Hechos 3:16 - Triqui de San Juan Copala

¹⁶ Ne̱ cheꞌé se cuchumán rá rój niꞌya̱j rój man Jesús ne̱ cataꞌ tuꞌva rój se‑chuvi̱i soꞌ roꞌ, cheꞌé dan quiꞌyaj Jesús se vaa nariꞌ nucuaj síí nihánj ado̱nj. Síí nihánj me se neꞌen soj da̱j quiranꞌ soꞌ, ne̱ síí a̱j neꞌen soj me soꞌ, ne̱ cheꞌé se‑chuvi̱i Jesús ne̱ cheꞌé se cuchumán rá rój niꞌya̱j rój man soꞌ me se nahuun sa̱ꞌ nu̱ꞌ soꞌ rihaan ta̱ranꞌ soj á.

Hechos 3:16 ပူးပေါင်းရင်းမြစ်များ

San Mateo 14:29

―Caꞌve̱e caꞌna̱ꞌ so̱ꞌ á ―taj Jesús rihaan Pedró a. Ne̱ nanij Pedró rá rihoo, ne̱ cachéé soꞌ rihaan na, ne̱ caꞌanj soꞌ rihaan Jesús a.

San Mateo 9:22

Ga̱a ne̱ canica̱j Jesús queneꞌen Jesús man noꞌ, ne̱ cataj soꞌ a: ―Nari̱ꞌ nucuaj nimán so̱ꞌ, nocoj. ꞌO̱ se cheꞌé se amán rá so̱ꞌ niꞌya̱j so̱ꞌ manj roꞌ, cheꞌé dan nahuun sa̱ꞌ so̱ꞌ ado̱nj ―taj Jesús rihaan chana̱ yoꞌ a. Ne̱ veé ma̱an orá dan nahuun sa̱ꞌ chana̱ yoꞌ ado̱nj.

San Juan 14:12

Ne̱ cuano̱ nihánj me se cata̱j yá ꞌu̱nj rihaan soj se vaa síí amán rá niꞌya̱j manj me se ase vaa suun sa̱ꞌ noco̱o ꞌyaj ma̱ꞌanj roꞌ, da̱nj ga̱a̱ quiꞌya̱j maꞌa̱n soꞌ uún na̱nj ado̱nj. Tza̱j ne̱ suun sa̱ꞌ noco̱o doj quiꞌya̱j soꞌ, cheꞌé se nucui̱ꞌ ꞌu̱nj rihaan Réj Yaꞌanj na̱nj á.

San Juan 7:23

Dan me se cheꞌé se me rá soj quiꞌya̱j soj nu̱ꞌ stucua̱nj Moisés, cheꞌé dan aꞌvej rá soj cata̱ꞌ taꞌngaꞌ man snóꞌo güii naránj rá soj ado̱nj. Sese da̱nj vaa, ne̱ me cheꞌé aꞌmaan rá soj niꞌya̱j soj manj cheꞌé se cunuu sa̱ꞌ nu̱ꞌ nee̱ man ꞌo̱ snóꞌo quiꞌyáj güii naránj rá soj ga̱.

Hechos 14:9

Ne̱ yáán soꞌ cuno soꞌ snana̱ Pabló a. Dan me se niꞌya̱j uxrá Pabló man soꞌ, ne̱ xcaj Pabló cuentá se vaa síí rengo̱ yoꞌ me se nucua̱j rá se vaa caꞌve̱e nahu̱un sa̱ꞌ soꞌ, quiꞌya̱j Yaꞌanj a.

Hechos 16:18

Dan me se guun queꞌe̱e̱ güii quiꞌyaj noꞌ da̱nj, ga̱a ne̱ guun rmi̱i̱ Pabló, quiꞌyaj noꞌ, ne̱ cheꞌé dan canica̱j soꞌ caꞌmii soꞌ rihaan nana̱ chre̱e nu̱u̱ nimán noꞌ, cataj soꞌ a: ―Nihánj me se cheꞌé se‑chuvi̱i Jesucristó aꞌnéꞌ ꞌu̱nj suun rihaan so̱ꞌ se vaa cu̱riha̱nj so̱ꞌ nimán chana̱ nihánj á ―taj Pabló rihaan nana̱ chre̱e yoꞌ a. Ga̱a ne̱ nu̱ꞌ curiha̱nj nana̱ chre̱e nimán noꞌ a.

