Hechos 26:26 - Triqui de San Juan Copala

²⁶ ꞌO̱ se si̱j nica̱j suun rey me síí nihánj, ne̱ soꞌ me síí neꞌen da̱j vaa nu̱ꞌ rasu̱u̱n natáꞌ ꞌu̱nj rihaan nij soj cuano̱ á. Ne̱ ne chuꞌvíꞌ ꞌu̱nj nata̱ꞌ ꞌu̱nj nu̱ꞌ nana̱ nihánj rihaan soꞌ maꞌ. ꞌO̱ se a̱j xcaj rey cuꞌna̱j Agripa cuentá cheꞌé nu̱ꞌ rasu̱u̱n nihánj, rá ꞌu̱nj á. ꞌO̱ se né ra̱su̱u̱n ꞌni̱j yuve̱ me rasu̱u̱n nihánj a̱ maan ado̱nj ―taj Pabló rihaan Festo a.

Hechos 26:26 ပူးပေါင်းရင်းမြစ်များ

San Mateo 26:5

Tza̱j ne̱ cataj nij soꞌ a: ―Se̱ taꞌaa níꞌ man soꞌ ga̱a anuû chaꞌanj maꞌ. Sese da̱nj quiꞌya̱j níꞌ, ne̱ caꞌma̱an rá nij yuvii̱, ne̱ gu̱un sayuun, quiꞌya̱j nij yuvii̱ na̱nj ado̱nj ―taj nij soꞌ a.

Hechos 25:22

Ga̱a ne̱ cataj rey cuꞌna̱j Agripa rihaan Festo a: ―Me rá ꞌu̱nj cuno̱ ma̱ꞌán ꞌu̱nj caꞌmi̱i̱ snóꞌo yoꞌ á ―taj soꞌ rihaan Festo a. Ga̱a ne̱ cataj Festo a: ―Aꞌyuj me se cu̱nó so̱ꞌ caꞌmi̱i̱ soꞌ ado̱nj ―taj Festo rihaan rey cuꞌna̱j Agripa a.

Hechos 26:27

Ne̱ cataj soꞌ rihaan rey cuꞌna̱j Agripa a: ―Ne̱ cata̱j so̱ꞌ ꞌo̱ nana̱ rihanj, rey Agripa. Amán rá so̱ꞌ da̱j taj snana̱ nij síí nataꞌ snana̱ Yaꞌanj ga̱a naá naꞌ. A̱j neꞌén ꞌu̱nj se vaa amán rá so̱ꞌ na̱nj ado̱nj ―taj Pabló rihaan rey cuꞌna̱j Agripa a.