Hechos 27:11 - Triqui de San Juan Copala

¹¹ Tza̱j ne̱ tanuu capitán yoꞌ roꞌ, ne cuchuma̱n rá soꞌ snana̱ Pabló maꞌ. Tana̱nj cuchumán rá soꞌ snana̱ síí tuguáj rihoo do̱ꞌ, síí siꞌya̱j rihoo do̱ꞌ a.

Hechos 27:11 ပူးပေါင်းရင်းမြစ်များ

Hechos 27:21

Dan me se a̱ ꞌó nij síí ma̱n rque rihoo ne cha̱ nij soꞌ, ne̱ cheꞌé dan canicunꞌ Pabló scaꞌnúj nij soꞌ, ne̱ cataj soꞌ a: ―Veꞌé doj sese cuno nij soj snana̱j asuun tza̱j, tinu̱j. ꞌO̱ se sese ne cavi̱i̱ níꞌ yoꞌóó cuꞌna̱j Creta, ne̱ ne quira̱nꞌ níꞌ sayuun nihánj, ne̱ ne caꞌa̱nj niꞌya̱ cunuda̱nj nij rasu̱u̱n asuun tza̱j maꞌ.

Hebreos 11:7

Dan me se xa̱ꞌ síí cuꞌna̱j Noé, tza̱j ne̱ cheꞌé se amán rá soꞌ niꞌya̱j soꞌ Yaꞌanj roꞌ, cheꞌé dan, nda̱ꞌ se ataa queneꞌe̱n soꞌ da̱j ga̱a̱ sayuun quiꞌya̱j Yaꞌanj man chumii̱ nihánj, tza̱j ne̱ ma̱an cheꞌé se veꞌé cuno soꞌ nana̱ cataj xnaꞌanj Yaꞌanj rihaan soꞌ, ne̱ cheꞌé dan quiꞌyaj soꞌ rihoo xi̱j chéé rihaan na, ne̱ cheꞌé dan me nanii nij tucua̱ soꞌ rihaan sayuun yoꞌ ado̱nj. Ne̱ ma̱an cheꞌé se amán ya̱ rá soꞌ niꞌya̱j soꞌ Yaꞌanj, cheꞌé dan cutaꞌ soꞌ cacunꞌ ya̱ xráá nij yuvii̱ ma̱n rihaan chumii̱ se vaa ne caꞌve̱j rá nij yuvii̱ cuno̱ nij yuvii̱ snana̱ Yaꞌanj, ne̱ guun maꞌa̱n soꞌ síí sa̱ꞌ niꞌya̱j Yaꞌanj ado̱nj.

Santiago 3:4

Ne̱ xca̱j soj cuentá ni̱ꞌyaj soj man rihoo xi̱j chéé rihaan na uún á. Nda̱ꞌ se xi̱j vaa rihoo, ne̱ nucua̱j ndoꞌo oꞌ nana̱ rihaan rihoo, tza̱j ne̱ rcuchra̱ꞌ cunii rásuun nii tuguáj nii rihoo, ne̱ caꞌa̱nj yoꞌ me rej maꞌa̱n me rá nii caꞌa̱nj yoꞌ uún ado̱nj.

Apocalipsis 18:17

tza̱j ne̱ rque o̱rúnꞌ orá navij nu̱ꞌ nij yoꞌ quiriꞌ na̱nj asânj ―cata̱j nij síí naránj natuꞌvéj yoꞌ a. Ne̱ cunuda̱nj nij síí tuguáj rihoo chéé rihaan na yaꞌa̱nj do̱ꞌ, cunuda̱nj nij síí chéé rihoo do̱ꞌ, nij síí ꞌyaj suun rihaan rihoo do̱ꞌ, cunuda̱nj nij síí ꞌyaj canaán saꞌanj, ꞌyaj na yaꞌa̱nj do̱ꞌ, canicu̱nꞌ nij soꞌ rej ga̱nꞌ a.