Hechos 3:1 - Triqui de San Juan Copala

¹ Dan me se agaꞌ vaꞌnu̱j rej anocoꞌ güii me se cuchiꞌ síí cuꞌna̱j Pedró do̱ꞌ, síí cuꞌna̱j Juan do̱ꞌ, rej ya̱nj nuvií noco̱o, cheꞌé se orá achíín niꞌya̱j nii rihaan Yaꞌanj me yoꞌ a.

Hechos 3:1 ပူးပေါင်းရင်းမြစ်များ

San Mateo 17:1

Cachén vata̱nꞌ güii, ga̱a ne̱ nica̱j Jesús man síí cuꞌna̱j Pedró do̱ꞌ, síí cuꞌna̱j Jacobo do̱ꞌ, tinúú Jacobo síí cuꞌna̱j Juan do̱ꞌ, caꞌanj soꞌ raa̱ ꞌo̱ quij xca̱a̱n rej taj va̱j a̱ ꞌó yuvii̱ a.

San Mateo 26:37

Ne̱ nica̱j Jesús man Pedró do̱ꞌ, man ro̱j taꞌníí síí cuꞌna̱j Zebedeo do̱ꞌ, caꞌanj soꞌ, ne̱ guun cheꞌe̱ soꞌ quinanó ndoꞌo rá nimán soꞌ a.

San Mateo 27:45

Veé dan, ne̱ caxu̱j, ne̱ yu̱u̱n cheꞌe̱ guun rmi̱ꞌ nu̱ꞌ rihaan yoꞌóó nda̱a quisíj agaꞌ vaꞌnu̱j rej anocoꞌ güii a.

San Lucas 1:10

Dan me se catúj Zacarías rque nuvií noco̱o, ne̱ ma̱n ri̱i̱ yuvii̱ xeꞌ, achíín niꞌya̱j nij soꞌ rihaan Yaꞌanj ga̱a caraa Zacarías squíí xlá rihaan yaꞌan a.

San Lucas 18:10

―Caꞌanj vi̱j snóꞌo nuvií noco̱o, cachíín niꞌya̱j ro̱j soꞌ rihaan Yaꞌanj a. ꞌO̱ soꞌ roꞌ, me síí fariseo, ne̱ ꞌó soꞌ roꞌ, me síí tihaꞌ yuꞌunj man yuvii̱ cheꞌé impuestó a.

San Lucas 22:8

Dan me se caꞌnéé Jesús man Pedró ga̱ Juan, ne̱ cataj soꞌ rihaan ro̱j soꞌ a: ―Caꞌa̱nj ro̱j so̱j quiꞌya̱j chuvi̱i ro̱j so̱j cha̱ níꞌ ne̱ navi̱j rá níꞌ Chaꞌanj Pascuá á ―taj soꞌ rihaan ro̱j soꞌ a.

San Lucas 24:53

ne̱ ꞌo̱ mán nij soꞌ rej ya̱nj nuvií noco̱o, ne̱ nataꞌ nij soꞌ rihaan nij yuvii̱ se vaa sa̱ꞌ uxrá quiꞌyaj Yaꞌanj a.

San Juan 21:7

Cheꞌé dan caꞌmii ꞌo̱ síí tucuꞌyón snana̱ Jesús síí ꞌe̱e̱ rá Jesús man rihaan Pedró, cataj soꞌ a: ―Jesús Si̱j ꞌNi̱j Raꞌa man níꞌ me soꞌ chugua̱nj ―taj soꞌ a. Dan me se cuno Simón Pedró nana̱ se vaa Síí ꞌNi̱j Raꞌa man níꞌ me síí yoꞌ, ga̱a ne̱ cheꞌé se a̱j quirii soꞌ se‑co̱toó soꞌ, cheꞌé dan nanuû raꞌya̱nj soꞌ se‑co̱toó soꞌ, ga̱a ne̱ tagüéj soꞌ man soꞌ rihaan na yoꞌ a.

Hechos 10:3

Dan me se agaꞌ vaꞌnu̱j rej caꞌanj güii ta̱ꞌ asuun me se curiha̱nj ranga̱ꞌ ꞌo̱ se‑mo̱zó Yaꞌanj rihaan soꞌ, ne̱ catúj se‑mo̱zó Yaꞌanj yoꞌ rej nicu̱nꞌ soꞌ, ne̱ cataj se‑mo̱zó Yaꞌanj a: ―Cornelio ―taj se‑mo̱zó Yaꞌanj rihaan soꞌ a.

