Hechos 26:6 - Triqui de San Juan Copala

⁶ Ne̱ nihánj me se cutaꞌ nij síí israelitá cacunꞌ xráj, ne̱ nicúnꞌ ꞌu̱nj nihánj rihaan so̱ꞌ, cheꞌé se uun ya̱ raj se vaa quiꞌya̱j Yaꞌanj nu̱ꞌ nda̱a vaa cataꞌ tuꞌva soꞌ rihaan xi̱i níꞌ ga̱a naá a.

Hechos 26:6 ပူးပေါင်းရင်းမြစ်များ

Hechos 23:6

Dan me se xcaj Pabló cuentá se vaa taꞌa̱j nij síí uun chij yoꞌ me síí saduceo ne̱ ꞌó taꞌa̱j nij soꞌ me síí fariseo, ne̱ cheꞌé dan caguáj soꞌ, cataj soꞌ rihaan cunuda̱nj nij soꞌ a: ―Síí fariseo mej, ne̱ taꞌníí síí fariseo mej, tinu̱j. Ne̱ nihánj me se cutaꞌ nii cacunꞌ xráj cheꞌé se ꞌu̱nj me síí naꞌvi̱j ya̱ se vaa cunu̱u iꞌna̱ꞌ uún nij síí caviꞌ vaa güii, quiꞌya̱j Yaꞌanj, tinu̱j ―taj Pabló rihaan cunuda̱nj nij soꞌ a.

Hechos 24:15

Ne̱ nucua̱j ya̱ rá ꞌu̱nj man Yaꞌanj nda̱a vaa ꞌyaj maꞌa̱n nij síí nihánj se vaa vaa güii cunu̱u iꞌna̱ꞌ uún nij síí sa̱ꞌ caviꞌ do̱ꞌ, nij síí chiꞌi̱i̱ caviꞌ do̱ꞌ a.

Hechos 24:21

ꞌO̱ se vaa o̱rúnꞌ nana̱ caguáj ꞌu̱nj ga̱a canicúnꞌ ꞌu̱nj rihaan nij síí uun chij rihaan nij yuvii̱ israelitá yoꞌ, ne̱ dan me se cataj ꞌu̱nj da̱nj a: “Ma̱an cheꞌé se ꞌu̱nj me síí amán rá se vaa vaa güii cunu̱u iꞌna̱ꞌ uún nij síí caviꞌ quiꞌya̱j Yaꞌanj roꞌ, cheꞌé dan naquiꞌyaj cu̱u nij soj cheꞌej cuanꞌ a”, cataj ꞌu̱nj rihaan nij soꞌ a ―taj Pabló rihaan síí nica̱j suun gobernador cuꞌna̱j Félix a.

Hechos 26:8

Ne̱ me cheꞌé ne amán rá soj se vaa caꞌve̱e cunu̱u iꞌna̱ꞌ uún nij síí caviꞌ quiꞌya̱j Yaꞌanj ga̱.

Hechos 28:20

Cheꞌé dan canacúún ꞌu̱nj man nij soj caꞌna̱ꞌ soj, cheꞌé se guun rá ꞌu̱nj que̱neꞌén ꞌu̱nj man soj do̱ꞌ, caꞌmi̱i̱ ꞌu̱nj ga̱ soj do̱ꞌ a. ꞌO̱ se cheꞌé síí naꞌvi̱j níꞌ síí caꞌve̱e quiꞌya̱j cavi̱i̱ sa̱ꞌ níꞌ si̱j israelitá roꞌ, me nu̱mií ꞌu̱nj agaꞌ ne̱ꞌ nihánj ado̱nj ―taj Pabló rihaan ꞌó nij síí israelitá yoꞌ a.

Hechos 3:24

Ne̱ dan me se síí cuꞌna̱j Samuel do̱ꞌ, cunuda̱nj ꞌó nij síí nataꞌ snana̱ Yaꞌanj do̱ꞌ, cataj xnaꞌanj ta̱ranꞌ nij soꞌ uún cheꞌé güii ya̱j ado̱nj.

Romanos 15:8

Dan me se cata̱j xnaꞌanj ꞌu̱nj rihaan nij soj cheꞌé suun quiꞌyaj Cristó cheꞌé nij yuvii̱ israelitá, ne̱ ga̱a naá me se cataj xnaꞌanj Yaꞌanj rihaan xi̱i nij yuvii̱ israelitá da̱j quiꞌya̱j Yaꞌanj cheꞌé nij soꞌ, ne̱ quisíj ya̱ nu̱ꞌ nana̱ yoꞌ, quiꞌyaj Cristó a.

Gálatas 4:4

Tza̱j ne̱ ga̱a quisíj güii a̱j narii Yaꞌanj asi̱j naá, ne̱ caꞌnéé Yaꞌanj Taꞌníí soꞌ caꞌnaꞌ Taꞌníí soꞌ rihaan chumii̱ nihánj, ne̱ cuchruj ꞌo̱ chana̱ man Taꞌníí Yaꞌanj, ne̱ síí noco̱ꞌ stucua̱nj Moisés me nu̱ꞌ nij tuvi̱ꞌ soꞌ ga̱a cayáán soꞌ rihaan chumii̱ nihánj ado̱nj.

Tito 2:13

Ne̱ na̱ꞌvi̱j ndoꞌo níꞌ caꞌna̱ꞌ uún Taꞌanj níꞌ síí uun chij ndoꞌo Síí Tinanii man níꞌ rihaan Sayuun, Jesucristó Si̱j Caꞌnéé Yaꞌanj, ne̱ dan me se uun niha̱ꞌ uxrá rá níꞌ cheꞌé se uun ya̱ rá níꞌ se vaa caꞌna̱ꞌ uún soꞌ a. Ne̱ xa̱ꞌ soꞌ, tza̱j ne̱ queneꞌe̱n níꞌ se vaa niꞌndaj ya̱ sa̱ꞌ veꞌé vaa soꞌ ado̱nj.