Hechos 28:11 - Triqui de San Juan Copala

¹¹ Dan me se cachén vaꞌnu̱j yavii, ga̱a ne̱ cavii núj rque ꞌó rihoo chéé rihaan na caꞌanj núj a. Ne̱ xa̱ꞌ rihoo yoꞌ, tza̱j ne̱ rihoo quináj sa̱ꞌ tuꞌva yoꞌóó ta̱j rihaan na yaꞌa̱nj yoꞌ nu̱ꞌ nij yavii avii nana̱ yuva̱a̱ me yoꞌ a. Ne̱ rihoo cavii chumanꞌ Alejandría me yoꞌ, ne̱ no̱ se tinanga̱ꞌ ro̱j yaꞌanj cuaté cuꞌna̱j Cástor ga̱ Pólux rihaan rihoo yoꞌ a.

Hechos 28:11 ပူးပေါင်းရင်းမြစ်များ

Hechos 13:6

Dan me se yoꞌóó ta̱j rihaan na yaꞌa̱nj me estadó Chipre yoꞌ, ne̱ vaꞌnu̱j nij soꞌ chéé nu̱ꞌ yoꞌóó yoꞌ nda̱a se cuchiꞌ nij soꞌ chumanꞌ Pafos a. Ne̱ chumanꞌ Pafos nariꞌ nij soꞌ man ꞌo̱ síí chru̱u̱n síí tuꞌva rmaꞌa̱n se vaa si̱j nataꞌ snana̱ Yaꞌanj me soꞌ, ne̱ síí israelitá me soꞌ, ne̱ Barjesús cuꞌna̱j soꞌ a.

Hechos 27:6

Ne̱ chumanꞌ yoꞌ roꞌ, nariꞌ tanuu capitán yoꞌ ꞌo̱ rihoo cavii chumanꞌ Alejandría, ne̱ rihoo caꞌa̱nj nda̱a Italia me yoꞌ a. Cheꞌé dan cavii núj rque rihoo yoꞌ quiꞌyaj soꞌ a.

Hechos 28:10

Ga̱a ne̱ caráj cochro̱j uxrá nij soꞌ man núj, ne̱ ga̱a curiha̱nj núj yoꞌóó yoꞌ, ne̱ rqué nij soꞌ rihaan núj cunuda̱nj nij rasu̱u̱n cachiin man núj a.

Hechos 28:12

Dan me se cuchiꞌ núj chumanꞌ cuꞌna̱j Siracusa, ne̱ vaꞌnu̱j güii caranꞌ núj chumanꞌ yoꞌ a.

Hechos 6:9

Tza̱j ne̱ naxuma̱a̱n queꞌe̱e̱ yuvii̱, ne̱ taꞌa̱j nij soꞌ me síí ꞌanj veꞌ tucuꞌyón yuvii̱ stucua̱nj Moisés rej nuu chre̱ꞌ nij síí quiꞌyaj canaán cu̱riha̱nj rihaan se‑ruꞌve̱e̱ nij soꞌ a. Ne̱ ꞌó taꞌa̱j nij soꞌ me síí cavii chumanꞌ Cirene, ne̱ ꞌó taꞌa̱j nij soꞌ me síí cavii chumanꞌ Alejandría, ne̱ ꞌó taꞌa̱j nij soꞌ me síí cavii rej cuꞌna̱j Cilicia do̱ꞌ, rej cuꞌna̱j Asia do̱ꞌ a. Dan me se caꞌmii canó tuviꞌ ta̱ranꞌ nij soꞌ ga̱ Esteban,

1 Corintios 8:4

Dan me se cata̱j xnaꞌanj ꞌu̱nj rihaan soj cheꞌé suun cha̱ yuvii̱ nee̱ cutaꞌ nii rihaan yaꞌanj quiꞌyaj maꞌa̱n yuvii̱ a. Ne̱ ya̱ neꞌen níꞌ se vaa taj se guun yaꞌanj quiꞌyaj maꞌa̱n yuvii̱ rihaan chumii̱ nihánj maꞌ. Ne̱ xa̱ꞌ Yaꞌanj, tza̱j ne̱ o̱rúnꞌ ya̱ soꞌ ado̱nj.