j Caꞌnéé Yaꞌanj, ne̱ tinavi̱j Yaꞌanj cacunꞌ tumé soj a. Ne̱ rque̱ Yaꞌanj Nimán Yaꞌanj catu̱u̱ soꞌ nimán soj ado̱nj.

Hechos 28:27

ꞌO̱ se guun nichra̱j rá nimán nij yuvii̱ nihánj ado̱nj. Caráán maꞌa̱n nij soꞌ rihaan nij soꞌ cheꞌé rej se̱ queneꞌen maꞌa̱n nij soꞌ, ne̱ caráán nij soꞌ xréé nij soꞌ, cheꞌé rej se̱ cuno nij soꞌ uún a̱ maꞌ. Ne̱ ne atúj nana̱ nimán nij soꞌ, ꞌyaj nij soꞌ, cheꞌé rej se̱ xcaj nij soꞌ cuentá ne̱ ca̱nica̱j nimán nij soꞌ maꞌ. ꞌO̱ se naꞌvej rá nij soꞌ nahu̱un sa̱ꞌ nimán nij soꞌ qui̱ꞌyáá ꞌu̱nj a̱ maan ado̱nj.” Nana̱ yoꞌ me snana̱ Yaꞌanj caꞌmii síí cuꞌna̱j Isaías ga̱a naá a.

Hechos 3:20

Ne̱ caꞌne̱j Yaꞌanj man Síí Tinanii man Yuvii̱ rihaan Sayuun, si̱j cuneꞌ Yaꞌanj ga̱a naá ra̱cuíj man soj, ne̱ Jesús me ya̱ soꞌ a.

Hechos 3:21

Cuano̱ nihánj me se vaa cheꞌé ca̱yáán soꞌ rej xta̱ꞌ nda̱a se quisi̱j güii naquiꞌya̱j sa̱ꞌ Yaꞌanj nu̱ꞌ nij rasu̱u̱n nda̱a rá se vaa nij rasu̱u̱n asi̱j naá ndoꞌo nda̱a vaa cataj xnaꞌanj nij síí sa̱ꞌ síí nataꞌ snana̱ Yaꞌanj ga̱a naá a.

Romanos 11:25

Dan me se me raj xca̱j soj cuentá cheꞌé nana̱ sa̱ꞌ yuve̱ cataj xnaꞌanj Yaꞌanj rihaan níꞌ, tinu̱j, nocoj. Síj cuno soj nana̱ nihánj, ga̱a ne̱ se̱ guun caꞌmi̱i̱ xta̱ꞌ soj maꞌ. Cuano̱ nihánj me se naꞌvee xca̱j nij yuvii̱ israelitá cuentá cheꞌé se vaa quiꞌyaj Yaꞌanj cheꞌé nij soꞌ maꞌ. Cheꞌé dan vaa yaꞌnúj catu̱u̱ soj si̱j yaníj canoco̱ꞌ soj man Yaꞌanj ado̱nj. Ne̱ xa̱ꞌ nij síí yaníj narii Yaꞌanj, tza̱j ne̱ vaa güii canoco̱ꞌ cunuda̱nj nij soꞌ man Yaꞌanj, ga̱a ne̱ cuchuma̱n rá nij yuvii̱ israelitá ni̱ꞌyaj nij soꞌ man Yaꞌanj,

2 Tesalonicenses 1:10

ꞌO̱ se güii caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj me se cata̱j nij síí noco̱ꞌ man soꞌ se vaa niꞌndaj ya̱ veꞌé vaa soꞌ, ne̱ sa̱ꞌ uxrá vaa nu̱ꞌ se vaa quiꞌyaj soꞌ a. ꞌO̱ se nda̱a soj qui̱ꞌnij scaꞌnúj nij soꞌ cheꞌé se cuchumán ya̱ rá soj cuno soj nana̱ nataꞌ núj rihaan soj ado̱nj.