Hechos 3:6

Ga̱a ne̱ cataj Pedró rihaan soꞌ a: ―Taj va̱j a̱ doj saꞌanj rihaan ꞌu̱nj maꞌ. Tza̱j ne̱ rque̱ ꞌu̱nj se vaa rihaan ꞌu̱nj mán so̱ꞌ ado̱nj. Dan me se cheꞌé se‑chuvi̱i Jesucristó síí cavii chumanꞌ Nazaret taj xnaꞌanj ꞌu̱nj rihaan so̱ꞌ se vaa na̱xuma̱a̱n so̱ꞌ ne̱ cache̱e̱ so̱ꞌ á ―taj Pedró rihaan soꞌ a.

Hechos 3:8

Ga̱a ne̱ güéj soꞌ, ne̱ canicunꞌ caya̱ soꞌ, ne̱ cachéé soꞌ a. Ne̱ dan me se catúj soꞌ rej ya̱nj nuvií noco̱o ga̱ ro̱j soꞌ, ne̱ cachéé ndoꞌo soꞌ, ne̱ güéj soꞌ, ne̱ cataj soꞌ se vaa sa̱ꞌ uxrá quiꞌyaj Yaꞌanj cheꞌé soꞌ a.

Hechos 4:10

Cheꞌé dan xca̱j nij soj do̱ꞌ, ta̱ranꞌ nij yuvii̱ israelitá do̱ꞌ, cuentá se vaa cheꞌé se‑chuvi̱i Jesucristó Si̱j Caꞌnéé Yaꞌanj síí cavii chumanꞌ Nazaret nahuun sa̱ꞌ síí rengo̱ nihánj ne̱ nicu̱nꞌ soꞌ rihaan soj nihánj cuano̱ a. Ne̱ nij soj roꞌ, me nij síí quiꞌyaj cachrón nii man Jesús rihaan rcutze̱, tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj a.

Hechos 4:30

Tu̱cuá so̱ꞌ raꞌá so̱ꞌ, ne̱ qui̱ꞌyáá so̱ꞌ se vaa nahu̱un sa̱ꞌ yuvii̱ do̱ꞌ, qui̱ꞌyáá so̱ꞌ da̱j a̱ suun sa̱ꞌ noco̱o do̱ꞌ, cheꞌé se‑chuvi̱i Taꞌníí so̱ꞌ Jesús síí sa̱ꞌ ina̱nj á ―taj ta̱ranꞌ nij soꞌ, cachíín niꞌya̱j nij soꞌ rihaan Yaꞌanj a.

Hechos 4:7

Dan me se canicunꞌ caya̱ Pedró ga̱ Juan tanu̱u̱ veꞌ ma̱n nij xrej, quiꞌyaj nij xrej, ne̱ xnáꞌanj nij xrej man ro̱j soꞌ, cataj nij xrej a: ―Me rej quiriꞌ ro̱j so̱j rej nucua̱j do̱ꞌ, me síí caꞌneꞌ suun rihaan ro̱j so̱j do̱ꞌ, ne̱ quiꞌyaj ro̱j so̱j da̱nj ga̱ ―taj nij soꞌ, xnáꞌanj nij soꞌ man ro̱j soꞌ a.

Romanos 3:22

cuchuma̱n rá yuvii̱ ni̱ꞌyaj yuvii̱ Jesucristó, ga̱a ne̱ tinavi̱j Yaꞌanj cacunꞌ tumé nij yuvii̱, ne̱ cunu̱u sa̱ꞌ nimán nij yuvii̱ rihaan Yaꞌanj a. Taj a̱ ꞌó yuvii̱ ino̱ vaa rihaan Yaꞌanj maꞌ.

1 Corintios 13:2

Caꞌve̱e se veꞌé ndoꞌo natáꞌ ꞌu̱nj nana̱ rqué Yaꞌanj manj do̱ꞌ, caꞌve̱e se neꞌenj nu̱ꞌ nana̱ sa̱ꞌ yuve̱ tihaa̱n Yaꞌanj rihaan yuvii̱ do̱ꞌ, caꞌve̱e se sa̱ꞌ uxrá avii raj do̱ꞌ, caꞌve̱e se amán uxrá raj niꞌya̱j ꞌu̱nj man Yaꞌanj do̱ꞌ, caꞌve̱e se gu̱un nu̱cuáj natuna̱ ꞌu̱nj rej nicu̱nꞌ ꞌo̱ quij xca̱a̱n cheꞌé se amán uxrá raj niꞌya̱j ꞌu̱nj man Yaꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ taj se gúnꞌ mán ꞌu̱nj ga̱a a̱ maꞌ.