Hechos 3:18 - Triqui de San Juan Copala

¹⁸ Tza̱j ne̱ Yaꞌanj roꞌ, me síí cataj xnaꞌanj asi̱j naá ndoꞌo ga̱a rqué soꞌ nana̱ nataꞌ ta̱ranꞌ nij síí nataꞌ snana̱ soꞌ, ne̱ dan me se cataj xnaꞌanj Yaꞌanj se vaa Síí Caꞌne̱j Yaꞌanj Ti̱nanii man Yuvii̱ rihaan Sayuun me se quira̱nꞌ ndoꞌo soꞌ sayuun a. Ne̱ nihánj me se quisíj ya̱ nu̱ꞌ nda̱a vaa cataj Yaꞌanj se vaa quiꞌya̱j maꞌa̱n Yaꞌanj na̱nj á.

Hechos 3:18 ပူးပေါင်းရင်းမြစ်များ

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

Hechos 10:43

Ne̱ cunuda̱nj nij síí nataꞌ snana̱ Yaꞌanj ga̱a naá roꞌ, cataj xnaꞌanj nij soꞌ cheꞌé Jesús yoꞌ, ne̱ cataj nij soꞌ se vaa cheꞌé se‑chuvi̱i soꞌ me se tinavi̱j Yaꞌanj cacunꞌ tumé cunuda̱nj nij síí amán rá niꞌya̱j man Jesús a ―taj Pedró rihaan nij tuvi̱ꞌ Cornelió a.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

Hechos 28:23

Dan me se cachrón nij soꞌ güii caꞌna̱ꞌ uún nij soꞌ veꞌ ya̱nj Pabló, ne̱ güii yoꞌ me se caꞌnaꞌ queꞌe̱e̱ tuviꞌ nij soꞌ a. Ga̱a ne̱ nataꞌ Pabló rihaan nij soꞌ cheꞌé da̱j vaa uun chij Yaꞌanj a. Caꞌmii soꞌ cheꞌé stucua̱nj Moisés do̱ꞌ, cheꞌé nana̱ cachrón nij síí nataꞌ snana̱ Yaꞌanj ga̱a naá do̱ꞌ, cheꞌé se me ndoꞌo rá soꞌ gu̱un ya̱ rá nij soꞌ se vaa nana̱ cheꞌé Jesús me nana̱ ya̱ a. Dan me se asi̱j naꞌya̱a̱n guun cheꞌe̱ soꞌ caꞌmii soꞌ rihaan nij soꞌ, ne̱ nda̱a caꞌanj güii navij caꞌmii soꞌ ga̱ nij soꞌ a.

2 Pedro 1:21

ꞌO̱ se a̱ ꞌó yuvii̱ ne quiꞌya̱j caꞌnaꞌ snana̱ Yaꞌanj rihaan chumii̱ nihánj cuno̱ ꞌó nij yuvii̱ maꞌ. Ma̱an se narii Yaꞌanj man nij yuvii̱ cata̱j xnaꞌanj nana̱ rqué Nimán Yaꞌanj man nij soꞌ na̱nj ado̱nj.

Apocalipsis 19:10

Ga̱a ne̱ cayáán ru̱j ꞌu̱nj rihaan soꞌ cara̱a̱ gue̱e̱ ꞌu̱nj rihaan soꞌ a. Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se ꞌu̱nj roꞌ, me síí nu̱u̱ rihaan Yaꞌanj ga̱ nij tinu̱j nij soj si̱j nataꞌ snana̱ Jesús rihaan yuvii̱ a. Rihaan o̱rúnꞌ Yaꞌanj cara̱a̱ gue̱e̱ so̱ꞌ á. ꞌO̱ se nu̱ꞌ nana̱ caꞌmii nij síí nataꞌ snana̱ Yaꞌanj roꞌ, me nana̱ rqué Nimán Yaꞌanj rihaan nij soꞌ, ne̱ snana̱ Jesús me nana̱ yoꞌ ado̱nj ―taj soꞌ rihanj a.