Hechos 27:44 - Triqui de San Juan Copala

⁴⁴ Ne̱ ꞌó nij soꞌ roꞌ, cano̱ nij soꞌ rcuchra̱ꞌ do̱ꞌ, chruun cavii rihoo yoꞌ ga̱a cachranꞌ rihoo do̱ꞌ, ne̱ caꞌa̱nj nij soꞌ rihaan yoꞌóó yoꞌ, taj soꞌ a. Ne̱ da̱nj quiꞌyaj nij soꞌ, ne̱ cuchiꞌ cunuda̱nj nij soꞌ rihaan yoꞌóó, ne̱ nanii cunuda̱nj nij soꞌ a.

Hechos 27:44 ပူးပေါင်းရင်းမြစ်များ

Hechos 27:22

Ne̱ nihánj me se cuno̱ soj chrej narque̱ ꞌu̱nj man soj, ne̱ naquiꞌya̱j niha̱ꞌ soj nimán soj á. ꞌO̱ se a̱ ꞌó nij soj se̱ caviꞌ maꞌ. Ma̱an o̱rúnꞌ rihoo nihánj caꞌa̱nj niꞌya̱ a.

Hechos 27:24

ne̱ cataj soꞌ a: “Se̱ cuchuꞌvíꞌ so̱ꞌ, maan Pablo. ꞌO̱ se no̱ xcúún so̱ꞌ ca̱nicúnꞌ so̱ꞌ rihaan emperador cuꞌna̱j César, ne̱ nihánj me se cata̱j xnaꞌanj ꞌu̱nj rihaan so̱ꞌ se vaa a̱j guun rá Yaꞌanj se vaa ya̱ ya̱ ca̱ráán Yaꞌanj rihaan sayuun cavi̱ꞌ cheꞌé so̱ꞌ ga̱ cunuda̱nj nij síí nu̱u̱ rque rihoo nihánj ado̱nj”, taj se‑mo̱zó Yaꞌanj rihanj a.

Hechos 27:31

Tza̱j ne̱ caꞌmii Pabló rihaan tanuu capitán yoꞌ do̱ꞌ, rihaan ꞌó nij tanuu do̱ꞌ, cataj soꞌ a: ―Sese se̱ quináj nij síí nihánj rque rihoo nihánj, ne̱ se̱ caꞌvee nani̱i̱ maꞌa̱n soj rihaan sayuun nihánj a̱ maꞌ ―taj Pabló rihaan nij soꞌ a.

1 Pedro 4:18

ꞌO̱ se Danj Yaꞌanj taj a: Na̱nj síí noco̱ꞌ ndoꞌo man Yaꞌanj, tza̱j ne̱ sayu̱u̱n ndoꞌo nani̱i̱ nij soꞌ rihaan sayuun, ne̱ táá a̱ nij síí ne nocoꞌ man Yaꞌanj do̱ꞌ, táá a̱ nij síí chiꞌi̱i̱ do̱ꞌ, sayuun noco̱o quira̱nꞌ nij soꞌ ado̱nj. Da̱nj taj nana̱ no̱ rihaan Danj Yaꞌanj a.