Hechos 10:30

Ga̱a ne̱ cataj Cornelió rihaan soꞌ a: ―Cachén caꞌa̱nj güii ne̱ ma̱an orá nihánj me ta̱ꞌ asuun, ne̱ agaꞌ vaꞌnu̱j me yoꞌ, ne̱ cachíín ni̱ꞌyáá ꞌu̱nj rihaan Yaꞌanj rá veꞌ tucuaj a. Ne̱ ta̱j niꞌyo̱n curiha̱nj ꞌo̱ snóꞌo nicu̱nꞌ rihanj, ne̱ yatzéj catzi̱i̱ chuguu̱n maꞌa̱n nuû soꞌ,

Hechos 2:46

Dan me se da̱j a̱ güii nuu chre̱ꞌ nij soꞌ rej ya̱nj nuvií noco̱o, nda̱a vaa guun rá ta̱ranꞌ nij soꞌ a. Ne̱ ꞌo̱ nuu chre̱ꞌ nij soꞌ tucuá tuviꞌ nij soꞌ, ne̱ uxraꞌ taꞌa̱j nij soꞌ rachrúún chá nij soꞌ a. Ne̱ dan me se nda̱a niha̱ꞌ nda̱a cochro̱j rá ta̱ranꞌ nij soꞌ chá nij soꞌ a.

Hechos 3:3

Dan me se queneꞌen soꞌ man Pedró do̱ꞌ, man Juan do̱ꞌ, se vaa catu̱u̱ ro̱j soꞌ rej ya̱nj nuvií noco̱o, ga̱a ne̱ cachíín soꞌ caridad man ro̱j soꞌ a.

Hechos 3:4

Ga̱a ne̱ niꞌya̱j uxrá Pedró do̱ꞌ, Juan do̱ꞌ, man soꞌ, ne̱ cataj Pedró rihaan soꞌ a: ―Ni̱ꞌyaj so̱ꞌ man rój á ―taj soꞌ rihaan síí rengo̱ yoꞌ a.

Hechos 4:13

Dan me se queneꞌen nij soꞌ se vaa ne cuchuꞌvi̱ꞌ Pedró ga̱ Juan ne̱ sca̱ꞌ uxrá caꞌmii ro̱j soꞌ, ne̱ xcaj nij soꞌ cuentá se vaa né si̱j tucuꞌyón yanj me ro̱j soꞌ, tza̱j ne̱ sa̱ꞌ uxrá nariꞌ ro̱j soꞌ a. Cheꞌé dan caráyaꞌa̱nj nij soꞌ a. Ne̱ queneꞌen nij soꞌ se vaa ro̱j soꞌ me síí cachéé ga̱ Jesús a.

Hechos 5:25

Ga̱a ne̱ cuchiꞌ ꞌo̱ soꞌ rihaan nij síí uun chij, ga̱a ne̱ nataꞌ soꞌ rihaan nij soꞌ, cataj soꞌ a: ―Xa̱ꞌ nij síí caxríj nij soj tagaꞌ man, tza̱j ne̱ cuano̱ nihánj me se nicu̱nꞌ nij soꞌ rej ya̱nj nuvií noco̱o, tucuꞌyón nij soꞌ rihaan nij yuvii̱ na̱nj á ―taj síí caꞌnaꞌ rihaan nij soꞌ a.

Hechos 8:14

Dan me se cuchiꞌ nana̱ rihaan nij síí cuneꞌ Jesús caꞌa̱nj nata̱ꞌ snana̱ soꞌ síí ma̱n chumanꞌ Jerusalén se vaa cuchumán rá nij síí ma̱n rej Samaria snana̱ Yaꞌanj a. Cheꞌé dan caꞌnéé nij soꞌ man Pedró do̱ꞌ, man Juan do̱ꞌ, se vaa cuchi̱ꞌ ro̱j soꞌ rihaan nij síí ma̱n Samaria a.

Gálatas 2:9

Ne̱ queneꞌen Jacobo do̱ꞌ, Cefas do̱ꞌ, Juan do̱ꞌ, se vaa quiꞌyaj ndoꞌo Yaꞌanj se lu̱j cheꞌé ꞌu̱nj do̱ꞌ, cheꞌé Bernabé do̱ꞌ, se vaa guun nu̱cuáá ꞌu̱nj nata̱ꞌ ꞌu̱nj nana̱ sa̱ꞌ cheꞌé Cristó rihaan yuvii̱, quiꞌyaj Yaꞌanj, ne̱ guun ya̱ nu̱ꞌ rá nij soꞌ se vaa Yaꞌanj me síí caꞌneꞌ suun rihaan núj a. Dan me se síí uun chij rihaan nij síí noco̱ꞌ man Cristó ma̱n Jerusalén me nij soꞌ, tza̱j ne̱ guun ya̱ rá nij soꞌ se vaa tuviꞌ maꞌa̱n nij soꞌ me núj, ne̱ ꞌo̱ cuya̱a̱n vaa suun vaa rihaan núj ga̱ suun vaa rihaan nij soꞌ, rá nij soꞌ a. Dan me se nata̱ꞌ nij soꞌ nana̱ sa̱ꞌ cheꞌé Cristó rihaan nij yuvii̱ israelitá, ne̱ da̱nj na̱nj núj uún, ne̱ nata̱ꞌ núj rihaan nij síí yaníj, cataj nij soꞌ a.