Hechos 3:11 - Triqui de San Juan Copala

¹¹ Dan me se taꞌaa síí nahuun sa̱ꞌ yoꞌ man Pedró do̱ꞌ, man Juan do̱ꞌ, ne̱ cheꞌé se caꞌanj ndoꞌo rá nij yuvii̱, cheꞌé dan cunánj nij yuvii̱ cunuu chre̱ꞌ nij yuvii̱ rihaan ro̱j soꞌ rque veꞌ cheꞌe̱e̱ cuꞌna̱j Corredor Salomón a.

Hechos 3:11 ပူးပေါင်းရင်းမြစ်များ

San Lucas 22:8

Dan me se caꞌnéé Jesús man Pedró ga̱ Juan, ne̱ cataj soꞌ rihaan ro̱j soꞌ a: ―Caꞌa̱nj ro̱j so̱j quiꞌya̱j chuvi̱i ro̱j so̱j cha̱ níꞌ ne̱ navi̱j rá níꞌ Chaꞌanj Pascuá á ―taj soꞌ rihaan ro̱j soꞌ a.

San Lucas 8:38

Ga̱a ne̱ rquee̱ síí nahuun sa̱ꞌ rihaan Jesús se vaa caꞌve̱j rá Jesús caꞌa̱nj soꞌ ga̱ Jesús, tza̱j ne̱ ne caꞌve̱j rá Jesús maꞌ. Ga̱a ne̱ cataj Jesús a:

San Juan 10:23

Ga̱a ne̱ chéé Jesús rá veꞌ cheꞌe̱e̱ cuꞌna̱j Corredor Salomón rej ya̱nj nuvií noco̱o yoꞌ,

Hechos 2:6

Dan me se ri̱i̱ nij yuvii̱ israelitá yoꞌ cuno se vaa ayu̱j ndoꞌo, ne̱ cheꞌé dan cunuu chre̱ꞌ nij yuvii̱ israelitá rihaan veꞌ yoꞌ, ne̱ caꞌanj ndoꞌo rá nij soꞌ se vaa guun a. ꞌO̱ se ꞌo̱ ꞌo̱ nij soꞌ roꞌ, cuno se vaa caꞌmii nij síí noco̱ꞌ man Jesús xnaꞌánj aꞌmii ꞌo̱ ꞌo̱ nij yuvii̱ israelitá yoꞌ a.

Hechos 3:12

Ne̱ ga̱a queneꞌen Pedró man nij yuvii̱, ne̱ cataj soꞌ rihaan nij yuvii̱ a: ―Cuno̱ soj si̱j israelitá caꞌmi̱j á. Me cheꞌé caꞌanj ndoꞌo rá soj se vaa chéé síí nihánj ga̱. Me cheꞌé niꞌya̱j ndoꞌo soj man rój ga̱. Se̱ guun rá soj se vaa cheꞌé se síí nucua̱j do̱ꞌ, síí gue̱e̱ do̱ꞌ, me maꞌa̱n rój, ne̱ quiꞌyaj rój se vaa cachéé soꞌ maꞌ.

Hechos 3:3

Dan me se queneꞌen soꞌ man Pedró do̱ꞌ, man Juan do̱ꞌ, se vaa catu̱u̱ ro̱j soꞌ rej ya̱nj nuvií noco̱o, ga̱a ne̱ cachíín soꞌ caridad man ro̱j soꞌ a.

Hechos 3:4

Ga̱a ne̱ niꞌya̱j uxrá Pedró do̱ꞌ, Juan do̱ꞌ, man soꞌ, ne̱ cataj Pedró rihaan soꞌ a: ―Ni̱ꞌyaj so̱ꞌ man rój á ―taj soꞌ rihaan síí rengo̱ yoꞌ a.

Hechos 5:12

Ga̱a ne̱ quiꞌyaj ndoꞌo nij síí ata̱ suun caꞌa̱nj nata̱ꞌ snana̱ Jesús suun sa̱ꞌ noco̱o quiꞌyaj se vaa caꞌanj rá nij yuvii̱ ya̱nj chumanꞌ Jerusalén a. Ne̱ ꞌo̱ vaa rá nij síí noco̱ꞌ man Jesús, ne̱ cunuu chre̱ꞌ nij soꞌ rej ya̱nj nuvií noco̱o rá veꞌ cheꞌe̱e̱ cuꞌna̱j Corredor Salomón a.