2 Tesalonicenses 1:7

Ne̱ nica̱ vaa rá Yaꞌanj cata̱j xnaꞌanj Yaꞌanj se vaa navi̱j güii ranꞌ soj sayuun, ne̱ nara̱a̱n rá soj ga̱ núj güii curuvi̱ꞌ uún Jesús Si̱j ꞌNi̱j Raꞌa man níꞌ do̱ꞌ, curuvi̱ꞌ nij se‑mo̱zó soꞌ síí nucua̱j ndoꞌo do̱ꞌ, curuvi̱ꞌ rej xta̱ꞌ rque ꞌo̱ yaꞌan chuguu̱n a.

2 Timoteo 2:25

ne̱ veꞌé ti̱haa̱n soꞌ chrej sa̱ꞌ man nij síí me rá cano̱ tuviꞌ ga̱ soꞌ uún a. ꞌO̱ se xcaj soꞌ cuentá se vaa xraj ne̱ caꞌve̱e ra̱cuíj Yaꞌanj man nij soꞌ, ne̱ nuchra̱nꞌ nimán nij soꞌ cheꞌé cacunꞌ tumé nij soꞌ, ne̱ nari̱ꞌ nij soꞌ nana̱ ya̱ a.

Hebreos 4:1

Ga̱a rque̱ me se cataꞌ tuꞌva Yaꞌanj se vaa caꞌve̱e catu̱u̱ níꞌ rej caꞌa̱nj níꞌ nara̱a̱n rá níꞌ ga̱ Yaꞌanj, ne̱ veé da̱nj vaa yaꞌnúj rihaan níꞌ nda̱a cuano̱ ado̱nj. Cheꞌé dan tu̱mé uxrá níꞌ man níꞌ, ne̱ ta̱dó níꞌ se̱ gaa na̱nj ca̱ráán níꞌ xréé níꞌ rihaan nana̱ yoꞌ na̱nj á.

1 Pedro 2:25

Dan me se ase vaa matzinj chaꞌnuu̱ rcoꞌ roꞌ, vaa soj ga̱a naá, ne̱ ne canoco̱ꞌ soj man Yaꞌanj ga̱a naá maꞌ. Tza̱j ne̱ ya̱j roꞌ, canica̱j nimán soj, ne̱ guun cheꞌe̱ soj canocoꞌ soj man Cristó a. Ne̱ ase vaa síí veꞌé ndoꞌo tumé daán matzinj roꞌ, da̱nj vaa soꞌ ga̱ soj cuano̱, ne̱ veꞌé nica̱j yuꞌunj soꞌ man soj cuano̱ ado̱nj. Dan me se soꞌ me síí tumé sa̱ꞌ man nimán soj cuano̱ chugua̱nj.

2 Pedro 3:8

Xca̱j soj cuentá cheꞌé nana̱ nihánj, tinu̱j, nocoj. Ase vaa ꞌo̱ míj yoꞌ vaa o̱rúnꞌ güii rihaan Síí ꞌNi̱j Raꞌa man níꞌ, ne̱ ase vaa o̱rúnꞌ güii vaa ꞌo̱ míj yoꞌ rihaan soꞌ ado̱nj.

Apocalipsis 21:4

Ne̱ maꞌa̱n Yaꞌanj roꞌ, naꞌve̱ nu̱ꞌ na ayanj rihaan nij soꞌ, ne̱ se̱ caviꞌ uún nij soꞌ a̱ maꞌ. Ne̱ se̱ nanó rá nij soꞌ do̱ꞌ, se̱ taꞌvee nij soꞌ a̱ doj do̱ꞌ, se̱ quiranꞌ nij soꞌ a̱ doj sayuun do̱ꞌ, a̱ maꞌ. ꞌO̱ se a̱j cachén nu̱ꞌ rasu̱u̱n nga̱ yoꞌ na̱nj ado̱nj ―taj síí ta̱j rihaan chruun xlá sa̱ꞌ yoꞌ a.