Hechos 27:4 - Triqui de San Juan Copala

⁴ Ga̱a ne̱ cavii uún núj rque rihoo, ne̱ caꞌanj uún rihoo, ne̱ cachén núj tuꞌva yoꞌóó ta̱j rihaan na yaꞌa̱nj cuꞌna̱j Chipre, rej aráán rihaan nana̱ a. ꞌO̱ se goꞌ ndoꞌo nana̱ rej rihaan rihoo yoꞌ a.

Hechos 27:4 ပူးပေါင်းရင်းမြစ်များ

San Mateo 14:24

Dan me se ga̱nꞌ uxrá va̱j rihoo nu̱u̱ nij síí tucuꞌyón snana̱ Jesús rihaan na, ne̱ güéj ndoꞌo rihoo yoꞌ rihaan na, quiꞌyaj nana̱, cheꞌé se goꞌ nana̱ rej riha̱a̱n rihoo yoꞌ a.

San Marcos 6:48

Ne̱ queneꞌen soꞌ man nij síí tucuꞌyón snana̱ soꞌ se vaa sayu̱u̱n tacuachéé nij soꞌ rihoo rihaan na cheꞌé se goꞌ nana̱ rej riha̱a̱n rihoo a. Dan me se rej rá ranga̱ꞌ caꞌanj Jesús rej va̱j nij soꞌ, chéé taco̱j u̱u̱n soꞌ rihaan na, va̱j soꞌ na̱nj ado̱nj. Ne̱ guun rá soꞌ gu̱un ya̱a̱n soꞌ rihaan nij soꞌ a.

San Lucas 8:22

Dan me se ꞌo̱ güii catúj Jesús rque ꞌo̱ rihoo chéé rihaan na ga̱ cunuda̱nj nij síí tucuꞌyón snana̱ soꞌ, ne̱ cataj Jesús rihaan nij soꞌ se vaa caꞌa̱nj cunuda̱nj nij soꞌ nda̱a ꞌó níchrej tuꞌva na laguaná a. Ga̱a ne̱ guun cheꞌe̱ rihoo chéé rihoo rihaan na, quiꞌyaj nij soꞌ a.

Hechos 13:4

Dan me se ga̱a caꞌnéé Nimán Yaꞌanj man ro̱j soꞌ caꞌa̱nj ro̱j soꞌ, ne̱ nanij ro̱j soꞌ chumanꞌ Seleucia, ga̱a ne̱ cavii ro̱j soꞌ rihoo chéé rihaan na caꞌanj ro̱j soꞌ nda̱a yoꞌóó ta̱j rihaan na yaꞌa̱nj cuꞌna̱j Chipre a.

Hechos 15:39

Cheꞌé dan guun vi̱j nana̱ caꞌmii ro̱j soꞌ, ne̱ cheꞌé dan caꞌanj yaníj ro̱j soꞌ, ne̱ Bernabé roꞌ, nica̱j Marcos, ne̱ cavii ro̱j soꞌ rihoo chéé rihaan na, ne̱ caꞌanj ro̱j soꞌ estadó Chipre a.

Hechos 21:16

Ne̱ chéé taꞌa̱j nij síí tucuꞌyón snana̱ Jesucristó ya̱nj chumanꞌ Cesarea ga̱ núj, ne̱ táá ya̱a̱n nij soꞌ rihaan núj caꞌanj núj veꞌ tucuá ꞌo̱ síí cuꞌna̱j Mnasón, cara̱nꞌ núj a. Ne̱ síí cuꞌna̱j Mnasón me se si̱j cavii yoꞌóó ta̱j rihaan na yaꞌa̱nj cuꞌna̱j Chipre me soꞌ, ne̱ a̱j quisíj queꞌe̱e̱ yoꞌ tucuꞌyón soꞌ snana̱ Jesucristó a.

Hechos 21:3

Ga̱a ne̱ queneꞌen núj yoꞌóó ta̱j rihaan na yaꞌa̱nj cuꞌna̱j Chipre, ne̱ tanáj xco̱ núj Chipre rej nichru̱un núj, ne̱ cachén núj caꞌanj núj nda̱a estadó Siria a. Dan me se cuchiꞌ núj chumanꞌ Tiro, ne̱ yoꞌ me rej guun rá nij síí tumé rihoo tucuayu̱u nij soꞌ cargá ma̱n rque rihoo rihaan yoꞌóó yoꞌ a.

Hechos 27:7

Dan me se nanaj ndoꞌo cachéé rihoo yoꞌ rque queꞌe̱e̱ güii, ne̱ cheꞌé dan sayu̱u̱n ndoꞌo vaa cuchiꞌ núj rihaan chumanꞌ Gnido a. Ne̱ ne caꞌve̱e caꞌa̱nj núj a̱ doj, quiꞌyaj nana̱ maꞌ. Cheꞌé dan cachén núj nichru̱nꞌ yoꞌóó ta̱j rihaan na yaꞌa̱nj cuꞌna̱j Creta rej aráán rihaan nana̱, ne̱ nichru̱nꞌ rej cuꞌna̱j Salmón rej na̱j yoꞌóó Creta cachén núj a.

Hechos 4:36

Ne̱ ꞌo̱ soꞌ roꞌ, me síí cuꞌna̱j José, ne̱ nij síí ata̱ suun caꞌa̱nj nata̱ꞌ snana̱ Jesús me se tucuꞌnáj nij soꞌ Bernabé man soꞌ a. Ne̱ nana̱ Bernabé me raj cata̱a síí ꞌyaj nariꞌ nucuaj yuvii̱ a. Ne̱ ꞌo̱ taꞌníí taꞌnij siꞌno̱ síí cuꞌna̱j Leví síí cayáán ga̱a naá me soꞌ, ne̱ cavii soꞌ rej cuꞌna̱j Chipre a.